灣仔近排開咗間高級中菜館，用時令新鮮食材為烹煮材料。店內環境超豪華，影相打卡就一定唔少得啦！餐廳更推出咗自助早午餐 $368/位+10%。逢星期六、日及公眾假期都有得食，而且每個客人仲可享一客天客翅及波士頓龍蝦，可以任食超過30款精緻點心及小菜 必食熱辣辣嘅 [ 天宮翅 ] 用料十足。另外就係每個客人都有半隻 [ 波士頓龍蝦 ] 肉質爽口彈牙，味道鮮甜濃郁，酸甜醬汁夠清新，配龍蝦真係一流，薯蓉香滑美味 賣相超精緻嘅點心，9款點心即叫即蒸，無限量供應，最重要係少油夠健康 點心包括有 黃金兔仔耳嘅 [ 兔仔奶黃餃 ] 用晶瑩通透嘅蝦餃皮包住香濃奶黃餡。啤梨造型嘅 [ 啤梨黑豚咸水角 ] 外層香脆，外皮口感煙靭，肉餡爽口。綠色球形嘅 [ 桃膠雜菌餃 ] 內裡滿滿餡料，口感特出 [ 娘惹海皇卷 ] 口感香脆，內裡塞滿爽口彈牙嘅蝦仔，鮮甜好味。[ 山珍松露腐皮卷 ] 香濃松露味，口感超香脆。好特別嘅 [ 黑蒜燒賣 ] 超濃郁嘅黑蒜味，帶出鮮味嘅豬肉，一試難忘 [ 頂峰蝦餃 ] 蝦餃皮包住鮮蝦。細細個好迷你嘅 [ 叉燒包 ] 餡料滿滿。[ 馬拉糕 ] 金黃色非常鬆軟，帶點微香 除咗任食點心外，仲有自助區，可以係出面拎，夠哂方便，自助區仲有各式各樣嘅小菜：油爆蝦、避風塘茄子、沙薑雞、牛柳粒、甜品、糖水及水果 永8舫 灣仔軒尼詩道318號永倫立方2樓#永8舫 #永8舫 #win8hk #win8 #高級中菜 #魚翅 #波士頓龍蝦 #灣仔美食 #wanchai #永倫立方 #兔 #相機食先 #手機食先 #香港探店 #香港美食 #美食