#香香食好西呢次試嘅buffet係位於朗豪坊Cordis嘅The Place，平日dinner $648加一，通常都有做8折優惠。有即開生蠔，有專人keep住洗+剝，保證隻隻新鮮，味道偏淡身，加少少調味好食啲；芝士龍蝦白汁多過芝士，偏膩，食三隻已經覺漏，個人偏好冷盤多啲～西冷略韌，口感一般，無咩肉味；羊架唔會太肥，肉軟熟易咬，但略嫌唔夠羶；沙律、熟食選擇唔多，食客都係主攻肉類、海鮮為主。甜品種類大約有8-10款，無香格里拉咁多，size比較細件，剛好解饞又唔會過量。 #食在旺角 #自助餐 #旺角康得思酒店

Related Feeds

#香香食好西 #防疫期無啖好食之 #是日午餐 #酸菜魚 🍲 落雨濕濕濕氣重，最啱食酸辣袪濕💁🏻‍♀️ size分咗大中細，分別係$50、$80、$110，比市價平唔少，本來擔心會唔會俾得好少，但無諗過嗌細都幾足料👍🏻 一打開表面鋪滿魚片，至少有十幾片，大小同塊salami差唔多；魚肉滑嫩，夾起略嫌易爛，無筋性，有些微細刺但可以咬碎。底下只有大豆芽、酸菜、青瓜片三種配料，令湯底帶充分鹹酸，湯水呈米白色，口感厚滑，但魚味唔夠濃郁；嗌咗最重嘅大辣，用嘅係黃色嘅小辣椒，都係食唔到有辣味🥺🥺 #食在元朗 #nearD好西 #雲來 #新北江

⭐️叉燒滑蛋飯實物比細圖更出色，真係落原片厚切叉燒去炒，叉燒瘦得黎帶少少脂肪，食落好鬆化。炒蛋夠滑，但份量唔夠多，再生啲會更好撈飯😌飯底加左瑞士汁，幾惹味，但食多幾啖有少少鹹。 ⭐️招牌瑞士雞脾，個瑞士汁用頭抽煮成，夠色水又夠味👍🏻雞脾啖啖肉。 ⭐️芝士煎蛋豬扒包，麵包加左牛油烤得好香，口感似薯片咁酥脆，豬扒略油、偏嫩但少乾，芝士蓉得足料，夠哂飽肚。 ⭐️冰室必點既邪惡西多，夠厚身，煎到金黃可口🥞 外脆內軟，蛋香十足，裡面仲夾左粒粒花生醬，好耐無食過咁正宗既港式西多～ ⚜️樓下冰室 (荃灣) 荃灣荃華街16號荃薈商場地下G45-G54號舖

Tea set包兩杯咖啡或花茶，先讚賞咖啡師既拉花工藝，飲到尾仍然能見到清晰既圖案，榛子味十足。食物精緻可口，先由鹹點食起，漢堡包表面烤香內在鬆軟，以簡單既芥末醬充分襯托安格斯牛肉濃郁既肉味。蟹肉餅雖為煎製，但口感絲毫不油膩，入口軟嫩鮮甜。軟心朱古力撻，外層撻皮香脆苦澀，朱古力軟心軟滑甜膩，兩者平衡得宜，看似簡單，但層次非常豐富。 Panna cotta口感非常幼滑，帶淡淡酒香，入口香甜不膩。歌劇院蛋糕層次分明，蛋糕軟綿、忌廉厚滑、果仁碎香脆，加上面頭香濃既咖啡醬，口感複雜，好似飲梗cappuccino咁。戚風蛋糕非常鬆軟，食落似綿花糖輕盈，同時伯爵茶味道十分突出，帶微微既甘澀，同想像中甜膩飽滯既蛋糕好大反差。同樣新鮮出爐，係我食過最好食既scone。外皮香脆，中心軟綿，滿滿麵粉香✨ ⚜️Victorian Rose Tea Room (尖沙咀) 尖沙咀山林道38號銀座38 17樓