香香試伏

Feeds

#香香試伏 #防疫期無啖好食#是日午餐 質素對唔上價錢 醬汁配唔到食材😖 🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️ 午餐偏愛西餐,感覺食物比茶記輕盈無咁飽滯。 Lunch set 有沙律意粉扒餐選擇,$158-258包餐湯,餐飲要另嗌,價位偏高。 是日為蕃茄忌廉湯,口感厚身稠密,茄膏味好重,無鮮茄嘅清新,味道偏酸。 黑麥包鬆軟,灑上松露茸,入口帶松露香,頗為驚喜,可惜鹽加得太多,整體偏鹹,淹沒咗原本嘅麥香。 鯰魚扒有兩塊,魚皮煎得香脆,但偏乾略腥; 旁邊橙色醬汁近似美式燒烤醬,幾惹味,但同魚肉唔算太夾; 另一種醬汁估計加咗羅勒,無咩味。 沙律墊喺魚身下,菜吸收魚油後更稔身香口,醬汁反而同蔬菜更相配; 水波蛋鹽落手太重,蛋白好鹹,勝在火喉恰到好處,蛋黃嘅流心爆汁口感扳回不少分數。 咖啡豆果香偏重,入口偏酸,無烘焙香,唔啱我口味。 環境尚算舒適,但呢個價錢對應呢個質素,應該無第三次。 🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️ #食在九龍城 #cafeceres

#neard好西 ?? 之 #美食快訊 #PHD 新pizza🍕 明明所有配料都係我鍾意食, 點解夾埋一齊睇落咁嘔心🤢🤢🤢 呢個唔洗 #香香試伏 掛?

#香香試伏 #防疫期無啖好食 #可一不可再 之 質素大不如前嘅尖沙咀 #Espuma 🤢 ❌❌❌❌❌❌❌❌❌❌❌❌ 可能人流減少,入貨量難以預計,食物質素比大半年前退步不少。 套餐沙律餐湯餐飲甜品一括在內, 沙律正常水準,簡單黑醋調味,份量偏少; 餐湯稀而無味,完全飲唔出係甘筍定南瓜煮成🤧 輕煎大西洋鱈魚配甜薯 $118 雪藏魚柳,未完全解凍就拎去半煎炸,但仍然掩蓋唔住陣腥味,口感似橡膠; 份量雖少,但食咗兩舊已經食唔落,係個檸檬牛油汁好少少,都算有檸檬香。 烤肉眼牛扒配黑椒汁 $128 嗌rare,上枱medium🤦‍♀️ 可能牛扒出貨量較大,肉質比鱈魚新鮮,唔韌,有筋不過易切,但都係無肉味; 黑椒汁唔夠椒香,唯一加分係以蕃薯蓉代替薯條,無加糖調味,較為健康。 底下係蛋白海綿蛋糕,味道清淡,上層mousse落勁多糖,甜到難以入口🤧 成個set每樣食物都係食得兩啖,估唔到疫情影響最大嘅唔止生意,仲有食物質素🤦‍♀️🤦‍♀️🤦‍♀️ #是日午餐 #nearD好西

#香香試伏 #nearD好西 #是日午餐 #食在旺角 #紅葉茶屋 唔知係疫情影響抑或熱情減退,仲記得初開張時食客不斷,如今只剩小貓三四隻。 生意淡薄,人手安排亦「不足」,雖然有三位職員駐店,但揚手數分鐘都無人為意,更莫講話會唔會主動加水。 價錢對比質素同服務嚟計不值。 🍱Deluxe原條鰻魚茶漬飯定食 $159 鰻魚足秤,都幾軟嫩,但燒得唔夠香口、略嫌油香欠奉; 飯面灑上頗多蛋絲,配飯食幾有口感👍🏻 茶底加咗鰹魚粉提鮮,令泡飯更易入口。 定食包含嘅兩款醃菜反而更出色,青瓜爽口,無草青味; 冬瓜喺日本菜中第一次見到,浸滿湯水,飽滿爆汁。

#香香試伏 #nearD好西 #食在觀塘 #Bentleycafe 位於觀塘Bentley showroom旁嘅cafe,同樣屬其集團經營; 明明只有兩枱客人,但一入門店員就問有無訂座,後尾先偷聽到有啲座位要預留起,可能留俾買車客🧐? Set Lunch價錢$122-162,六款選擇,不外乎海陸空扒餐、Pasta同Risotto;沙律餐湯二選一,配一杯餐飲。 🥗粟米藜麥雜菜沙律 不過不失,談唔上新鮮,感覺係雪藏菜;紫洋蔥比例佔半,怕洋蔥味嘅人較難接受。 🥩紐西蘭草飼肉眼牛扒配燒汁 $158 指明三成熟,上枱七成,差距甚遠; 牛扒質素唔合格,無牛味,肉韌難切,多筋,幸虧燒汁調得幾惹味,拉返少少分。 以薯蓉及煎煮茄菜作伴碟,前者留有薯粒,比較有咬口,不同坊間混和大量牛油嘅軟滑口感; 茄瓜、西蘭花、甘荀煎得油身偏焦。 Peppermint Tea +$4 成個餐最好應該係杯茶,因為用現成茶包沖成😂 薄荷味濃,回甘,食完肉類飲幾解膩。 每樣野一食完店員就趕住收碟,嘢飲未飲哂已經催賣單,呢個價錢呢個服務,真係只此一次。

Groups

香香食好西🥂

90後崇日挑嘴小吃貨💁🏼 四出尋覓性價比高的美食,務求要吃盡天南地北。 Facebook: 香香 Catherine Ling Welcome to follow my page🥰🥰🥰

香香食好西🥂

Profiles

香香 Catherine

123 Followers

1 Followings

141 feeds

香香 Catherine

My pen is blue

93 Followers

0 Followings

550 feeds

My pen is blue

NL

9 Followers

4 Followings

100 feeds

NL

Anthony Moneymaker

68 Followers

0 Followings

166 feeds

Anthony Moneymaker

鬍鬚佬

6 Followers

12 Followings

69 feeds

鬍鬚佬