今日收工後，同媽媽去上海弄堂菜肉餛飩食晚餐 想點素菜餛飩，但已經售罄，所以揀咗其他素食菜式 同媽媽食晚餐，餐牌比媽媽揀先，素菜系列嘅餐牌多款選擇，最後媽媽揀咗三款素食，我就揀咗另外三款 肚仔餓當然要食番碗【擔擔麵 $49】揀咗小辣(因為我唔食得太辣)，個湯底辣得惹味，擔擔麵配料有碎豬肉、蝦米粒、榨菜粒、香蔥、豬骨湯、花生、芝麻醬、辣油 當然飲埋我最鍾意飲嘅【酸辣湯 $40】(唔食得太辣都要飲😋) 熱辣辣嘅酸辣湯勁足料，配料有豬肉絲、豬肚、雲耳、雞蛋、豆腐、筍，每一口都好豐富，酸酸辣辣比例啱啱好，好正 再揀埋【小籠包 4隻 $40】熱辣辣嘅小籠包，一籠有4隻，每隻都皮薄，餡料係嫩滑豬肉碎，每粒裡面都包住濃郁湯汁，多到爆汁(記得小心食) 媽媽係 “素食家餐牌” 就揀咗個【香菇烤麩 $65】呢個必食推介，烤麩大大件勁入味、香菇大件厚肉、雲耳爽口、金針菜都入哂味 鍾意食脆口野，所以就揀咗【蔬菜春卷 $32】4條長長脆卜卜嘅蔬菜春卷(素)，好多蔬菜在內，健康好味 再點多碗【陽春麵 $32】就啱啱好，個湯底係素湯好清，麵質適中 上海弄堂菜肉餛飩 (電氣道) 天后電氣道63-81號發昌大廈地下A號舖 #上海弄堂菜肉餛飩 #上海弄堂 #上海菜 #天后 #素菜 #擔擔麵 #酸辣湯 #foodblogger #foodie #foodies #hkfoodies #hkfoodieblogger #happyhappy #bloggers #hkbloggers #influenspace #bloggerlife #yummyfood #是日晚餐

公司附近原來有間居酒屋，店內裝修有日本居酒屋feel，收工就同朋友相約在此；店內仲有間VIP房，可以坐到8-11人，想成班朋友一齊坐就啱哂 入到去望住個餐牌已經睇到好多款美食，我坐嘅位置，仲可以睇到師傅係廚房燒緊串燒 首先嚟嘅係兩杯飲品【北海道士多啤梨牛乳乳酪 $48】清新配搭好夾，味道甜甜地；另一杯【蜜桃烏龍“熊”茶 $58】被隻可愛熊仔吸引住，冰熊仔浮上面，玫瑰花瓣帶點花香味，蜜桃烏龍茶甜度剛好。咁靚嘅飲品打卡就最正 我地揀咗4款串燒【原條黑豚露荀卷 (麻辣) $38】黑豚肉味濃，露荀清甜好味，仲搽上麻辣醬，辣得惹味、【黑豚荔枝卷 (麻辣) $38】黑豚肉彈牙，夠入味、【沖繩黑糖燒菠蘿 $38】燒菠蘿，甜到入心、【雞翼 (蜜糖) $32】甜甜蜜糖雞翼好入味；另外仲有【茄子 $18】外層燒得乾身，內裡軟綿綿 食完串燒，當然唔少得就係食刺身啦，叫咗個【三點刺身盛 $258】有三文魚三片、油甘魚三片、劍魚腩二片，每件都係厚切，鮮甜肥美 (份量減少咗，每款二片 $181) 重頭戲嚟啦【芒果芝士龍蝦 $288】原價係276，依家半價就食到原隻波士頓龍蝦，仲要起哂肉，龍蝦肉鮮甜好味、爽口彈牙，仲要夾埋芝士、芒果、蟹籽、沙律醬一齊食，口感超豐富，抵食又好味 最後一碟就係【雙重芝士鰻魚卷 $168】面層係厚厚嘅燒鰻魚，中間仲夾住半溶嘅芝士，最底就係青瓜卷，芝士包住條青瓜，食落有層次感 黑木亭居酒屋 (天后) 天后清風街10號清風大廈地舖 #黑木亭居酒屋 #黑木亭 #居酒屋 #天后 #日式料理 #foodblogger #foodie #foodies #hkfoodies #hkfoodieblogger #happyhappy #bloggers #hkbloggers #influenspace #bloggerlife #yummyfood #是日晚餐

原來公司附近有間好味又抵食嘅酒樓，今晚可以同爸爸撐枱腳；餐前小食係花生，再叫咗一壺水仙及滾水；之後就開始睇餐牌，有好多款晚市廚師推介嘅小菜，當然去酒樓食晚餐就要叫海鮮，呢到啲海鮮新鮮又抵食 首先叫咗兩隻【南非冰鎮鮑魚 $78】同爸爸一人一隻，鮑魚咬落爽口彈牙，鮮甜美味，醬汁帶有少許芥末味，同冰鎮鮑魚好夾 再嚟就係【京式片皮鴨 2-4位半隻 $88】，如果5位以上，可以叫一隻；半隻份量都唔少㗎，片皮鴨嘅皮燒得香脆，肉質嫩滑，加埋蔥、青瓜及醬料，包入塊餅皮一齊食真係好正 最後兩碟餸嚟之前，要叫定個【白飯 $14】 個汁可以撈飯食，性價比高又抵食，$108就有8件【勝瓜蒜蓉粉絲蒸帶子】最頂就係大大隻鮮甜好味帶子，中間層就係蝦膠，最底層就係入哂味嘅勝瓜，咬落爽脆，當然唔少得要撈埋啲蒜蓉粉絲一齊食 最後呢碟超級正【茄汁焗海老虎蝦 (6隻) $198】每隻老虎蝦都超大隻，肉質又夠紮實，咬落爽脆彈牙，茄汁仲要酸甜，撈飯真係一流 御名軒 天后電氣道22-52號金殿大廈1樓 #御名軒 #天后 #酒樓 #海鮮 #片皮鴨 #seafood #性價比高 #foodblogger #foodie #foodies #hkfoodies #hkfoodieblogger #happyhappy #hkbloggers #influenspace #bloggerlife #yummyfood #是日晚餐

原來公司附近有間隱世米線小店，就係天后地鐵站附近。佢哋嘅豬骨湯底，真才實料，絕無味精，真係好正 嗌咗碗【海蜇拼手撕雞米線 $57】真係超大碗，湯底揀咗麻酸辣，酸酸辣辣好好飲，勁多米線 (已經扣底都超多)，滿滿肉質嫩滑手撕雞，仲有爽口海蜇；跟餐配 4件【炸雲吞】香脆可口，必食之選；跟餐飲叫咗杯【熱利賓納】 另外叫咗碟【手拍青瓜 $28】2人份量都幾多下，爽脆手拍青瓜，嗌份小食仲可以 +$9 嗌多一杯【檸檬利賓納】 今次就堂食，下次可以叫外賣送到公司都得，又或者外賣自取滿 $100 減 $10，好抵食呀 辣得喜米線專門店 (天后) 天后帆船街8號金殿大廈地下17號舖 #辣得喜米線專門店 #天后 #米線 #麻酸辣 #麻辣 #酸辣 #辣 #豬骨湯底 #絕無味精 #利賓納 #hkfood

［天后好去處·休閒活力風打卡好去處·Tori-za ten］ instagram.com/p/CcW4x7ZvFFa/?igshid=YmMyMTA2M2Y= - 位於天后電氣道的「Tori-Za Ten 烤烤屋」充滿少女心的裝潢和大門設計，餐廳整體裝修以粉紅及粉藍色為主，門口位置以吧枱及高椅設計配上粉紅霓虹燈，帶有舊式保齡球館的復古感，同時又不失可愛氣息，是打卡最佳位置！ - 前往方法： 天后站B出口步行3分鐘 - 地址： 天后電氣道66號地舖 - 温馨提示 •餐廳食品好多系辣嘅 如果吾食得辣要小心 •人流不多 可以放心任影 •可以系下午去有太陽仲好 - 想知道更多香港影相打卡好去處 記得follow我 💕 - photo by @oyan_hg 🐻 - #炮台山好去處 #torizaten #烤烤屋 #炮台山 #天后美食 #天后 #香港打卡聖地 #香港人遊香港 #香港放假好去處 #香港打卡位 #香港週末好去處 #香港攝影好去處 #香港拍拖好去處 #香港拍攝 #香港文青 #Ada影相打卡好去處 #攝影好去處 #天后好去處 #2021 #天后cafe #港島好去處 #銅鑼灣美食 #銅鑼灣cafe #港島美食

晚市有堂食啦，收工同朋友去公司附近嘅黑木亭食晚餐，宜家晚市仲有優惠［凡惠顧每 $500 即減 $50 / 每 $800 即減 $120］咁正嘅優惠，即刻入去睇下叫咩食 同朋友2個人食晚餐，叫咗兩杯飲品，四款美食，真係食到攬住個肚走，抵食又美味 首先叫咗兩杯飲品，一杯係［蜜桃烏龍熊茶 $58］冰熊仔好可愛，灑上玫瑰花瓣帶點花香味，蜜桃烏龍茶甜度剛好，咁靚一定要打卡；另一杯係［洛神檸冰 $58］清爽冰涼，檸檬嘅酸味中帶一點甜，好飲 另外叫咗個［脆片牛油果蝦沙律 $108］脆脆薯片盛載住清新嘅牛油果沙律，配埋隻新鮮大蝦，有層次口感 食日式料理點少得刺身，嚟個有仙境感嘅［三點刺身盛 $168］有三文魚、油甘魚三片、劍魚腩，刺身新鮮肥美，仲要件件都厚切，三款都鮮甜好味 食得唔夠喉，再叫咗［火灸左口魚邊卷 $148］好有驚喜嘅壽司卷，火炙左口魚鮮甜肥美，入口即溶，食到唔停口，食完一件再一件，食到朋友差啲無得食 最後就叫咗呢款新菜式，大大力推介［虎蝦麵包蟹粥 $348］一打開個蓋就見到勁大隻麵包蟹，原隻切件再加埋數隻虎蝦，個粥入口鮮甜，薑絲撈埋啲粥，令鮮味緊突出；而且麵包蟹嘅蟹膏超多，連朋友都食到唔停口，鍾意食蟹嘅朋友真係要嗌呢個蟹粥 黑木亭居酒屋 (清風街) 天后清風街10號清風大廈地舖 #黑木亭居酒屋 #黑木亭 #居酒屋 #天后 #日式料理 #麵包蟹 #虎蝦 #蟹粥 #刺身 #推薦 #hkfood #foodblogger #foodie #foodies #hkfoodies #hkfoodieblogger #hkfoodshare #happyhappy #bloggers #hkbloggers #香港美食 #相機食先 #influenspace #bloggerlife

前排同事介紹過公司附近有間好好味嘅拉麵店，佢哋嘅雞白湯底做得好出色，所以今日放工就約埋同事一齊去食晚餐 為雞白湯底而嚟，所以就叫咗碗 [ 史上極濃雞白湯拉麵 人氣 No.1 $138 ] 首先要食咗啲又香又脆嘅牛蒡，香濃雞湯湯底呈奶白色，湯底Creamy 又好飲，雞肉口感又嫩又滑，叉燒咬落又淋又煙韌，麵質彈牙好味，配埋隻流心糖心蛋 而同事就叫咗呢個 [ 極濃龍蝦湯拉麵 配一隻龍蝦尾 $198 ] 用咗極濃龍蝦湯做湯底，鮮味濃郁嘅湯底真係好正 (同事飲湯飲到見碗底)，仲配咗一隻龍蝦尾，大大隻龍蝦尾肉質鮮甜，爽口彈牙，真係好惹味 叫咗份即口即整嘅小食 [ 燒雞泡魚乾 $68 ] 泡魚乾以味醂醃製後烘乾，油脂清香，送酒一流 金鶴拉麵 (蜆殼街) 天后炮台山蜆殼街6-16號寶榮大廈地下E號舖 #金鶴拉麵 #金鶴 #KanetsuruRamen #極濃雞白湯拉麵 #雞白湯拉麵 #拉麵 #炮台山美食 #炮台山 #天后 #Ramen #龍蝦 #龍蝦湯 #japanesefood #hkfood #foodblogger #foodie #foodies #hkfoodies #hkfoodieblogger #hkfoodshare #foodporn #instafood #instalike #hkig #hkfoodporn #852hk #foodblog #bloggers #hkbloggers #香港美食 #相機食先 #influenspace #bloggerlife

食晏時間要休息一下，比自己放鬆心情 咁啱發現公司附近新開咗一間飲品店 "夏午茶" 店名好特別，仲有好多款唔同飲品選擇 叫咗兩杯人氣推薦嘅燕麥奶昔飲品，一杯係 [ 粒粒香提燕麥奶昔 $37 ] 加入燕麥已經好健康，仲用咗新鮮水果製成，果香味香濃，中間層加入酸奶，底層加入寒天晶球 $4，寒天晶球口感清爽脆口，軟嫩滑順，攪拌一齊飲真係超正 另一杯就係新出嘅飲品 [ 蜜瓜燕麥奶昔 $41 ] 用新鮮香甜嘅蜜瓜整，將蜜瓜製成果溶後，再加入酸奶及燕麥，最重要係製作過程中無加入糖漿，令呢杯夏日消暑飲品更健康 夏午茶 天后銀幕街15-17號A2A號舖 #teabreakhk #teabreak #夏午茶 #天后美食 #天后 #銀幕街 #燕麥奶昔 #健康 #新鮮水果 #fresh #fruit #全港獨家 #全港外賣 #takeaway #支持小店💛 #香港美食 #相機食先 #hkfood

忙碌嘅下午，抽時間同同事出去食午餐先，呢間Cafe係公司附近，位置近地鐵站； 店內環境舒適，落地玻璃，可以感受到外面嘅陽光斜入嚟，感覺好舒服 嘆番份豐富午餐，叫咗份 [ Smoked Salmon & Avocoado $88] 有數塊煙三文魚及軟綿綿嘅牛油果，牛油果同煙三文魚真係好夾，超鍾意食，滴幾滴檸檬汁係面就更好味，麵包邊香脆，口感軟綿，伴碟有新鮮沙律菜 友人就叫咗份 [ Roasted Pumpkin $78 ] 份量好多烤過嘅南瓜片，麵包㩒上cream cheese，夾住火箭菜 + 松子仁，面頭舖上碎cream cheese，口感豐富又多層次 夏日必叫飲品，一杯係 [ Rosemary Lemon Soda $50 ] Rosemary 味較濃，味道微酸，清新好飲 及 [ Homemade Orange Cola $53 ] 呢杯飲品好特別，味道微酸又甜甜地 午餐好似唔夠喉，所以叫咗件 [ Pineapple Pound Cake $54 ] 中間有好多酸酸甜甜嘅菠蘿，蛋糕口感軟綿綿 First Place Coffee 天后英皇道26-36號興漢大廈地下6號舖 #1stplace__hk #FirstPlaceCoffee #天后美食 #天后 #cafe #coffee #cake #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #foodies  #foodblog #hkfoodieblogger #hkfoodshare #foodporn #instafood #instalike #hkfoodporn #852hk #hkfoodies

原來公司附近開咗間無骨海南雞專門店，今日即同友人去食番餐午餐先，兩個人就叫咗一份套餐，串燒及小食，份量剛剛好，食到好滿足 叫咗份套餐 [ 細碗肉骨茶 + 招牌海南雞飯套餐 $94 ] 配白飯 及 鮮魚湯浸時菜 香味濃郁嘅肉骨茶，用咗星加坡同馬來西亞兩種方法，加埋上等藥材，啱哂香港人口味，香濃胡椒味，肉骨茶仲配埋肉骨、豆卜及油炸鬼。而招牌海南雞飯好有水準，無骨海南雞，肉質仲好嫩滑，份量又多，配埋醬料：蒜蓉、泰式酸辣汁 及 醬油，伴碟仲有開胃青瓜，口感酸辣爽脆，白飯香噴噴 叫咗半打 [ 沙嗲串燒 $90 ] 沙嗲醬好正，半打串燒可以自選，我哋揀咗雞 x2、豬 x2、牛 x1、雞軟骨 x1，串燒燒到外層香脆，內裡肉質剛好，唔會太乾 再叫咗份小食 [ 泰式香茅炸魚餅 (8件) $48 ] 食落彈牙好味，加入香茅嘅炸魚餅，更加有泰式風味，再點埋個泰式酸辣汁，就更加惹味 跟餐飲就叫咗杯 [ 凍龍眼冬瓜茶 +$11 ] 消暑飲品，口感清新，另外再叫咗杯 [ 凍柚子蜜茶 $23 ] 口感清香潤喉 大哥雞飯 (天后) 天后銀幕街23號地舖 #cocknrice #大哥雞飯 #海南雞飯 #馬來西亞 #星加坡 #天后美食 #天后 #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #foodies #hkfoodies #foodblog #hkfoodieblogger #hkfoodshare #foodporn #instafood #instalike #hkfoodporn #852hk