再次二訪呢間台式料理嘅小店,每次去到都排龍要等位。仲推出咗新款小食,當然要同朋友去食。用Qrcode落單真係好方便 見到即刻嘩咗一聲,呢碗 [ 薑蔥手撕雞飯 $55 ] 薑蔥份量真係超級多,薑蔥控真係大愛呀,超惹味嘅薑蔥,成個飯都係薑蔥味,而且手撕雞肉肉質好嫩滑,份量又夠多,撈飯食真係一流 友人就叫咗呢碗 [ 風琴豆腐牛肉飯 $55 ] 中間位置放咗舊長長嘅風琴豆腐,風琴豆腐就好似海綿咁索哂啲牛肉汁,咬落去唧哂啲汁出嚟,超美味,配埋啲嫩滑牛肉,夠哂惹味 新推出嘅必試小食 [ 脆炸鮮奶卷·古早芋泥二文字 $48 ] 即叫即炸,外層炸到金黃色,口感酥脆,入面軟滑,奶香味香滑;古早芋泥二文字,外層用鬆脆嘅餅乾,夾住中間細滑軟糯嘅芋泥,真係食到停唔到口 呢款 [ 熔岩蛋之戀 $39 ] 蛋餅薄身之餘,食落香脆口感,真係超足料,入面有芝士同好多火腿,啲芝士仲可以拉絲拉到好長添,口感豐富多層次,真係夠哂邪惡,芝士控必叫 最後叫埋份 [ 台北夜市小食拼盤 $39 ] 燒得香脆嘅台灣腸,帶蜜糖嘅甜味,食落爆汁、口感爽口彈牙嘅花枝丸、炸到卜卜脆,口感酥脆嘅鹽酥雞 飲品就叫咗杯 [ 黑糖珍珠鮮奶 (大) $45 ] 奶味超濃,口感幼滑,黑糖珍珠口感煙韌彈牙,另外仲加入仙草,而且味道唔會太甜,真係超好飲。另一杯係濃濃豆香味嘅 [ 珍珠豆奶 (大) $31 ] 口感綿滑,加入仙草及寒天,三款配料都好有咬口,食落口感更豐富 星期一至六,2:30pm後全單9折優惠同埋特飲半價,真係抵食到爆,記得唔好去錯日子,因為星期日同紅日休息㗎 壹.01 觀塘駿業街56號中海日升中心2樓D號舖 #壹01 #壹01台式料理 #二訪 #芝士控 #蛋餅 #薑蔥控 #觀塘美食 #台式料理 #台灣菜 #觀塘 #觀塘好去處 #香港美食 #美食 #香港探店 #相機食先 #手機食先 #文青 #foodie #food #sukisukiyfoodie #foodpic #foodphoto #yummy #hkfood #foodies #hkfoodies #foodblog #hkfoodieblogger #hkfoodshare #foodporn

Related Feeds

呢排天氣凍又潮濕,搞到身體手腳都冰冷。彩豐行嘅暖薑系列就好啱女士們用,而且產品內有薑嘅成份,對女性嚟講真係好重要 JOSRISTINE - 暖薑滋養潤手霜 🤲🏻 可以滋養暖膚♨️預防龜裂🍂蘊含天然薑根精華有效促進血液循環,提升手部肌膚嘅彈性。而且配合埋黑糖、乳木果等滋養成分,能夠預防龜裂情況,提供深層滋潤,改善乾燥,令雙手變得更柔軟暖滑 薑根精華 (Ginger Root Extract) 含有豐富維他命A和C,有促進肌膚血液循環、行氣活血、增加皮膚彈性及令皮膚紅潤有光澤 零售價💰$39.9 暖心優惠♨️$29.9/50ml 暖薑滋養潤手霜產品資訊:bit.ly/3XeSa6e ♨️♨️♨️♨️♨️♨️♨️♨️ JOSRISTINE - 暖宮按摩油 ♨️ 可以暖宮驅寒♨️ 改善手腳冰冷❄️暖宮按摩油質地輕薄易吸收,蘊含溫暖嘅薑根香薰精油,透過按摩手法有助緩解/紓緩經期不適,同時亦能改善手腳冰冷問題,特別適合子宮寒涼嘅女士使用 再搭配埋珍貴嘅有機玫瑰果油及保加利亞玫瑰🌹香薰精油,能緊緻肌膚,同時有美白、滋潤、修護肌膚功效 🚫不含礦物油、甘油 🚫不含矽油、防腐劑 🚫不添加香精 🚫無動物測試 經期前使用 於經期前七天至經期嘅第一天 (連續使用8天),取適量塗於下腹順時針按摩約5-10分鐘,配用埋暖水袋熱敷用作調理效果更為理想👍🏻 每天使用 潔膚後,取適量塗於需要之部位,輕輕按摩以助吸收,不用清洗。可配用暖水袋熱敷用作調理效果更為理想 💞溫馨提示💞 含有薑根香薰精油,避免接觸眼睛 孕婦🤰🏻🚫不宜使用 暖身價♨️$89.9/200ml 暖宮按摩油產品資訊:bit.ly/3liZ90U 網店🛒 choi-fung.com 彩豐門市資料📍choi-fung.com/address IG: @choifunghong_hk FB:facebook.com/choifunghong.hk #彩豐 #choifunghonghk #choifung #JOSRISTINE #暖宮按摩油 #暖薑滋養潤手霜 #暖薑 #薑 #暖宮 #潤手霜 #按摩油 #經期 #薑根 #驅寒 #滋潤 #修護肌膚 #推介 #hkbloggers #handcream

冬天咁乾燥,淨係用 Cream 真係唔夠,要用埋呢支 [ INFYNYTI 抗糖抗藍光水感精華 ] 就啱啱好啦!用後面部皮膚有所改善,令肌膚更水潤,又夠光澤。一支夠哂超值,有齊哂4大專利成份 抗藍光專利成份Ectoin®:可以減少皮膚發炎,防紫外線、藍光、輻射對皮膚造成嘅損傷,成份可以停留係皮膚7日,對皮膚有足夠嘅保護。係皮膚上做咗個穩定嘅屏障,可以舒緩過敏同受刺激的皮膚,改善皮膚嘅水分含量 抗糖專利成份Trylagen®:增強咗膠原蛋白合成,形成咗健康嘅膠原蛋白組織,保護膠原蛋白免於降解,並有糖化作用,仲有助增強肌膚彈性、改善皮膚鬆弛、減淡細紋同細緻毛孔 天然抗炎專利 CalmYang TM 3%:天然植物成分,而非類固醇消炎成份 專利成份 PhytoAct Golden Sericin :改善皮膚功能、為肌膚提供防護屏障,對健康肌膚嚟講非常重要,而且有天然保濕因子NMF成份,可從大氣中吸收水分,加上本身嘅水份含量,皮膚keep住水潤 而且佢嘅黃金比例、高純度Niacinamide (維他命B3),有效淨化黑色素力同時提升肌膚水潤度、光澤度、透白度。 透明質酸鈉,1000倍注入水分,滋潤皮膚,有助減少水分流失,減淡皺紋和細紋的出現,平衡肌膚,細緻毛孔 用嘅方法仲好簡單,每晚爽膚及洗完面後,滴幾滴精華係掌心,搽係面上,輕輕按摩直到完全吸引收,早晚用就最啱。用咗一個星期到,就會感到皮膚更水潤及有光澤 @infynytihk @myprincessyoyo #infynytihk #myprincessyoyo #myprincesshk #產品分享 #美妝保養 #化妝品分享 #護膚分享 #護膚品分享 #推介產品 #推介分享 #推介 #精華推介 #精華 #保濕精華 #抗糖精華 #最強精華 #精華液

好耐無食泰國菜,去咗尖東海旁個邊有間 “Namo”,可以一路食飯一路睇埋夜景,座位有室內及室外,環境舒適,店員係泰國人,超nice又好笑容 食泰國菜點少得冬陰功湯,大約有3碗份量嘅 [ King Prawn Tom Yum $168 ] 原隻大蝦啖啖肉,蝦肉鮮甜厚肉又彈牙,仲好多膏,湯底濃郁,又唔會太辣,冬陰功湯真係好正好足料,仲好好飲 飲完湯,就開始食沙律菜先,叫咗份燒牛肉沙律 [ Beef It Up $168 ] 燒牛肉份量都好多下,都好大塊,個汁好正,配埋新鮮沙律菜,個沙律汁酸酸辣辣,真係夠哂開胃 食泰國菜必叫椰青 [ Fresh Young Coconut $78 ],飲住消暑解渴嘅椰青配搭以下美食,真係好有置身於泰國嘅感覺 外層炸到金黃色嘅 [ Shrimp Lollipop $148 ] 用庶條代替竹籤串起蝦肉,庶香味滲透蝦肉,4大支肉質彈牙又厚實嘅蝦卷,點埋泰式酸辣醬,食落更有一番風味 半份板燒豬頸肉 [ Pork Platt-Aya $88 ] 份量都好多下,板燒豬頸肉,炭香四溢,入口鬆軟、香口又惹味,仲唔會乾身,配上秘製醬汁 再嚟兩串炭燒又惹味嘅 [ Chicken Satay $72 ] 雞肉大件又厚實,咬落唧哂啲汁出嚟,點埋個沙嗲醬就最正。連酥脆烤餅 [ Roti Paratha $78 ] 都一定要點埋呢個沙嗲醬汁一齊食 賣相精緻嘅 [ Chilli Crad Tacos $168 ] 夾餅包住滿滿肉鬆、蟹肉,再配搭沙律醬一齊食,口感鮮甜,啖啖蟹肉,食落口感豐富有層次。最後再叫多份口感清新嘅 [ Avocado Rolls $138 ] 一碟有8件,牛油果口感軟綿,米紙卷包住滿滿配料,配埋醬汁 最後係飯後甜品,賣相超吸引嘅芒果糯米飯 [ "Ticky-Lice" $98 ] 三層唔同口味嘅糯米飯,最頂係斑蘭口味、中間係紫糯米、最底就係原味,煙煙韌韌好味道,點埋個椰漿一齊食,兩邊仲有香甜嘅切粒芒果,食埋個甜品,今餐真係夠哂滿足 Namo Avant Thai Restaurant 尖沙咀麼地道68號帝國中心G18號舖 #namohk #NamoAvantThai #restaurant #thai #泰國菜 #米芝蓮 #NamoAvantThaiRestaurant #thaifood #尖沙咀美食 #尖東美食 #泰國美食 #泰國餐廳 #香港探店 #相機食先 #手機食先 #香港美食 #美食 #foodie #food

平靚正之生活日常用品/食品/餐廳

平靚正生活日常用品 上網就買到 Happy share Facebook 及IG 不定期有Giveaway 歡迎Follow, please🥰 FB:facebook.com/sukipeiyy IG:instagram.com/sukisukiy

平靚正之生活日常用品/食品/餐廳

KK

28 Followers

283 Followings

0 feeds

KK

SukiSuki

3397 Followers

7 Followings

753 feeds

SukiSuki

Hong Kong

Hong Kong Island

Wan Chai District

Wan Chai District

Causeway Bay

Central District

Caroline Hill

Hennessy Road

South China Sea Islands (disputed)

Causeway Bay Station