#香香食好西 #防疫期無啖好食 之 #是日晚餐 大大兜麻辣菜🥘 下圖為酸菜魚（$188）加水煮牛（$298）各一，份量十足，肉類頗多，前者加咗酸菜豆芽，後者有金菇，同樣配有水晶粉蒟蒻等配料，要分開兩個兜先裝得哂🤭 加多個涼拌木耳7折埋都係四百幾。 酸菜魚預設江團，魚肉片大而厚身，口感近似鯇魚略帶爽脆，有部分位置連骨，唔同大陸食到嘅啖啖肉，不過全部都係大骨，非骨刺唔易噎親。 水煮牛選用安格斯牛肉，所以價錢偏貴，絲毫不帶脂肪，厚嫩又帶咬口，不同於一般嘅肥牛片，唔係滑潺潺嘅感覺。 兩份都揀咗最辣嘅大辣，辣妹表示食到有辣味但唔覺辣，我諗程度大約係譚仔10小辣啦😴 兩者用嘅辣椒種類有不同🌶反而偏愛酸菜魚嘅香辣，食落舒爽袪濕；水煮牛加嘅辣椒苦味較重，適合重口味人士。 值得一提水晶粉幼身爽滑，廚房預先剪短易夾易食，唔易跣落彈到周圍都係，嗦汁力強，嗦哂辣湯食落好過癮🤩🤩🤩 #nearD好西 #食在尖沙咀 #麻辣派對

今日朋友帶我食好西，睇到餐廳門口已經覺得好吸引，店內紫色嘅牆壁，天花佈滿好多球形嘅彩色花花，好特別嘅燈光 水煮魚系列有4類，我哋就揀咗 [ 鮮椒口味 ]，再揀 [ 大辣 ] ( 無眼花，真係揀咗大辣 )，入口刺麻，濃郁嘅花椒味，配埋魚 揀咗 [ 江團 Catfish $198 ] 每一件魚肉厚實，肉質嫩滑彈牙，新鮮魚肉，煮得勁入味，仲要無魚骨又唔腥 ( 我竟然食咗好多舊 )，加埋入去嘅輔菜就揀咗 [ 花膠 $78 ] 爽口彈牙 及 [ 牛栢葉 $58 ] 口感爽脆，份量足。成盤份量好多，除咗有以上嘅配菜外，仲有魔芋、水晶粉、黃豆芽等等 食麻辣當然要配番杯特飲啦，揀咗一人一杯超大杯嘅 [ 蜜語水果茶 $38 ] 滿滿水果在內，口感清甜爽口，水果包括有西瓜、橙、火龍果、青檸、奇亞籽 及 [ 冰雪鮮檸C飲 $38 ] 檸檬、青檸在內，口感酸酸甜甜。兩杯都係夏日必選飲品 最後仲有飯後甜品，好足料嘅喳咋，味道又唔會太甜。食埋甜品真係勁滿足 麻辣派對 銅鑼灣記利佐治街1號金百利廣場4樓R1號舖 #麻辣派對 #銅鑼灣美食 #銅鑼灣 #金百利 #水煮魚 #辣 #麻辣 #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #foodies #hkfoodies #foodblog #hkfoodieblogger #hkfoodshare #foodporn #instafood #instalike #hkfoodporn #852hk