【西環。可可店】 一間小店竟然咁多款食物選擇😱見到佢啲餐牌都揀咗好耐下，粥粉麵飯、燉湯、小菜、甜品乜都有，茶飲都唔少㗎‼️ 最後揀咗4款小食「香煎雞蛋腸粉」、「炸鳳城水餃」、「香煎蠔仔餅」、「蒜蓉魚肉燒賣」，味道都唔錯，最後食咗$105 #性價比高 #可可店 #港式 #西環 #香港
Feeds
So far 食過咁多間打卡cafe📸 好多食物質素都好似係一般般 吾會再想番去食 唯獨係素年 The Park by Years🥰 會係我想一去再去嘅 除左鋪頭門口出名嘅打卡位外 佢亦都係一間新派素食店 但吾洗擔心素食會吾啱口味 因為如果吾講就咁食 係根本吾會覺得自己食緊嘅係素肉！尤其係佢個Impossible Buger 真係要試！除左舊肉係素 就連素芝士都係佢地自己整🍔 佢啲意粉好食之餘仲要大大盤 份量勁足 性價比超高🤩 唯獨係佢啲coffee 雖然賣相好instagramable 但比較淡 不過以佢個價錢 真係好抵 而家要係出面揾30幾嘅咖啡都真係吾易🥸 另外要留意番佢深水埗有兩間 汝州街嘅係新鋪 鋪面較大 福華街舊鋪就細啲 而佢地每個月都會轉menu 加上兩間鋪都會有啲分別 所以係openrice 睇嘅未必最update 架 荃灣嗰間就暫時未試到 試過嘅朋友可以留言話我知係咪都咁正😋 #素年 #veggie #素食 #cafe #neard好西 #foodie #深水埗 #burger #性價比高 #黃店 #食好西 #香港美食 #hkfood
想食西餐但又冇乜budget? 吾緊要 有好介紹！ 上次係長沙灣原本想食Lucy Coffee & food 點知閂左 於是行行下俾我地發現左間幾吸引嘅西餐廳叫 Fifty Fifty 佢出面同入面嘅格局都好有bar & restaurant 嘅感覺 但價錢竟然係出奇地抵！ 我地三個人嗌左三個set lunch 有soup main dessert 同coffee 夾埋都係200鬆啲咋🤩 係入面影嘅相真係俾少少想像力就好似去左外國嘅餐廳咁 我幾推介佢個意大利繪飯同天使麵 以呢個價黎講都真係超值🍝 比較輸蝕嘅就係杯咖啡 比較水同淡 吾洗特別期待 但有時想食屋企人 or 另一半食西餐但又冇乜budget 就fit 晒喇！ #西餐 #長期糧尾 #糧尾食呢啲 #性價比高 #食好西 #香港美食 #hkfood #neard好西 #foodie #美食 #長沙灣 #拍拖節目
真係冇諗過銅鑼灣廣場第二期 有咁正嘅泰國美食，有時我太懶唔想過海 我朋友試過話好的“泰Thaiology” 由資深泰廚主理及正宗的泰式烹飪技巧 舒適嘅環境同高水準美食，令人稱心滿意 分分鐘仲好食過我去泰國食嘅餐廳 炎炎夏日，我有時都想整泰國嘢 喺廚房煮到身水身汗，有時煮得又唔好食 我好鍾意餐廳好似懷舊火車的車卡嘅感覺 綠皮梳化和雲石枱，打造優雅又寬敞嘅環境 食嘢都好講求環境，而且價格又經濟 我發覺叫2人套餐又幾抵(份量都多) 食美食同舉杯暢飲，可以令人心情開朗🤗 🍢重點推介必叫「小食拼盤」，價錢約100元多，今次是雞、牛串燒，最靚嘅串燒離不開好似我相片串燒有色澤、油亮和嫩滑，嫩滑嘅程度係我分唔到嗰個係牛肉🤔。我仔仔又讚不絕口的大蝦餅，咬下去仲有汁添，蝦肉非常新鮮和彈牙，另外微辣的魚餅做好重香茅味。 🥗我老公要叫「柚子沙律」，青瓜絲又幼長，配上秘製辣汁，特別消暑同醒胃! 🍲可能會問點解唔叫冬陰功呀，唔好獨沽一味，新嘗試叫「椰汁雞湯」幾特別，濃郁奶白色湯，佢係帶少少青檸嘅酸味同椰香鮮甜味，我仔仔整煲都飲咗好多，佢好吃貨。 🐔平時我好鍾意食海南雞飯，呢個「海南雞」令人好有驚喜，我沒有選擇錯，大大片的雞髀肉，細看會見到肉汁正慢慢滲出來，我很久沒有食過這個水準了，雞皮如啫喱般滑溜，令人大飽口福。 🥦咁平凡嘅「泰式炒雜菜」都不錯，我覺得有啲似馬拉盞炒椰菜，唔辣，好重爆蒜香味，椰菜又爽口，吃得多肉和炸野嘅時候，來幾片份外開胃。夏日怎少得特飲，套餐包2杯飲品，可另外加錢升級叫椰青和菠蘿梳打。 泰 Thaiology 地點: 銅鑼灣廣埸二期6樓 @thaiologyhk #泰迷 #泰國美食 #銅鑼灣新店 #泰國美食 #泰菜 #銅鑼灣 #性價比高 #高級餐館 #小食拼盤 #炸蝦餅 #海南雞 #椰汁雞湯 #泰式炒金邊粉 #泰式炒雜菜 #椰青 #晚餐 #香港媽媽 #餐廳推介 #香港餐廳 #hkfood
原來公司附近有間好味又抵食嘅酒樓，今晚可以同爸爸撐枱腳；餐前小食係花生，再叫咗一壺水仙及滾水；之後就開始睇餐牌，有好多款晚市廚師推介嘅小菜，當然去酒樓食晚餐就要叫海鮮，呢到啲海鮮新鮮又抵食 首先叫咗兩隻【南非冰鎮鮑魚 $78】同爸爸一人一隻，鮑魚咬落爽口彈牙，鮮甜美味，醬汁帶有少許芥末味，同冰鎮鮑魚好夾 再嚟就係【京式片皮鴨 2-4位半隻 $88】，如果5位以上，可以叫一隻；半隻份量都唔少㗎，片皮鴨嘅皮燒得香脆，肉質嫩滑，加埋蔥、青瓜及醬料，包入塊餅皮一齊食真係好正 最後兩碟餸嚟之前，要叫定個【白飯 $14】 個汁可以撈飯食，性價比高又抵食，$108就有8件【勝瓜蒜蓉粉絲蒸帶子】最頂就係大大隻鮮甜好味帶子，中間層就係蝦膠，最底層就係入哂味嘅勝瓜，咬落爽脆，當然唔少得要撈埋啲蒜蓉粉絲一齊食 最後呢碟超級正【茄汁焗海老虎蝦 (6隻) $198】每隻老虎蝦都超大隻，肉質又夠紮實，咬落爽脆彈牙，茄汁仲要酸甜，撈飯真係一流 御名軒 天后電氣道22-52號金殿大廈1樓 #御名軒 #天后 #酒樓 #海鮮 #片皮鴨 #seafood #性價比高 #foodblogger #foodie #foodies #hkfoodies #hkfoodieblogger #happyhappy #hkbloggers #influenspace #bloggerlife #yummyfood #是日晚餐
臨搭巴士前，見到有間上海美食外賣店，價錢親民，又多人排隊買，搞到我都忍唔住嗌咗幾款小食，帶回家做晚餐 嗌咗【生煎包 $10/3隻】一口咬落去熱辣辣，底部煎到金黃色夠香脆，啲汁爆哂出嚟，餡料夠哂足料。仲嗌咗【生煎鍋貼 $10/3隻】皮薄餡靚，咬落去肉汁唧哂出嚟，食落有咬口，肉質鮮甜好味 上海美食當然要嗌埋【小籠包 $25/5隻】每隻小籠包都包住滿滿湯汁，皮薄多餡料，一口一隻小籠包，勁好食。仲有勁大塊嘅【蔥油餅 $8/塊】每日1點先有得買，好彩我早嚟先買到，蔥油餅係必叫嘅美食，厚厚嘅蔥油餅，蔥味超香 最後當然要嗌番碗【酸辣湯(大碗) $20】大大碗，真係超足料，爽口木耳、香滑豆腐，坐車攞到返屋企都仲係熱辣辣，酸酸辣辣好好飲 小老板 (太安樓) (西灣河) 西灣河筲箕灣道57-87號太安樓地下A72A號舖 #小老板 #太安樓 #西灣河 #上海美食 #外賣店 #第一分店 #小籠包 #酸辣湯 #生煎包 #生煎鍋貼 #蔥油餅 #性價比高 #hkfood
Groups
香港飲食好地方
中區白領藍領圓領V領乜領都傾得！😛
中環上環西環友、西裝友，都係朋友！
平靚正之生活日常用品/食品/餐廳
平靚正生活日常用品 上網就買到 Happy share Facebook 及IG 不定期有Giveaway 歡迎Follow, please🥰 FB：facebook.com/sukipeiyy IG：instagram.com/sukisukiy
Profiles
Glow 火柴人
1 Followers
0 Followings
70 feeds
:background_color(white)/https://avatar-storage.neard.com/b475388cac84a770e172fddf26d0ab0d.20200618101356.1592475236.5007.png)
xxmytraveldiary
111 Followers
3 Followings
37 feeds
:background_color(white)/https://avatar-storage.neard.com/1a2be256daeaa799d778f973b399fcb8.20201120123713.1605875833.2478.jpeg)
琳濯Suki
3586 Followers
7 Followings
770 feeds
:background_color(white)/https://avatar-storage.neard.com/fc5b56953c250428f87856616774b4ad.jpeg)
Ada Cheng
158 Followers
2 Followings
33 feeds
:background_color(white)/https://avatar-storage.neard.com/4d9693748334baedb7bef2922a6f701d.20201226235013.1609026613.5545.jpeg)