#香香試伏 #nearD好西 #是日午餐 #食在旺角 #紅葉茶屋 唔知係疫情影響抑或熱情減退，仲記得初開張時食客不斷，如今只剩小貓三四隻。 生意淡薄，人手安排亦「不足」，雖然有三位職員駐店，但揚手數分鐘都無人為意，更莫講話會唔會主動加水。 價錢對比質素同服務嚟計不值。 🍱Deluxe原條鰻魚茶漬飯定食 $159 鰻魚足秤，都幾軟嫩，但燒得唔夠香口、略嫌油香欠奉； 飯面灑上頗多蛋絲，配飯食幾有口感👍🏻 茶底加咗鰹魚粉提鮮，令泡飯更易入口。 定食包含嘅兩款醃菜反而更出色，青瓜爽口，無草青味； 冬瓜喺日本菜中第一次見到，浸滿湯水，飽滿爆汁。