原來長沙灣都有間好味又抵食嘅居酒屋，今日同朋友一齊去食，店內裝修日式風格，好多不同日式布置及清酒樽擺設；再睇埋好多款日式美食嘅餐牌，真係吸引我嘅眼球 首先叫番個小食先【燒鱈魚干 $48】焗得夠香脆好味，仲可以點沙律醬一齊食；帶有辛辣味嘅【明太子雞翼 (2隻) $58】外皮香脆，肉質嫩滑，明太子做夾心，正 串燒係即叫即燒嘅【醬油燒年糕 (2件) $48】咬落去熱辣辣，內裡煙煙韌韌，真係必食之選；再嚟2串燒得好香嘅【鹽燒雞脾菇 $38】口感熱辣辣 去居酒屋食晚餐，當然要嗌埋壽司，就揀咗【三文魚壽司 (2件) $38】鮮甜厚切美味；【海膽壽司 (1件) $38】新鮮海膽，味道一流；【帶子壽司 (2件) $58】鮮甜肥美；【芝士蟹柳火灸壽司 $38】燒溶咗嘅芝士舖上蟹柳；【玉子壽司 (2件) $28】甜甜厚身玉子，蛋香嫩滑；頂層有大量蟹籽嘅【加州反卷 $68】口感夠哂豐富，好味夠飽 今晚晚餐，兩個人都係食咗五百蚊到，款式選擇多又抵食，滿足又飽肚 味道樂居酒屋 (元州街) 長沙灣元州街498號青華閣地下C舖