#香香食好西 #防疫期無啖好食 之 #是日晚餐 大大兜麻辣菜🥘 下圖為酸菜魚（$188）加水煮牛（$298）各一，份量十足，肉類頗多，前者加咗酸菜豆芽，後者有金菇，同樣配有水晶粉蒟蒻等配料，要分開兩個兜先裝得哂🤭 加多個涼拌木耳7折埋都係四百幾。 酸菜魚預設江團，魚肉片大而厚身，口感近似鯇魚略帶爽脆，有部分位置連骨，唔同大陸食到嘅啖啖肉，不過全部都係大骨，非骨刺唔易噎親。 水煮牛選用安格斯牛肉，所以價錢偏貴，絲毫不帶脂肪，厚嫩又帶咬口，不同於一般嘅肥牛片，唔係滑潺潺嘅感覺。 兩份都揀咗最辣嘅大辣，辣妹表示食到有辣味但唔覺辣，我諗程度大約係譚仔10小辣啦😴 兩者用嘅辣椒種類有不同🌶反而偏愛酸菜魚嘅香辣，食落舒爽袪濕；水煮牛加嘅辣椒苦味較重，適合重口味人士。 值得一提水晶粉幼身爽滑，廚房預先剪短易夾易食，唔易跣落彈到周圍都係，嗦汁力強，嗦哂辣湯食落好過癮🤩🤩🤩 #nearD好西 #食在尖沙咀 #麻辣派對

尖沙咀K11 MUSEA Avobar 營養學角度，on diet更應該吸取好油，對心血管健康同降壞膽固醇都有幫助💁🏻‍♀️ 但外食一族都幾難搵到好油，出面用嘅油好多時都含大量反式脂肪，好在坊間都多咗唔少有營食肆，例如呢間主打 #牛油果 菜式嘅avobar🥑 ⚜️ 🥗Avo Cobb Salad ($148) 薄片牛油果成花狀擺放於中心，四周環繞蕃茄、鮮蝦、水波蛋、煙肉、芝士、粟米等多種食材，底層舖有羅馬生菜，有齊纖維、crab、protein，營養豐富。 牛油果估計來自墨西哥，特性係油份重，口感更creamy，飽足感更高，無草青味，較適合大眾口味； Bacon煎得卜卜脆，減低油膩感； 蕃茄仔同生菜爽甜有水份，食得出係新鮮食材； Salad主要靠cheese同bacon嘅鹹香天然提味，感覺更健康。 🍔Avo Bun Beef ($158) 餐廳所有burger嘅麵包都以原個牛油果取替，上下夾住不同配料。 我揀呢款係由牛肉切絲混合蕃茄salsa而成，牛肉同酸甜味十分相配，更輕盈醒胃； 旁邊嘅芹菜根沙律好爽脆，加咗沙律醬調味更易入口。 整頓午餐最值得加分係完膳後既滿足而又無落唔到嗝嘅飽滯感，感覺對比其他外食對腸胃負擔無咁大👍🏻👍🏻 #食在尖沙咀 #香香食好西

#香香食好西 #防疫期無啖好食 之 #是日午餐 花牆下的抵食茶餐💐 餐廳過往以粉白色為主色嘅少女風花藝設計及主打多種口味嘅班戟為gimmick，吸引不少女性侶伴客人前來打卡； 特式班戟動輒上百元，但原來lunch&tea set價錢幾貼地抵食。 🍝白酒忌廉汁海蜆意大利粉 $48 一如午市份量，即使茶市仍絲毫不減，海蜆有6隻，無沙不腥，正常水準； 意粉有驚喜，忌廉汁濃郁creamy，充滿奶油香，略加上鹽調味，帶微咸平衡奶味嘅膩； 意粉軟硬適中，韌中帶糯，有咬口，質素唔錯👍🏻 Amercaino +$3 for 凍飲 濃淡適中，大眾口味，咖啡豆略帶甘香，口感滑順，無果酸味，估計係巴西豆，啱我口味😋 #食在尖沙咀 #SeanCafe #nearD好西

#香香食好西 #防疫期無啖好食 之 #是日午餐 花牆下的抵食茶餐💐 餐廳過往以粉白色為主色嘅少女風花藝設計及主打多種口味嘅班戟為gimmick，吸引不少女性侶伴客人前來打卡； 特式班戟動輒上百元，但原來lunch&tea set價錢幾貼地抵食。 🍝白酒忌廉汁海蜆意大利粉 $48 一如午市份量，即使茶市仍絲毫不減，海蜆有6隻，無沙不腥，正常水準； 意粉有驚喜，忌廉汁濃郁creamy，充滿奶油香，略加上鹽調味，帶微咸平衡奶味嘅膩； 意粉軟硬適中，韌中帶糯，有咬口，質素唔錯👍🏻 Amercaino +$3 for 凍飲 濃淡適中，大眾口味，咖啡豆略帶甘香，口感滑順，無果酸味，估計係巴西豆，啱我口味😋 #食在尖沙咀 #SeanCafe #nearD好西

茶理史真係好好飲 次次都一定加腐竹 😋😋😋😋 #茶理史 #食在尖沙咀 #尖沙咀

#香香食好西 #nearD好西 #是日午餐 #buffet #食在尖沙咀 #香格里拉 本來擔心食物質素會大打折扣，好在shangrila都仲keep到水準。Lunch buffet盛惠$388加一，另有七折，$300就有得任食兩個半鐘。 ⚜️ 首輪當然係冷盤🦐🦞🦀🐠🐟🐙 lunch提供海蝦、蟹、長腳蟹、青口、海螺，龍蝦只限晚市。 海蝦青口新鮮鮮甜，蟹膏算幾多，不停有refill。waiter好貼心，一見我摵蝦就送上一疊紙巾同濕紙巾👍🏻 ⚜️ 次回係西式肉類🍗🍖🌭 廚師現切有燒雞、豬柳，熟食有紅酒燴牛肉、煎盲鰽、多款德國香腸等。 盲鰽帶油香，表皮香脆，魚肉鮮嫩； 紅酒燴牛肉炆煮至軟身，伴有濃郁葡萄酒香，相信花費不少時間烹調； 豬柳厚切得嚟肥瘦分佈均勻，無絲毫油膩感，入口稔滑。 ⚜️ 🥘🧆🍜🍲🍥🥠🍢 其餘熟食類有多款印度咖喱，可自配脆片或薄餅等蘸汁食； 日式嘅煎三文魚頭、關東煮、天婦羅； 馬拉嘅串燒同河粉類； 亦有中式咕嚕雞、蒸魚、燒味、點心等。 ⚜️ 🧁🍰🍮🍪🍩🍫🍨 嚟cafe kool一定要留肚食甜品，以酒店buffet計頭幾位出色，雖然偏甜，但款式多同較為特別。 個人推介拿破崙，酥餅鬆脆，唔會有擺得耐受潮嘅感覺，中間夾有超級多朱古力醬，一咬落去有爆漿感🤤🤤 椰子芒果幾特別，中間黃色果層芒果醬酸味味，中和咗椰絲嘅甜，個人覺得唔好夾白朱古力會比較好，甜味無咁over同失衡。 Tiramisu我食咗三杯，mascarpone 好滑好creamy，底層嘅咖啡餅香甜又帶些微甘澀，好滿足🥳 ⚜️ 金鐘同尖東兩間比較之下，環境當然係金鐘好啲，較闊絡、亦較寧靜； 但以性價比嚟計當然係九龍區抵食啲，地段亦較為方便偏中間點。

#香香食好西 #nearD好西 #是日午餐 #食在尖沙咀 #呇 午市套餐包含前菜、主菜配白飯，考慮到川菜份量較大，點咗一份薑雞套餐（$160）同一道水煮牛，主食share。 兩個辣精當然指定最辣再加辣😛 🥠龍抄手 顧及到素食者可選擇葷素，龍抄手為葷菜，裡頭包有豬肉韮菜。 傳統包嘅雲吞，突出如絲巾般嘅粉皮纖薄滑嫩，掛上辣油，增添鮮香； 相較之下肉餡偏鬆散，亦唔夠飽滿，建議混入蝦肉會更鮮甜。 🐣薑雞 選用雞柳片，雖然肉質薄如紙張，但勝在嫩而不柴，裹上生粉炸香，薄脆香口，攤涼後仍保留脆嫩感，難怪為餐廳熱門； 蜜糖毫不吝嗇，加入帶微辛嘅薑汁、洋蔥中和甜膩，即使貪嘴食多兩嚿都唔覺膩。 🍜白飯轉配麵食另+$40。 唔夠正宗嘅擔擔麵，加分位係麵條絲絲均勻，綿中帶韌勁； 唯麻醬同花生欠奉，無咗靈魂所在，建議大家食之前問餐廳拎兜麻醬撈住食，即刻感覺唔同哂🤫 🥘水煮牛（大）$270 雖然盤大，但牛肉不多，大份都只有十幾片，牛柳位，厚肉得嚟幾嫩； 薯粉、大豆芽、菇菌、萵荀佔多，色水紅通通，可惜都係唔夠辣，辣度較大眾化。 餐廳佔地不算大，大約有二十枱，但樓面只有兩個，有人手不足問題，坐窗邊角落更要主動行出去叫人； 幸好其中一位戴眼鏡嘅店員都有不時過嚟關注，適時加水。

#香香食好西 #nearD好西 #食在尖沙咀 #牛魔 尖沙咀牛魔都唔係第一次寫，除燒肉外，午市都有供應定食，事隔半年原來餐牌早已轉新。 除咗招牌嘅鐵板牛肉、慢煮牛肋骨依然保留，其餘選擇都轉變不少，多咗港人熱愛嘅香口炸雞扒同堆積如山嘅爆丼等😋 以定食而言牛魔定價唔算高昂，平均一百蚊落樓。 前菜為常見嘅中華沙律； 沙律菜中規中矩，算唔上新鮮多汁，但配上日式胡麻醬寧捨開胃。 味噌湯口味比日本當地嘅淡身，相信材料加入牛骨，湯水清而帶牛香。 🐔博多唐揚雞扒 $85 雞扒炸粉薄身，炸得鬆脆唔油，以無做開炸物嘅燒肉店嚟講值得一讚； 但夾層雞肉偏薄，感覺炸粉佔咗大半，伴碟嘅蛋黃醬幾特別，鹹鹹香香，呢個配搭都係第一次食。 🧆宮崎和牛咖喱漢堡 $125 兩塊漢堡圓潤飽滿，係咪和牛就唔知，但口感鬆軟，除甘荀碎粒外其餘都係肉，唔係溝粉👍🏻 可能係加上芝士同本身咖喱調味偏重嘅緣故，整體略嫌偏鹹咗啲，送飯食就啱啱好。

今日睇到呢間！😍 感覺好好食！🤤 #尖沙咀 #葡萄牙菜 #食在尖沙咀 #葡匯咪走雞 在尖沙咀就有一間可以品嚐到正宗葡萄牙菜滋味的餐廳，而且老闆是葡萄牙的皇室後裔，味道當然是最正宗。 餐廳的老闆兼主廚Michael Franco是地道的葡萄牙人，爺爺是葡萄牙首任總統而祖母則為最後一任皇后後裔。Michael自少就陪著在廚房工作的祖母，多年來一直品嚐著地道且具家庭風味的葡萄牙菜，但Michael成長後一直都沒有正式進軍飲食界，直至60歲退休後才打算經營一間小餐廳，用作打發時間之餘同時又可以享受入廚的樂趣。2014年在西頁開店做私房菜後，很快就有食客主動邀請Michael到尖沙咀開店。在食客的多番邀請後，Michael終於把店舖由西貢搬到尖沙咀，亦把正宗的葡國菜和他的創意料理帶給更多的食客。 要數餐廳的正宗葡國料理，第一道就是它的海鹽烤沙甸魚。把原條沙甸魚放上烤爐，再於兩側撒上海鹽調味。簡單的調味令食客品嚐到沙甸魚豐富的魚油香和魚肉的鮮味，對於甚少有機會看到原條沙甸魚的香港人而言頗為新鮮。另一道傳統菜式就是非洲雞，正宗的非洲雞用上了霹靂辣椒，味道又香又辣，再配上一杯餐廳的白砵酒，簡直是最佳享受。而另一道餐廳名菜砵酒炆牛尾則稍作改良，去除牛尾的騷味並加入大量蔬菜去炆，肉質入口即溶，味道一流。 餐廳過往主力經營晚市，疫情下為了保證食物質素而堅決不做外賣，更寧可休業兩個月亦不願意降低對食物的質素，這份專業態度絕對值得欣賞。兩個月後餐廳決定復市，馬上得到不少熟客專誠前往光顧，令生意得以緩和。加上餐廳推出乳豬券，食客能夠以買一送一的優惠價品嚐到餐廳的燒乳豬，所以一下子受到不少食客的支持。 葡匯咪走雞葡國餐廳 地址：尖沙咀彌敦道118-130號美麗華廣場二期1樓167號舖 營業時間：12:00pm-10:00pm hk.news.yahoo.com/尖沙咀美食-正宗葡國菜-葡匯咪走雞葡國餐廳-西貢-乳豬-223029850.html

#香香食好西 #nearD好西 #食在尖沙咀 再次嚟到呢間位於小巷中嘅 居酒屋 ，雖然走港式風味，但都係與酒友輕酌小聚嘅好去處。 餐廳由開業至今始終如一，唔係唔創新，而係雞牛豬羊海鮮蔬菜早已一應俱全。 憑住香港地道手工啤，吸引不少香港人支持，基本上枱枱都人頭一枝，落單仲可以借啲咦講隻字抒解吓整日嘅工作壓力🤣🤣 串燒未到，已聞到孜然飄香。 牛舌（$68）厚肉爽脆，有嚼勁而不韌； 自家製雞肉串（$38@2）多肉肥美，雖未至於油水充分，但啖啖肉嘅口感依然帶嚟無窮滿足。 菜單有不同調味嘅焗蠔選擇。 黃金醬燒（$88@3）係以沙律醬同芝士烤焗，奶香濃郁，令廣島蠔口感更添油潤。 蠔身約姆指大小，原味道偏向淡口，加上調味又多重滋味🥰 每個廚出品嘅玉子燒（$39）各有千秋，呢度嘅質感偏紮實，唔會太甜，咸甜比例恰到好處。 大大層mozzarella 舖面，芝士怪表示加分！ 雖然無拉絲效果，但大大嚿芝士啪入口超級邪惡又滿足！！！ 再嚟多個燒芝士丸（$22），醬油燒香外層，令其更加香口，又中和咗芝士本身嘅膩，普通嘅芝士丸經過烤煉後變得不再平庸😈 最後當然要點返個蔬菜解解肉膩。 蒜蓉燒茄子（$49）喺串燒店絕不可少，表面滿滿嘅蒜蓉火候控制得好好，唔會過生，香而不辣口； 茄子一撕就離皮，又嫩又入味，水準滿分👍🏻👍🏻 📍串酒里 (尖沙咀) 尖沙咀山林道6號B舖 (漢國中心對面)