#香香食好西 銀城喺我印象中一直都係整電話嘅地方，原來樓上除咗office外仲有食肆🤭🤭🤭 ⚜️ 🥘黑松露忌廉焗牛柳粒飯 $68 松露香濃郁，牛柳粒有十幾粒，$68估唔到咁足料。 鹹香嘅芝士同中間夾雜嘅蛋塊令焗飯口感豐富不少； 飯粒選用咗珍珠米，圓潤且有咬口，硬要挑剔嘅係忌廉汁偏稀，無預期咁creamy，好處係唔會越食越覺膩。 🥩紐西蘭肉眼扒配黑松露燒汁 $98 燒汁偏濃味，但黑松露味唔太明顯； 反而伴碟薯蓉松露味突出，口感好綿好滑，又無牛油抑味。 牛肉質量過關，筋唔算多，唔會好韌，order三成熟，血水唔多，肉質偏嫩，以呢個價錢嚟講有驚喜👍🏻 ✅ 餐廳裝潢充滿西式情調，配以柔和慵懶嘅燈光同舒適嘅梳化座椅，三五知己聊天小聚、又或係情侶撐枱腳兩相宜。 ✅ 價格親民貼地，lunch set包餐茶餐湯只需$48-98免加一，比平民始祖花園餐廳更平價抵食。 #食在旺角 #MiniFriday

#香香食好西 原來韓食除左燒肉同炸雞之外仲有其他好選擇咖，今日帶大家食下另類雞💁🏻‍♀️ ⚜️ ✅比起燒肉乾淨企理得多，唔會痴笠笠又大味。 ✅主打燉雞，獨門醬料燉煮，份量十足，有辣有唔辣。 🥒前菜醃青瓜 酸甜微辣，清新醒胃。 🍳芝士雞蛋卷 $88 軟嫩綿密，不同於日式蛋卷既水嫩多汁，而係喺表面淋上蕃茄醬同蛋黃醬，香甜不膩。 中間夾著略帶煙韌既mozzarella，和同軟乎乎既蛋卷成強烈對比，口感豐富。 🥘鳳雛燉雞 $248 二人份量，雞髀都有五隻，目測至少有十六到十八件雞。 雞件入味稔滑，一咬就離骨，但又保留到肉質嫩滑唔鞋，無返咁上下時間技巧都做唔到呢個水準。 每份燉雞都包左冬粉，口感同薯粉相似，但形狀扁身易夾，索汁力強，每一啖都食到鹹鹹甜甜既惹味湯汁，加上蘿蔔、黃瓜、土豆等配料，飽足感滿分。 #食在旺角 #鳳雛燉雞 #愛雞愛韓食人士另一選擇

#香香食好西 #nearD好西 近期密密見到身邊嘅靚女friend喺呢間充滿永生花嘅cafe打卡，細問之下原來遠在天邊、近在眼前，餐廳就位於潮特斜對面。 充滿文青氣息嘅設計，加上定價相宜嘅美食，令餐廳長期高朋滿座，想嚟打卡記得要預先book位🤣 ⚜️ 🥗煙鮭魚沙律 · 日式沙拉汁 $68 一般日式沙律都會以胡麻醬調味，呢度改以沙律醋，酸甜兼備，比胡麻醬來得健康。 煙鮭魚有三大片厚切，煙燻味香，伴入三文魚籽增添爆汁口感，同時令整體味道更鮮美； 除新鮮沙律菜外，仲加咗無花果，廚師細心地刮去外皮，袪除草青味之餘入口更稔軟。 🥣南瓜忌廉湯 湯碗係柴犬造型，非常可愛😍 是日餐湯係南瓜忌廉湯，入口帶濃郁奶油香，加咗南瓜更加香甜，creamy得嚟帶顆粒感。 🥖餐包係切片歐包，無多餘調味，反而能夠食到原材料嘅小麥香； 口感煙韌帶嚼勁，不同於普通麵包嘅鬆軟空氣感，更飽足。 #食在旺角 #走過十萬八千里找到你

Coffee time☕️ 果味過酸唔夠滑嘅cold brew、糖水佔5份1嘅hazelnut coffee latte😖🥶🤥🤧 #食在旺角 #呼吸咖啡

#香香食好西 呢次試嘅buffet係位於朗豪坊Cordis嘅The Place，平日dinner $648加一，通常都有做8折優惠。 有即開生蠔，有專人keep住洗+剝，保證隻隻新鮮，味道偏淡身，加少少調味好食啲； 芝士龍蝦白汁多過芝士，偏膩，食三隻已經覺漏，個人偏好冷盤多啲～ 西冷略韌，口感一般，無咩肉味； 羊架唔會太肥，肉軟熟易咬，但略嫌唔夠羶； 沙律、熟食選擇唔多，食客都係主攻肉類、海鮮為主。 甜品種類大約有8-10款，無香格里拉咁多，size比較細件，剛好解饞又唔會過量。 #食在旺角 #自助餐 #旺角康得思酒店

繼續幫襯旺中小店 試極都試唔曬😆 #食在旺角 #旺角美食 #黃店 #旺角黃店 #黃色經濟圈

#香香試伏 #nearD好西 #是日午餐 #食在旺角 #紅葉茶屋 唔知係疫情影響抑或熱情減退，仲記得初開張時食客不斷，如今只剩小貓三四隻。 生意淡薄，人手安排亦「不足」，雖然有三位職員駐店，但揚手數分鐘都無人為意，更莫講話會唔會主動加水。 價錢對比質素同服務嚟計不值。 🍱Deluxe原條鰻魚茶漬飯定食 $159 鰻魚足秤，都幾軟嫩，但燒得唔夠香口、略嫌油香欠奉； 飯面灑上頗多蛋絲，配飯食幾有口感👍🏻 茶底加咗鰹魚粉提鮮，令泡飯更易入口。 定食包含嘅兩款醃菜反而更出色，青瓜爽口，無草青味； 冬瓜喺日本菜中第一次見到，浸滿湯水，飽滿爆汁。

旺角中心立食區真係花多眼亂 依到只係$70 #黃店 #neard好西 #食在旺角 #是日晚餐

炸醬真係冇得彈 好香好好食 #雲魅 #米線 #nearD好西 #食在旺角