f4f

l4l

hkfoodblogger

Delish

EatingForTheInsta

hkkol

FoodPorn

FoodGasm

foodiehk

foodie

hkinfluencer

Feeds

💛少女風裝修,良心茶餐廳 ─ 閨.家 #黃店 ▫️是日老火湯 #見字飲湯 閨家最出名嘅,可能係佢嘅老火湯,標榜無味精、熬住四小時。今日嘅老火湯就係山藥南北杏合掌瓜煲豬展,山藥含豐富維他命C同埋維他命B,而合掌瓜就清潤止咳,非常適合抗疫期間飲用。 小小嘅一種老火湯,但係都有十足嘅配料,味道清甜而且唔油膩,仲有瓜同埋紅蘿蔔可以食。 ▫️慢煮豬軟骨飯 飯餐就會包左上述嘅老火湯。慢煮豬軟骨超淋超入味,非常適合餸飯。而我哋亦都叫咗多飯,份量明顯好多,如果好肚餓嚟食都夠飽。 ▫️醉雞紫薯麵 紫薯麵係朋友推介一定要試嘅,果然冇介紹錯。店員亦都有提醒我哋紫薯麵要盡快食用,否則會發脹。 紫薯麵味道爽口彈牙,但有淡淡嘅紫薯味道,非常推介。 至於醉雞雞肉口感尚算滑溜,味道方面酒味非常突出,如果鍾意食酒味濃郁嘅就啱晒你。 ▫️秘製豬扒 豬扒係餐廳嘅招牌菜,豬扒並冇厚切,而且比較瘦,但係出嚟嘅口感並唔乾,味道都唔錯。 ▫️麻辣雞腎 雞腎爽口,味道都幾辣,反而麻香味不足。 #foodie #hkfoodie #hkfoodblogger #hkig #foodiehk #hkinfluencer #hkmicroinfluencer #hkblogger #hkkol #omnomnomnom #Eeeeeats #FoodPhotography #FoodPorn #FoodGasm #ForkYeah #Delish #EatingForTheInsta #l4l #f4f #fff

今日嚟到富臨集團旗下嘅「柞木炭家」,餐廳最大賣點就係用柞木炭嚟燒烤,利用柞木炭取代鐵板燒,以最短嘅時間將食物精華鎖住,不但可以保留食物原汁原味,更加令食物散發出獨特嘅炭香味。 上菜之前,店員會提供多款韓式前菜,全部都可以免費無限添加。而食韓國菜必備嘅韓式泡菜,更加有一砵係枱面,想食幾多就剪幾多。 🔹是日雪下覓炙.五款部位($488) 「雪下覓炙」其實係指古時韓國嘅皇室貴族喺雪夜之下品嚐嘅燒肉。依家「雪下覓炙」就成為高級燒肉嘅代名詞喇,只有珍貴同優質嘅肉品,先配得上呢個稱呼。 我地今日品嚐嘅雪下覓炙一共有五個唔同嘅部位,每款嘅油脂分布比例都唔同,但係每一件基本上都油香十足,入口即溶。 其中牛胸腹肉肉味最濃,肉汁豐富。 🔹柞木甕漬牛肋骨($298) 呢個牛肋骨係令我最印象深刻,牛肋骨仲長過我嘅前臂,店員會幫忙展開成適當嘅大小,方便擺上爐上面燒。 牛肋骨用咗韓式醬汁醃製,味道甜甜地,肉質柔嫩。 🔹真露煮蜆($89) 日式煮蜆會用清酒,而韓式煮蜆就用真露。真露係韓國式燒酒,酒味香濃,但經過烹煮之後,已經無左難以入口嘅感覺,反而更加帶出蜆出嘅鮮味。蜆肉每粒都開口之餘亦都無沙,蜆肉肥美。 🔹韓式年糕($78) 年糕配上傳統紅辣椒醬,味道香辣惹味。配菜仲有魚板、水煮蛋同埋炸餃子,非常豐富。炸餃子餡料用上韓式粉絲,除左熱辣辣之外亦炸得香脆。 🔹1++韓牛生牛肉石鍋飯($188) 用上1++最頂級嘅韓牛生牛肉,肉味濃濃,配上滑蛋令牛肉肉質更軟嫩。以石鍋嘅熱力將牛肉煮熟,同時焗出香脆嘅飯焦,口感豐富。 🔹雞蛋蛋糕($52) 蛋糕嘅味道偏甜,可以就咁食,或者擺喺爐上輕輕一燒。 燒過嘅蛋糕特別香口,蛋糕變得微微暖,食落外脆內軟,又重蛋香,意想不到嘅味道。 #thecharcoalroomhk #koreancuisine #koreanbbq #柞木炭家 #柞木 #韓國菜 #foodie #hkfoodie #hkfoodblogger #hkig #foodiehk #hkinfluencer #hkmicroinfluencer #hkblogger #hkkol #omnomnomnom #Eeeeeats #FoodPhotography #FoodPorn #FoodGasm #ForkYeah #Delish #EatingForTheInsta #l4l #f4f

IG: Instagram.com/32wonderland 今日去左和民嘅旺角雅蘭中心店食晚餐,以前去日本旅行都已經好鍾意去居酒屋食晚餐,而去和民就可以品嚐居酒屋嘅風味。 香港和民集團邁向20週年,所以正舉行優惠活動,只要用JCB信用卡消費滿$100或以上,就即享7折優惠,真係超抵。 而且和民嘅食物本身已經好抵,好多小食都只需要$19或者$39 ,再加埋七折之後真係可以好似食放題咁樣叫嘢食。 🔹和民自慢!香脆炸雞原味(三件) $19 炸雞外脆內軟,超多肉汁,我哋食完一份之後再叫多咗一份,就知道有幾好食。 🔹和民自慢!鐵板餃子(6件)$39 煎餃子再配上日式嘅辣油,真係充滿日式嘅風味,而且餃子皮煎得香脆,好味。 🔹照燒雞肉pizza $39 Pizza都只係$39 ,非常抵食。批底薄脆,餡料都幾多下。 🔹和民農場!有機番薯天婦羅$39 番薯天婦羅又係食日本菜必點嘅,天婦羅嘅炸漿酥脆,蕃薯甜美。 🔹廣島風鐵板炒拉麵$59 廣島風嘅炒麵,就係有滿滿嘅醬油,再加上野菜,口感豐富。 🔹帆立貝鮭魚石鍋蒜蓉牛油飯$79 採用日本帆立貝,新鮮美味,品質保證。石鍋飯嘅熱力令牛油飯變成飯焦,又香又脆。 #和民 #watamihk #foodie #hkfoodie #hkfoodblogger #hkig #foodiehk #hkinfluencer #hkmicroinfluencer #hkblogger #hkkol #omnomnomnom #Eeeeeats #FoodPhotography #FoodPorn #FoodGasm #ForkYeah #Delish #EatingForTheInsta #l4l #f4f #fff

今日去左位於深水埗荔枝角道嘅Romanne Leisure Food Concept,餐廳內放有不少植物,感覺舒適清新。 午市套餐有不同國家嘅菜式選擇,除左牛扒、意粉之外,更有喇沙提供。 點選套餐後,亦都可以揀埋要餐湯定沙律,另外亦都包埋餐飲。平日無收加一服務費,同近日喺深水埗連環開業嘅咖啡店相比,價錢算係相宜。 🔸烤大啡菇芝士自家製牛肉麥漢堡配薯條 $98 呢個漢堡絕對係必食推薦!首先麥漢堡非常鬆軟,而且散發住麥嘅獨有香氣;然後最頂有一件非常厚嘅大啡菇,大啡菇烤得夠香嘅同時仍然保留到非常多汁;再落一層就係牛肉漢堡扒,同樣充滿肉汁,而且肉味濃濃。漢堡扒下面就有紫洋蔥、蕃茄等蔬菜,可以中和返漢堡扒嘅油膩,令到整個漢堡變得平衡。 套餐除左漢堡包之後,亦都包埋薯條同埋沙律,十分豐富。 🔸牛油果醬忌廉蟹肉蘆筍意大利面 $88 餐牌上標注左一隻辣椒,但其實只係牛油果醬上面加左少量辣椒粉,所以都唔需要擔心怕辣食唔到。 牛油果醬味道清新,加上少量辣椒粉後令味道提升,層次更豐盈。忌廉汁做得夠厚身,汁醬掛麵。蟹肉份量多,蟹肉絲沾上每條意粉。 🔸香蕉朱古力奶昔(+$20) 用上真香蕉去打嘅奶昔,味道絕對唔係糖漿可以比擬。除左係真香蕉嘅味道唔同,其實口感都會唔同,飲完亦都會好飽。而呢杯奶昔亦做到香蕉同朱古力嘅味道平均,唔會搶左對方嘅風頭。 🔸凍牛奶咖啡(+$12) 由於天氣實在太熱,平時飲開熱咖啡嘅我,都要轉飲凍咖啡。充滿奶滑感嘅牛奶咖啡慢慢混和,咖啡同牛奶嘅顏色逐漸變化,炎熱嘅感覺都一掃而空。 #foodie #hkfoodie #hkfoodblogger #hkig #foodiehk #hkinfluencer #hkmicroinfluencer #hkblogger #hkkol #omnomnomnom #Eeeeeats #FoodPhotography #FoodPorn #FoodGasm #ForkYeah #Delish #EatingForTheInsta #l4l #f4f #fff

Lockeroom Dining 之前去過朗晴坊分店,質素相當唔錯。最近知道佢哋喺油麻地開咗分店,而且餐廳座位更加舒適,所以今日就去咗油麻地分店食午餐。 餐廳同樣以阿仙奴呢對球隊為主題,各位足球迷千祈唔好着錯其他球隊嘅波衫嚟,否則一定會好尷尬。 🔸香辣蕃茄醬海鮮意大利天使麵( $65 ) 香辣嘅味道嚟自Tabasco,基本上加左Tabasco都唔會有咩出錯。另外配上茄醬、茄蓉,味道酸酸甜甜,同海鮮好夾。 🔸炭烤西班牙橡樹果黑毛豬柳($85) 西班牙橡樹果黑毛豬肉質細嫰,而且帶有獨特的堅果香味,簡單炭烤已經好好味。伴碟嘅薯菜都好有誠意,蔬菜用炭烤處理過,另外用左紫薯做薯蓉,味道香甜。而且仲可以加配意大利粉,份量十足。 🔸脆燒原隻德國鹹豬手( $178 ) 德國鹹豬手非常大隻,建議三、四個人share!豬手除左大隻之外,豬肉軟腍腍,豬皮油油亮,咬下一口鬆脆。廚師已經細心地切開豬手,食用時好方便。豬手皮脆,肉嫩多汁。另外仲配上洋蔥圈、沙律同埋兩款醬汁,非常豐富。 🔸脆炸法國雜蘑菇( $68 ) 蘑菇表面加上炸衣,包住酥炸過的蘑菇,令蘑菇水份牢牢鎖緊,外酥內多汁,色澤金黃之餘,香脆可口。係一道唔錯嘅前菜。 ig: @32wonderland #foodie #hkfoodie #hkfoodblogger #hkig #foodiehk #hkinfluencer #hkmicroinfluencer #hkblogger #hkkol #omnomnomnom #Eeeeeats #FoodPhotography #FoodPorn #FoodGasm #ForkYeah #Delish #EatingForTheInsta #l4l #f4f #fff #美味しい #먹방 #냠스타그램 #football #arsenal #arsenalhk

JUST‘er Bar and Resturant 今日去左尖沙咀山林道一間良心餐廳,餐廳以玩味風格為裝修,提供西式菜式。餐廳最有特色嘅就係餐牌上菜式嘅名稱,玩味十足,甚至有啲菜式睇完個名都唔知其實係咩,充滿神秘感。 餐廳唔喺好大,大概只有廿個位,所以記得要訂位。 🔸醬油風白汁三文魚扁意($108) 白汁食落夠creamy,帶淡淡醬油味,唔會太咸,而日式醬油更令料理嘅日本風味提升。意粉煮得彈牙,掛上厚厚嘅白汁再加上三文魚,味道好夾。 🔸焗多汁豬仔骨配薯條($128) 豬仔骨配埋薯條,份量十足。豬仔骨有五條骨,夠哂多肉。秘製BBQ醬味道突出,醃料同BBQ醬混埋,令豬仔骨帶有好多味覺上嘅層次,非常好吃!而且仲有少少碳火燒香嘅感覺,肉質軟腍,值得推介。 🔸垃圾八爪魚($48) 八爪魚係平時嘅芝麻八爪魚,外層有薄薄的炸漿,香脆酥化。 🔸原條燒吊筒($68) 原條燒吊筒配上甜甜地嘅燒汁同埋木魚碎,日式風味十足。 #foodie #hkfoodie #hkfoodblogger #hkig #foodiehk #hkinfluencer #hkmicroinfluencer #hkblogger #hkkol #omnomnomnom #Eeeeeats #FoodPhotography #FoodPorn #FoodGasm #ForkYeah #Delish #EatingForTheInsta #l4l #f4f #fff #美味しい #먹방 #냠스타그램 ig: instagram.com/32wonderland

Groups

香港飲食好地方

香港飲食好地方

宜家食緊乜🍔

宜家食緊乜🍔

食食食

食食食

Profiles

Sarah Wong

ig : https://instagram.com/32wonderland 🐶IG: https://instagram.com/muichucandace

197 Followers

0 Followings

25 feeds

Sarah Wong