臨搭巴士前，見到有間上海美食外賣店，價錢親民，又多人排隊買，搞到我都忍唔住嗌咗幾款小食，帶回家做晚餐 嗌咗【生煎包 $10/3隻】一口咬落去熱辣辣，底部煎到金黃色夠香脆，啲汁爆哂出嚟，餡料夠哂足料。仲嗌咗【生煎鍋貼 $10/3隻】皮薄餡靚，咬落去肉汁唧哂出嚟，食落有咬口，肉質鮮甜好味 上海美食當然要嗌埋【小籠包 $25/5隻】每隻小籠包都包住滿滿湯汁，皮薄多餡料，一口一隻小籠包，勁好食。仲有勁大塊嘅【蔥油餅 $8/塊】每日1點先有得買，好彩我早嚟先買到，蔥油餅係必叫嘅美食，厚厚嘅蔥油餅，蔥味超香 最後當然要嗌番碗【酸辣湯(大碗) $20】大大碗，真係超足料，爽口木耳、香滑豆腐，坐車攞到返屋企都仲係熱辣辣，酸酸辣辣好好飲 小老板 (太安樓) (西灣河) 西灣河筲箕灣道57-87號太安樓地下A72A號舖 #小老板 #太安樓 #西灣河 #上海美食 #外賣店 #第一分店 #小籠包 #酸辣湯 #生煎包 #生煎鍋貼 #蔥油餅 #性價比高 #hkfood