今日同朋友去街，朋友話佐敦有間餐廳，有款好特別嘅甜品，要帶我去食好嘢 用咗香濃黑椒汁煮嘅 [ 慢煮牛肋條配香煎上海年糕 $158 ] 慢煮牛肋條份量好多，每件口感軟腍，配上香煎上海年糕，年糕會煎香一邊，咬落口感香脆，另外三邊會保留番原來嘅年糕煙韌口感，煙韌又香脆口感夠哂特別 賣相吸引，就似好多花花圍住個太陽嘅 [ 明太子溫泉蛋蝴蝶粉 $134 ] 要拮穿隻溫泉蛋等啲蛋汁流哂出嚟，滲落蝴蝶粉後撈埋一齊，食落口感更豐富有層次，明太子醬味道微甜，蝴蝶粉煮嘅時間控制得剛好，蝴蝶粉食落更滑溜又有咬口 叫咗份小食係 [ 孜然風味原隻單骨雞翼 $60 ] 加咗孜然香料令雞翼更惹味，雞翼皮香脆，內裏肉質嫩滑多汁，咬落每一口都啖啖肉，夠哂肥美 飲品就叫咗杯 [ 成個渡假feel都翻返嚟 $48 ] 最頂係香濃香滑厚層椰奶奶蓋，中層個層係美式咖啡，最底層係清甜椰青水，攪拌後飲會有種好fresh嘅感覺 另一杯就係 [ 碟豆花檸檬梳打 $40 ] 味道微酸又開胃嘅檸檬梳打，將加熱咗嘅蝶豆花水慢慢倒入杯內，由黄變紫嘅漸變顏色出現，帶來夢幻嘅感覺 最後當然就係飯後甜品 [ 超脆油炸鬼配芒果汁及雪糕 $68 ] 大大嚿一球雲呢拿雪糕，倒上新鮮香濃嘅芒果汁，底層芒果汁及粒粒脆卜卜嘅油炸鬼，一凍一熱嘅口感更豐富，估唔到油炸鬼配雪糕原來咁好食，值得推介嘅甜品 捌壹公館 佐敦吳松街81號地舖 #捌壹公館 #81house #佐敦美食 #油麻地美食 #尖沙咀美食 #西餐 #明太子 #慢煮 #foodie #food #foodpic #foodphoto #yum #相機食先 #手機食先 #hkfood #香港美食 #美食 #hkig #ighk #foodies #hkfoodies #foodblog #hkfoodieblogger #hkfoodshare #foodporn #instafood #instalike #hkfoodporn #852hk