#轉 #repost #手動轉 #黃 #元朗 #上海美食 #其實係黃到發光 事跡：呢間舖原來響721後接受cctvb訪問時大罵政府警察唔做野，之後俾圍村佬報復cut佢單冇左大額生意，早幾日連登開post"元朗呢個地方做黃店根本冇好下場"就係講佢。由細食佢d飽食到大，d飽款式多人手做好軟熟唐記落後九條街，得悉件事後今日即刻支持下佢地， 以下係同姨姨老闆娘的對話： 我：老闆娘生意點啊？ 娘：冇緊要啦，我都係有果句講果句，做人要分對錯嘛，有睇新聞都知道根本就知邊個岩邊個錯，冇理由話d後生仔錯架嘛！你知道附近d街坊點架啦(梗係知啦藍到發紫) 我唔可以大聲講，但我好支持你地班後生仔架，加油啊你地！ 我：(強忍淚水) 多謝你啊，好似你又開舖頭又係呢個年紀有呢種諗法真係好唔容易。 娘：就係呢個年紀先要體諒d後生仔！d後生仔係為左爭取下一代既幸福先走出黎，我地邊可能反對佢地？冇理由我地呢輩響受晒自由可以隨便上網用電話，到下一代就唔可以架嘛！所以你地要加油啊！不過要慢慢來，唔好急在一時要注意安全啊！ 我買走的包，聞落，有一種俠骨的味道。 尤其響元朗做黃店做良知店，唔係俾人唱就俾人搞， 如履薄冰。站出來，要有多少勇氣。 跪求大家，請狠狠懲罰佢地。 元朗人，千色直入牡丹街，山崎麵包對面就係。 外區人想支持都好簡單，巴士又新街落往街市方向行三分鐘就到。 元朗牡丹街合益廣場地舖/15-23號康德閣對面

今日好想食上海美食，所以就買外賣回家同家人分享，行緊埋去時，已經見到有人排緊隊，見到個個都買生煎包，就知有幾吸引 首先叫咗份開胃冷盤【雞絲粉皮 $30】麻醬汁夠多，仲有好多雞絲，加埋啲煙韌嘅粉皮，真係夠哂正 除咗叫咗份冷盤，上海美食當然要叫番碗【雞絲酸辣湯 $28】好多配料嘅酸辣湯，仲好多雞絲，酸酸辣辣仲好大碗，好好飲夠哂開胃 最後就叫咗份 “高湯上海面套餐”【擔擔麵 + 皇牌生煎包兩隻 $46】外賣擔擔麵，湯同麵係分開放，咁就唔怕啲麵腍哂，食嘅時候放番啲麵落啲湯到就得，真係夠哂方便。香濃花生味湯底，湯底內有花生、蝦米、酸菜粒及肉碎，食完個麵，連個湯底都飲埋 仲有兩隻熱辣辣嘅生煎包，個皮煎到金黃色，配埋香蔥、黑白芝麻，香氣撲鼻，一口咬落去啲湯汁噴哂出嚟，真係勁juicy，肉味香濃，肉質夠嫩滑，食兩隻真係唔夠喉 跟餐配埋【+ $6 豆漿】香滑凍豆漿，飲完夠哂滿足。$115 就食到咁多美食，真係夠哂抵食，好味道 尚海人家 (英皇道) 北角英皇道278-288號英皇柏麗大道地下2號舖 #尚海人家 #上海美食 #擔擔麵 #酸辣湯 #生煎包 #北角 #NorthPoint #外賣 #takeaway #hkfood #foodblogger #foodie #foodies #hkfoodies #hkfoodieblogger #hkfoodshare #happyhappy #bloggers #hkbloggers #香港美食 #相機食先 #influenspace #bloggerlife #yummyfood

臨搭巴士前，見到有間上海美食外賣店，價錢親民，又多人排隊買，搞到我都忍唔住嗌咗幾款小食，帶回家做晚餐 嗌咗【生煎包 $10/3隻】一口咬落去熱辣辣，底部煎到金黃色夠香脆，啲汁爆哂出嚟，餡料夠哂足料。仲嗌咗【生煎鍋貼 $10/3隻】皮薄餡靚，咬落去肉汁唧哂出嚟，食落有咬口，肉質鮮甜好味 上海美食當然要嗌埋【小籠包 $25/5隻】每隻小籠包都包住滿滿湯汁，皮薄多餡料，一口一隻小籠包，勁好食。仲有勁大塊嘅【蔥油餅 $8/塊】每日1點先有得買，好彩我早嚟先買到，蔥油餅係必叫嘅美食，厚厚嘅蔥油餅，蔥味超香 最後當然要嗌番碗【酸辣湯(大碗) $20】大大碗，真係超足料，爽口木耳、香滑豆腐，坐車攞到返屋企都仲係熱辣辣，酸酸辣辣好好飲 小老板 (太安樓) (西灣河) 西灣河筲箕灣道57-87號太安樓地下A72A號舖 #小老板 #太安樓 #西灣河 #上海美食 #外賣店 #第一分店 #小籠包 #酸辣湯 #生煎包 #生煎鍋貼 #蔥油餅 #性價比高 #hkfood