相機食先

hkfoodieblogger

hkbloggers

hkfoodies

香港美食

foodblogger

foodies

foodie

hkfoodshare

bloggers

hkfood

Feeds

假日行旺角,天氣熱辣辣,最好就係飲番杯凍冰冰又涼透心嘅飲品,行到廣華對面,有間茶飲店,係門口睇完飲品牌就揀咗2杯飲品及小食 友人揀咗呢杯今季 Top 1嘅 [ 金煌楊枝甘露 $36 ] 口感超豐富,配料仲超多,好有咬口,味道仲唔會太甜,配料有金煌芒果汁、芒果粒、椰奶、西柚果肉、紅茶果凍,好味道 而我就揀咗呢杯 [ OREO 黑糖珍珠奶茶 $36 ] 估唔到 OREO沙冰同奶茶好夾,飲落凍冰冰涼透心,黑糖味道唔會太甜,剛剛好,黑糖珍珠口感煙煙韌韌 大大件嘅 [ 紫菜肉鬆小方 $38 ] 賣相吸引,一盒有4件,每件蛋糕都有滿滿嘅紫菜肉鬆包圍住,蛋糕鬆軟,切開一半會見到中間位夾住微甜嘅醬,食落味道鹹鹹甜甜 雪凍咗好好味嘅 [ 芋泥肉鬆盒子 $42 ] 面層係肉鬆碎及厚厚嘅Cream,口感Creamy,夾著軟綿綿嘅海綿蛋糕,底層係口感綿滑嘅芋泥,好味到食唔停 茶茶GO 旺角登打士街43P - 43S號鴻輝大廈地下9B號舖 #茶茶go #chachago #茶飲 #珍珠奶茶 #甜品 #蛋糕 #外帶 #旺角美食 #香港美食 #相機食先 #旺角 #oreo #芋泥 #takeaway #dessert #hkfood #foodblogger #foodie #foodies #hkfoodies #hkfoodieblogger #hkfoodshare #foodporn #instafood #instalike #hkig #hkfoodporn #852hk #foodblog #bloggers #hkbloggers #bloggerlife #influenspace

天氣熱辣辣,都唔知食咩好,咁啱行過見到呢到原來開咗間果汁沙律外賣店,就入去買咗份自選沙律及兩杯鮮果汁 呢杯 [ Lite Green Juice $55 ] 用咗Kale、蘋果、薑、檸檬及青瓜製成,加入咗薑都唔會辣,而且可以癖走kale嘅苦澀味,令果汁更易入口 另一杯就係 [ Dragon Fruit Smoothie $68 ] 用咗新鮮水果:紅火龍果、香蕉、燕麥奶及冰製成,紅火龍果同香蕉呢個配搭好正,消暑解渴,紅火龍果仲有助排毒 [ Customise Your Own Salad $120 ] 揀咗兩款新鮮沙律菜:生菜 及 小菠菜,而配料方面就揀咗:Tuna、牛油果、烚蛋、南瓜及大啡菇,份量好多,健康又美味;另外揀咗兩款醬汁:Avocoado Ranch 及 Truffle Yogurt,醬汁係分開兩個小盒放好。仲附送咗粒 Comvita 嘅 Lemon and Honey糖貼咗係沙律蓋上 LITE by REP 中環威靈頓街25號地舖 #lite #bylite #salad #沙律 #juicy #healthyjuicy #中環美食 #中環 #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #hkfoodshare #hkbloggers #instafood #instalike #hkig #hkfoodporn #852hk

今晚唔煮飯,所以收工就去買外賣回家,行行下行到到鰂魚涌,見到呢間小店,小店專做外賣,餐牌只有一個,被店門口大大張牛肉飯嘅海報吸引住 入到店舖就叫咗碗 [ 黑松露溫泉蛋牛肉飯 $60 ] 牛味較濃,牛肉嘅份量夠多,切得薄薄,一啲都唔韌,係牛肉頂放咗香噴噴嘅黑松露,加埋隻半熟嘅溫泉蛋,溫泉蛋夠嫩滑,切開蛋黃慢慢流出,撈飯一齊食,好正,米飯量十足,好飽 叫咗兩款小食,一款係 [ 蟹肉忌廉薯餅 $18 ] 一盒有2件,炸到金黃色,外脆內軟綿綿,鮮甜味口感,點埋沙律醬一齊食真係好正。另一款小食就係炒得香濃嘅 [ 黑松露炒雜菌 $38 ] 菌味道香濃,份量頗多,香口惹味 咖啡豆味香濃嘅 [ lced Latte $34 ] 鮮奶香滑 (好鍾意隻杯) 壹頭牛 鰂魚涌華蘭路12D號惠安苑地下6號舖 #ittogyu #壹頭牛 #壹頭牛牛肉飯 #香港 #鰂魚涌 #鰂魚涌美食 #日本菜 #日式 #外賣 #香港美食 #相機食先 #hkfood #foodblogger #foodie #foodies #hkfoodies #hkfoodieblogger #hkfoodshare #foodporn #instafood #instalike #hkig #hkfoodporn #852hk #foodblog #bloggers #hkbloggers #bloggerlife #influenspace

呢間居酒屋氣氛幾好,啱哂我同朋友一齊聚餐,一路食一路傾計真係好正。店舖座位多,全店滿滿客人,日本美食多款選擇 店員放上沙律前菜,新鮮沙律菜夠爽脆,之後叫咗份 [ 漬物盛盒 $88 ] 包括有牛蒡漬、螢光魷魚、蒜頭,開胃前菜。友人叫咗碟食唔停口嘅 [ 燒雞泡魚乾 $86 ] 唔太乾身嘅雞泡魚乾好味,煙韌度一流,值得推介 叫咗份 [ 明太子燒飯團 $28 ] 及 [ 梅子燒飯團 $28 ],燒過嘅 飯團燒到金黃色,咬落去夠哂香脆,飯團內無沙律醬,入面包住明太子,另一款係梅子 (口感酸酸甜甜),燒過嘅飯團會有少許乾,但都好好食,外層仲有塊脆卜卜嘅紫菜包住 燒物每款都要叫2串起,所以串燒都即叫即燒,保證熱辣辣,當你每食完一串後,店員就再上另一串 [ 月見•免治軟骨雞肉棒 $76 ] 一份2串,雞肉撈埋啲雞軟骨一齊食,咬落有口感,雞肉棒夠Juicy,再點埋啲蛋液及醬汁一齊飯,真係好正 [ 燒油甘魚鮫 $198 ] - 油金魚鮫無細骨,肉質嫩滑,啖啖肉,鮮甜好味 [ 雞皮 $34 ] - 燒得香脆,又唔油膩 [ 雞骹軟骨 $32 ] - 細細粒,口感咬落脆卜卜 [ 牛舌 $48 ] - 肉質彈牙,口感軟滑 [ 燒牛肉 $46 ] - 牛味香濃,味道鮮甜,帶一點油膩 [ 黑毛豬大蔥 $44 ] - 黑毛豬肉質嫩滑 [ 雞皮蝦大葉卷 $46 ] - 雞皮包住無蝦殼嘅蝦,中間用塊葉包住蝦夠哂特別,鎖住肉汁,超正,值得推介 [ 燒白鱔 $59 ] - 魚皮燒得香脆,肉質鮮甜 [ 墨魚香腸 $30 ] - 口感爽口彈牙又多汁,墨魚鮮味突出 [ 燒豆腐 $25 ] - 燒到外脆內軟,健康好味 [ 日本長芋 $29 ] - 帶點焦香味,食落口感爽脆,一串真係唔夠喉 [ 銀杏 $23 ] - 燒到金黃色,口感軟軟的,健康好味 甜品: [ 燒丸子 $32 ] - 芝麻餡,煙韌好味 [ 燒芝士年糕 $32 ] - 外層燒得較乾身,內裡係煙韌嘅流心芝士 飲品: [ 梅子酒 $68 ] - 冰內藏梅子,有特色又好飲 [ 柚子蜜梳打 $46 ] - 清甜好飲 南亭 中環蘇豪士丹頓街55號地下 #南亭 #nantei #nanteiyakitori #居酒屋 #日式 #串燒 #梅酒 #漬物 #japanfood #中環 #中環美食 #士丹頓街 #香港美食 #相機食先 #hkfood #foodblogger #foodie #foodies #hkfoodies #hkfoodieblogger #hkfoodshare #foodporn #instafood #instalike #hkig #hkfoodporn #852hk #foodblog #bloggers #hkbloggers #bloggerlife #influenspace

服務一流,親民好傾 普洱茶夠濃香,去油解膩 [ 冬瓜盅 ] 冬瓜清甜,夏天食最啱,田雞超鮮甜,蝦質鮮嫩,冇落味精,足料,飲左三碗 [ 芋絲手撕雞冰鎮鮑魚 ] 味道同做工極為複雜,Wasabi、紫姜、青瓜絲、海蜇,鮑魚極大隻,爽口彈牙。甜、甘、辣豐迎滋味,一定要喺呢度先有得食 [ 鮮榨牛奶及炸蓮藕餅 ] 牛奶有椰汁蛋白嘅細滑,外脆內軟,甜而不膩,蓮藕餅夾層之中有肉餅,咬落去嘅時候確一聲非常之脆,食上癮,內外都酥化鬆脆 [ 秘製陳皮醬烤骨 ] 老陳皮、九制陳皮、酸陳皮三款精製而成。味道層次好豐富,甜、甘、酸齊晒,肉質嘅層次都好豐富,有五花腩嘅感覺食到不同層次嘅豬肉質感 [ 碧綠翠珊瑚 ] 蟹膏蟹肉炒蘆筍,拆咗兩隻大膏蟹先有呢一碟菜,真材實料,蘆筍係黎自澳洲,清甜爽脆,蟹膏粒粒有咬口,蟹肉拆得好仔細,啖啖肉,正😄 [ 油浸筍殼 ] 勁大條,賣相好震撼,師傅切開嘅時候索索聲,睇住佢表演都覺得賞心悅目,食落口外脆內嫩,除咗講好好食😋同係咁食,真係正到爆 [ 啫啫雞煲 ] 勁香,翻起食物嘅時候發出jer jer 聲,持續左成分鐘,煙霧彌漫,雞肉鮮嫩,唔會黐牙,送飯就最啱啦 [ 名門炒飯 ] XO醬炒飯,自家製XO醬,又有鹹香又辣,送多過飯,大滿足 [ 杏仁茶 ] 香滑,濃郁杏仁味,有蛋白花,甜而不膩 名門私房菜 灣仔灣仔道83號2樓 #名門私房菜 #私房菜 #灣仔美食 #灣仔 #香港美食 #相機食先 #hkfood #foodblogger #foodie #foodies #hkfoodies #hkfoodieblogger #hkfoodshare #foodporn #instafood #instalike #hkig #hkfoodporn #852hk #foodblog #bloggers #hkbloggers #bloggerlife #influenspace

假期約朋友去街,行街前要食番份超豐富嘅午餐。咁啱經過半島中心,餐廳位於一樓,餐廳環境大,座位多,室內設計好特別,燈罩內仲有好多唔同嘅動物模型,店內仲擺咗好多Figure公仔 肚仔餓,睇完餐牌就叫兩份套餐,一份係 [ All Day Breakfast $58 ] 賣相吸引豐富,份量都好多,熱辣辣香噴噴有驚喜嘅早餐,呢個餐有9款配料:蘑菇炒蛋、牛角酥、煙肉、火腿、司華力腸、薯餅、茄汁焗豆、扒茄、沙律菜,𠝹花嘅司華力腸又吸引,牛角酥夠鬆化,蘑菇炒蛋好好味 友人就叫咗份 [ 特濃芝士焗意粉 $40 ] 配豬扒 (可選焗飯/意粉),特濃芝士份量好足,豬扒厚身又大塊,意粉掛汁口感煙韌,份量多,蕃茄汁同意粉真係好夾 餐飲就揀咗杯香濃嘅 [ 凍薄荷朱古力 $5 ] 及 香滑嘅 [ Latte $10 ] I Café 尖沙咀麼地道67號半島中心1樓115號舖 #ICafé #cafe #套餐 #午餐 #AllDayBreakfast #尖沙咀美食 #半島中心 #Figure #香港美食 #相機食先 #hkfood #foodblogger #foodie #foodies #hkfoodies #hkfoodieblogger #hkfoodshare #foodporn #instafood #instalike #hkig #hkfoodporn #852hk #foodblog #bloggers #hkbloggers #bloggerlife #influenspace

放假去南豐紗廠行街,呢到有齊文青、藝術嘅地方,仲有好多個毛孩。行到腳攰,去到2樓見到有間日式餐廳,係收銀位落單後,再等取餐 叫咗份 [ 吉列豚肉稻庭烏冬 $78 ] 吉列豬扒炸到外脆內軟,肉質嫩滑,點埋沙律醬一齊食,好味道;最愛食嘅稻庭烏冬入口彈牙,木漁湯湯底夠香濃 叫咗份小食,一口 [ 章魚燒 $38 ] 滿滿木魚花舖哂係面,仲有沙律醬、照燒汁、紫菜籽,章魚燒一粒粒圓碌碌,熱辣辣,外脆內軟,一碟有6粒 賣相勁吸引嘅 [ 吉列玉子燒三文治 $58 ] 即叫即整,新鮮熱辣辣,搽咗牛油嘅厚多士煎得外脆內軟,玉子燒用日本新鮮雞蛋,落咗20層厚厚蛋漿而整成,搽咗豬扒蛋黃醬,味道酸酸甜甜夠特別,一碟有4件,要同朋友一齊食就唔會膩 飲品就揀咗支 [ 綠茶 $18 ] The Big Things Party 荃灣白田壩街45號南豐紗廠2樓204號舖 #TheBigThingsParty #南豐紗廠 #稻庭烏冬 #吉列玉子燒三文治 #蛋治控 #即叫即整 #文青 #藝術 #荃灣美食 #荃灣 #日式餐廳 #日式料理 #日系cafe #打卡cafe #打卡 #打卡餐廳 #香港美食 #相機食先 #hkfood #foodblogger #foodie #foodies #hkfoodies #hkfoodieblogger #hkfoodshare #foodporn #instafood #instalike #hkig #hkfoodporn

放假同友人去中環 Soho 區嘆番份Brunch Set,要到星期六日先有得食,呢間Cafe樓高兩層,店內裝修特別,仲有好多打卡位置。Brunch Set有頭盤、主菜及餐飲 $198,仲可以 +$40叫埋份甜品,超級豐富 友人叫個份 Brunch Set 係 [ 美式薯餅 - 蝦醬炸雞鎚 - 澳洲肉眼扒配水波蛋 ] 美式薯餅有兩塊,炸得外脆內軟;好有驚喜嘅雞鎚,加入蝦醬一齊整,味道特別,香脆好味;澳洲肉眼扒叫咗 7成熟,口感細嫩,肉眼脂肪分佈平均,肉質幼滑多汁;滑捋捋嘅蛋白包住流心嘅蛋黃,好鍾意食,真係超好味 呢一份係 [ 巴馬火腿配莎樂美腸 - 蘇格蘭蛋 - 卡邦尼意粉 ] 油脂豐富嘅巴馬火腿配莎樂美腸,食落甘香好味;外層係舖滿麵包糠,炸到金黃酥脆,內裡係絞肉包住流心水煮蛋,酥脆好味,口感豐富有層次;滿滿香脆煙肉,色澤鮮豔,意粉掛汁,食落爽滑,簡單美味 + $40 叫咗份甜品 [ Lemon Earl Grey ] 份量十足嘅 Pancake 較厚身,口感食落軟綿綿,切絲檸檬皮,熱辣辣嘅 Pancake 配冰凍嘅雲呢拿雪糕,再配埋香濃嘅伯爵茶醬汁,淋上面一齊食,配搭一流,味道清新好味 跟餐飲品叫咗杯 [ Caramel Latte ] 焦糖味香濃,咖啡順滑;另一杯係 [ Mint Chocolate ] 面層唧有香滑忌廉 + 薄荷葉,薄荷朱古力味香濃,入口透心涼,甜度適中,好飲 Le Jardin à Soho 中環士丹頓街36-36B號地下E號舖 #lejardinasoho #brunch #brunchset #中環 #中環美食 #soho #central #Saturday #香港美食 #相機食先 #hkfood #foodblogger #foodie #foodies #hkfoodies #hkfoodieblogger #hkfoodshare #foodporn #instafood #instalike #hkig #hkfoodporn #852hk #foodblog #bloggers #hkbloggers #bloggerlife #influenspace

好又一日,唔好又一日,當然要食餐好啲啦!呢到樓高兩層,店內裝飾好特別好吸引,環境舒適,同友人一路食一路傾計,食飯時間90分鐘 睇完餐牌,叫咗份 [ 海鮮拼盤 $398/set ] 澳洲波士頓龍蝦 1隻,肉質彈牙,啖啖肉超肥美 日本磯燒鮑魚 2隻,爽口彈牙 新西蘭青口 4隻,肉質肥美飽滿,鮮甜好味 法國虎蝦 4隻,肉質鮮甜肉厚,口感厚實,美味健康 加拿大翡翠螺 2隻,肉質爽彈,有口感,比一般螺肉味道較重,再點埋調咗味嘅醬汁,令鮮味更突出 跟埋2杯白酒 [ Deinhard Green Label ] 味道微甜,一飲愛上 [ 美利堅合眾國草飼牛扒 $168 ] 友人點咗份五成熟嘅牛扒,火喉控制得好好,肉質口感細嫩無筋,帶少許血水,幼滑多汁,配埋芥末醬,仲有沙律菜、兩大塊香脆蝦片及撈咗芝麻醬嘅爽滑烏冬,真係超正 [ 醉鮑魚遇上黑松冷感面 $188 ] 香濃嘅酒香夠哂入味,鮑魚肉質爽口彈牙,酒香又唔會蓋過鮑魚本身嘅味,再配埋撈咗黑松露醬嘅冷面,冷面掛汁,煙韌爽口,估唔到好食到飛起,伴有沙律菜,真心好食到要推介比大家 必飲嘅 [ O~Lam 一Lam浸一浸Reeo 沙冰 $56 ] 冰冰涼涼嘅Oreo沙冰,仲有Oreo碎,有咬口,味道唔甜,好好飲 最後叫咗兩份飯後甜品,兩款甜品個名都好長,好特別,兩款都必食,碟上畫上好可愛嘅卡通人物,打卡一流 [ 茫茫人海遇見你嘅途中夾雜住又酸又甜 $68 ] 賣相好吸引,好似一個籃咁,味道甜甜地,口感軟滑,餅底好正 另一款係 [ 焦頭爛額咁頻撲咗一日,試下俾返少少糖自己先啦喂~ $68 ] 濃濃嘅焦糖味,口感軟滑,甜度適中 GoodDay BadDay 尖沙咀加連威老道27-27A號嘉榮大廈地下及1樓 #goodaybadday #ggoodaybaddayy #goodday #badday #尖沙咀美食 #尖沙咀 #dinner #foodie #food #foodpic #foodphoto #delicious #tasty #相機食先 #手機食先 #hkfood

收工約埋朋友去呢間樓上居酒屋,環境舒適,同友人一邊食一邊傾計,夠哂寫意 賣相好吸引嘅刺身 [ 赤羽太 + 鮟康魚肝 ] 赤羽太薄切,再包住滿滿的鮟康魚肝。赤羽太肉質細嫩,味道甘甜;鮟康魚肝鮮味清新,無腥味 好鍾意食串燒,炸粉唔會炸得太厚,炸得夠香脆,又唔油膩,[ 沙椎魚紫蘇 (2串) ] 薄薄炸漿,魚肉清澈,外層香脆;[ 雞軟骨丸 ] 口感彈牙,有咬口,超正;[ 日本青椒仔 ] 一串有4件,食落唔會苦澀又無草青味,口感爽脆柔軟,唔油膩 香濃芝士味嘅 [ 辣芝士雞柳串燒 ] 微辣,肉質嫩滑,值得推介;[ 雞頸 ] 肉質有彈性,有咬口;[ 黑豚腩肉 ] 油脂分佈均勻,口感細嫩,肉質柔軟帶;好少有嘅 [ 白粟米 ] 香甜好味,燒過嘅食落黏黏軟軟 [ 炸雞軟骨 ] 細細粒,口感脆卜卜,食到停唔到;[ 螢光魷魚漬 ] 一碟份量多,食落鮮甜好味,醬汁帶少咸;好香好味嘅 [ 黑豚豬手大根煮 ] 黑豚豬手夠哂入味,肉質腍滑,蘿蔔多汁好味 最後嚟多個 [ 什菜豆腐魚鍋湯 ] 熱辣辣香噴噴,魚湯鮮味濃濃,鮮甜好味,配菜份量多,有冬菇、金菇、白蘑菇、南瓜、大蔥、娃娃菜 同 豆腐 曉 銅鑼灣登龍街28號永光中心8樓 @_akatsuki_izakaya_ #akatsukiizakaya #曉 #akatsuki #曉居酒屋 #日本料理 #居酒屋 #日式 #串燒 #漬物 #japanfood #Japanesefood #銅鑼灣 #銅鑼灣美食 #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #foodies #hkfoodies #foodblog #hkfoodieblogger #hkfoodshare #foodporn #instafood #instalike #hkfoodporn #852hk

Groups

平靚正之生活日常用品/食品/餐廳

平靚正生活日常用品 上網就買到 Happy share Facebook 及IG 不定期有Giveaway 歡迎Follow, please🥰 FB:facebook.com/sukipeiyy IG:instagram.com/sukisukiy

平靚正之生活日常用品/食品/餐廳

Profiles

KK

17 Followers

223 Followings

0 feeds

KK

SukiSuki

2645 Followers

7 Followings

676 feeds

SukiSuki

翰东

0 Followers

16 Followings

0 feeds

翰东