💛少女風裝修,良心茶餐廳 ─ 閨.家 #黃店 ▫️是日老火湯 #見字飲湯 閨家最出名嘅,可能係佢嘅老火湯,標榜無味精、熬住四小時。今日嘅老火湯就係山藥南北杏合掌瓜煲豬展,山藥含豐富維他命C同埋維他命B,而合掌瓜就清潤止咳,非常適合抗疫期間飲用。 小小嘅一種老火湯,但係都有十足嘅配料,味道清甜而且唔油膩,仲有瓜同埋紅蘿蔔可以食。 ▫️慢煮豬軟骨飯 飯餐就會包左上述嘅老火湯。慢煮豬軟骨超淋超入味,非常適合餸飯。而我哋亦都叫咗多飯,份量明顯好多,如果好肚餓嚟食都夠飽。 ▫️醉雞紫薯麵 紫薯麵係朋友推介一定要試嘅,果然冇介紹錯。店員亦都有提醒我哋紫薯麵要盡快食用,否則會發脹。 紫薯麵味道爽口彈牙,但有淡淡嘅紫薯味道,非常推介。 至於醉雞雞肉口感尚算滑溜,味道方面酒味非常突出,如果鍾意食酒味濃郁嘅就啱晒你。 ▫️秘製豬扒 豬扒係餐廳嘅招牌菜,豬扒並冇厚切,而且比較瘦,但係出嚟嘅口感並唔乾,味道都唔錯。 ▫️麻辣雞腎 雞腎爽口,味道都幾辣,反而麻香味不足。 #foodie #hkfoodie #hkfoodblogger #hkig #foodiehk #hkinfluencer #hkmicroinfluencer #hkblogger #hkkol #omnomnomnom #Eeeeeats #FoodPhotography #FoodPorn #FoodGasm #ForkYeah #Delish #EatingForTheInsta #l4l #f4f #fff
![](https://attachment-storage.neard.com/e5cfbaace9fe43267f7501d5dd8e497c.jpg)
![](https://attachment-storage.neard.com/ecac9c0ab82f525655b4ccf5aa0b64a6.jpg)
![](https://attachment-storage.neard.com/028670647044896b909f98ee9aa62904.jpg)
![](https://attachment-storage.neard.com/65d2955a0ea2fec24ad41e23bc8be379.jpg)
![](https://attachment-storage.neard.com/472c41b5a14dd3fa68c8b863740b0f5d.jpg)
![](https://attachment-storage.neard.com/762d14bcbcafa42eaa93beade0f14648.jpg)
![](https://attachment-storage.neard.com/2619f2aa8e35afd3b40948f7fedc5757.jpg)
![](https://attachment-storage.neard.com/6d0b5b2b52d18a5f8740db9ed62d89d0.jpg)
![](https://attachment-storage.neard.com/b73bf8769b56db1b33a10e6e8afb5293.jpg)
![](https://attachment-storage.neard.com/5f7e532dc179c95f8be66fd83bb1e632.jpg)