#香香食好西 原來韓食除左燒肉同炸雞之外仲有其他好選擇咖，今日帶大家食下另類雞💁🏻‍♀️ ⚜️ ✅比起燒肉乾淨企理得多，唔會痴笠笠又大味。 ✅主打燉雞，獨門醬料燉煮，份量十足，有辣有唔辣。 🥒前菜醃青瓜 酸甜微辣，清新醒胃。 🍳芝士雞蛋卷 $88 軟嫩綿密，不同於日式蛋卷既水嫩多汁，而係喺表面淋上蕃茄醬同蛋黃醬，香甜不膩。 中間夾著略帶煙韌既mozzarella，和同軟乎乎既蛋卷成強烈對比，口感豐富。 🥘鳳雛燉雞 $248 二人份量，雞髀都有五隻，目測至少有十六到十八件雞。 雞件入味稔滑，一咬就離骨，但又保留到肉質嫩滑唔鞋，無返咁上下時間技巧都做唔到呢個水準。 每份燉雞都包左冬粉，口感同薯粉相似，但形狀扁身易夾，索汁力強，每一啖都食到鹹鹹甜甜既惹味湯汁，加上蘿蔔、黃瓜、土豆等配料，飽足感滿分。 #食在旺角 #鳳雛燉雞 #愛雞愛韓食人士另一選擇