牛扒

打卡

吃貨

nearD好西

香港美食

美食推薦

黃店

食好西

西餐

相機食先

hkfoodie

Feeds

自私食零舍好味🥳 #牛扒 #好味 #好好味 #nearD好西 #配菜食咩好

🥂『Zeng』真係超『正』🍽 ————————————————————— 呢間酒吧餐廳糅合東西方文化元素,主打極具創意嘅雞尾酒同fusion菜,同時有多款水煙提供🍸今日就試下逢星六、日同公眾假期供應 Signature Seafood Collections Brunch ,6道菜都只係💲5️⃣2️⃣8️⃣ 💗Acipenser Baerii Caviar (10g) 特選意大利魚子醬,每粒烏黑發亮,散發海水鹹鮮味,完全唔腥🐟用上貝殼匙羹以免影響魚子醬味道,非常貼心。可以配埋香葱碎、蛋白碎、蛋黃碎同餅乾一齊食 💗Assorted Seafood Platter 🦪廣島蠔柑橘醬油漬:以日本愛媛縣柑橘醃製成醬,配以日式醬油醃漬生蠔,肉身雖然未夠肥美,但食落爽滑鮮甜,配上新鮮三文魚籽,層次更豐富 🍶清酒鮑魚:以本地新鮮鮑魚配以日本吟釀清酒泡漬,食落冰爽鮮美,帶陣陣酒香 🦐日式醬油蝦:肉質結實彈牙,蝦肉原本嘅鮮甜同日式甜醬油非常夾 🐚榮螺山葵漬:螺肉爽口且不韌,帶Wasabi香氣但唔攻鼻 💗Cold Served Lobster Salad, Yuzu Dressing 開邊波士頓龍蝦肉質厚實爽彈,鮮甜多汁,帶脆卜卜嘅蝦籽同甘香幼滑嘅蝦膏🦞新鮮爽脆嘅沙律菜加入軟滑嘅牛油果🥑以自家製柚子醬汁調味,酸甜開胃🥗 💗Mantaiko Spaghetti Carbonara 意粉軟硬適中帶Q彈,每一條都掛住濃稠且不膩嘅忌廉汁🍝蛋汁令質感更順滑,滿口奶香同微辛鹹香嘅明太子醬,配料仲有煙肉🥓同本菇🍄 💗Slow- Cooked Salmon, Cherry Tomatoes and Asparagus 以52度慢煮三文魚2個鐘,肉質軟綿嫩滑,入口即溶,完全冇腥味🐠配以濃稠嘅龍蝦汁,突顯海鮮嘅鮮味。佐以車厘茄同鹽燒露荀,令味道倍感清爽🍅 💗Sliced Australian M5 Wagyu Sirloin Steak (+$58) 和牛西冷肥瘦均匀,肉質軟稔緊緻🥩內𥚃色澤粉嫩,牛味香甜濃厚之餘帶牛脂香。配上酸甜黑醋同微辛鮮磨山葵,中和整體油膩感。伴菜有充滿奶香嘅綿密薯蓉🥔、意大利青瓜🥒同本菇🍄 💗Japanese Cheese Cake 蛋糕質感細緻緊密,芝士幼滑濃郁,鹹甜中取得平衡🧀配上酸甜嘅士多啤梨果醬🍓同新鮮藍莓🫐,感覺輕怡唔heavy。 💗Creme Brûlée 冰凍嘅燉蛋入口綿柔軟滑,蛋香同奶香十足,配上頂層即燒嘅香脆焦糖面🍮底層竟然有軟腍煙韌嘅麻糬,帶三重口感🍡 味道指數:😋😋😋😋😋 扺食指數:💲💲💲💲💲 環境指數:😍😍😍😍😍 💰人均消費:$401-$800 📍Zeng  銅鑼灣登龍街18號V Point 30樓  #hkfoodie #香港美食 #美食推薦 #吃貨 #打卡 #黃店 #相機食先 #牛扒 #海鮮 #龍蝦 #西餐 #日本菜 #銅鑼灣美食 #甜品 #酒吧 #紀念日 #生蠔 #nearD好西

🥂性價比高滋味石燒牛🍽 ——————————————— 呢間餐廳提供各款牛扒料理🐃以吉列牛為主打,頂級板腱更係每日限量供應,亦有羊架同煎魚柳選擇,滿足各位食肉獸😈 💗吉列炸牛扒定食($188) 選用USDA Prime Grade美國牛肉🇺🇸 以高温炸至外皮金黃酥脆,內𥚃2成熟呈淺嫩粉紅。再放上用牛油預熱嘅鐵板,每邊煎約30秒,鎖住油脂同肉汁,肉質軟滑冇渣,肉味香濃,油脂甘香🥩可配上日本蒜鹽或燒汁,提升肉香外又添鹹香🧂 前菜有胡麻醬豆腐同柚子醋沙律🥗另配一碗灑上味素嘅熱辣辣珍珠米飯🍚 💗石燒牛舌定食($120) 薄切牛舌爽滑柔嫩,咀嚼時有回彈嘅口感,牛味濃郁👅 白飯加$8轉原味炸薯條,外皮金黃香脆,內𥚃薯肉綿密,點少少茄汁一齊食🍟 💗雞軟骨餃子($45) 餃皮薄身煙韌,外層炸至焦脆🥟𥚃面包住脆卜卜嘅雞軟骨同豬肉,食落有肉汁,點埋餃子醋食更提鮮🦴 💗荔枝梳打(+$12) 荔枝味突出而且唔會假,飲落清爽甜蜜🍹 💗柚子梳打(+$12) 將柚子蜜混入梳打,飲落冰涼清新,仲有柚子肉🍋 味道指數:😋😋😋😋😋 扺食指數:💲💲💲💲 環境指數:😍😍😍😍 💰人均消費:$101- $200 📍Steak Bar   銅鑼灣登龍街36-48號登輝大廈地下B號舖 #hkfoodie #香港美食 #美食推薦 #吃貨 #打卡 #相機食先 #和牛 #餃子 #牛舌 #食好西 #銅鑼灣美食 #燒肉 #定食 #日本菜 #牛扒 #吉列牛 #nearD好西

🥂性價比一流親民西餐🍽 ————————————————————— 呢間餐廳搜羅世界各地嘅優質食材,支持本土小型食品生產商,推廣手工食品文化🇭🇰 💗田園沙律 新鮮翠綠沙律菜除咗火箭菜外,仲有小菠菜🥬再加咗紫洋蔥、車厘茄、粟米同藜麥,營養價值高🥗 💗是日餐湯 呢到嘅粟米湯係將粟米直接打蓉,味道係幾清甜🌽不過飲落好多渣唔夠順滑,都係鐘意落忌廉一齊煮個款多d🤔 香草餐包微暖軟熟,可以搽牛油一齊食🍞 💗美國牛肩肉($138/ 8OZ) 牛扒外表煎至焦香鎖緊肉汁,內裡色澤粉嫩,完美掌握5成熟🐃肉質介乎係結實同嫩滑之間,脂肪較少而且冇筋。點埋海鹽食牛味更突出,帶微微炭燒香🥩 配菜有焗薯角外🥔,仲有蒜蓉炒西蘭花、脆肉瓜同豆角🥦 💗加拿大豬鞍架($138) 厚切豬鞍架煎焗到啱啱熟透,每個位置都唔覺韌🐷旁邊少量嘅脂肪部分帶豬油香,肉質軟滑多汁。可以夾住紅酒洋蔥一齊食,酸甜又解膩🧅,亦可點埋自家製燒汁 💗焦糖燉蛋(+$20) 底層嘅燉蛋嫩滑冰涷,甜度適中重蛋香,表面即燒嘅焦糖脆片簡直係靈魂🍮 💗朱古力心太軟(+$45) 朱古力味幾濃🍫外層蛋糕唔會焗得太實,切開都算流心,不過太甜😦 💗鮮果冰茶 紅茶底完全唔澀,配上新鮮酸甜嘅西柚,味道清新自然,果香十足🍹 味道指數:😋😋😋 扺食指數:💲💲💲💲 環境指數:😍😍😍 💰人均消費:$101- $200 📍Food Garden ETC  荔枝角長義街9號D2 Place一期3樓303-304號舖 #hkfoodie #香港美食 #美食推薦 #吃貨 #打卡 #黃店 #相機食先 #薄餅 #抵食 #漢堡包 #西餐 #意粉 #荔枝角美食 #甜品 #牛扒 #心太軟 #紀念日 #情侶好去處 #neard好西

見到 東東菜 Nori 介紹,尋晚去左支持下。 叫左牛扒餐,份量比想像中細,但係味道都唔錯既! 而且個薯條好好食👍🏻 #沙田 #黃店 #沙田黃店 #外賣自取 #topbladesteaklab #手機最近一張食物相 #放工做咩好 #牛扒 #是日晚餐 #外賣

倒數兩天便迎接牛年 要鋸扒應節🧧 今天去登龍街一間日式扒房 餐廳門口是全黑招牌 我們在平日中午來到 內裏坐位還算充裕 餐廳正進行第二個餐半價的優惠 平均每人約百元一個餐 十分化算 可惜因為沒有晚市, 西冷扒暫停供應 於是我們點了板腱牛扒和鯖魚套餐 還加了海蜇小食及bbq雞翼 仙迪雖然不吃牛 但朋友對他的板腱牛口感十分滿意(medium rare) 鯖魚燒得皮脆肉滑 不會太乾身 配上海鹽和醬油 味道更上一層樓 特別讚賞白飯加了滿滿的味素 我把整碗飯都吃光 另外推薦大家品嘗海蜇和芽菜醃製的小食 甜酸適中十分有驚喜! 雖然肚子吃到滿滿 但這頓飯配搭十分健康 🍽Steak bar 銅鑼灣登龍街36-48號地下 #steakbar #cwb #銅鑼灣 #美食 #香港美食 #扒房 #牛扒

🥂唔洗睇menu嘅法式扒房🍽 ——————————————— La Vachi嘅法文意思係「天啊!Holy Cow!亅😱餐廳獨沽一味只賣一款牛扒餐,食客只需選擇牛扒嘅生熟程度,每位$318非常抵食。每日供應7至8款經典法式甜品,只要加多$118就可以享用✌🏼 💗有機蔬菜合桃沙律 沙律菜新鮮爽脆,食落冇苦澀味🥬以法式芥末油醋汁調味,仲有核桃嘅香味同櫻桃蘿蔔嘅微酸配合,清新又醒胃🥗 💗USDA Prime肉眼扒(10 ounces) 以海鹽同胡椒簡單調味,烤至兩面微焦,特意Rest過令肉汁鎖緊在扒中🥩牛扒外脆內𥚃色澤粉嫩,食落牛味重,帶恰當油香。整體肉質細嫩軟腍,配合少量筋位有嚼口。設有小火爐以保持熱度 ,但都唔會變韌🔥旁邊放咗茄汁同自家製Magic sauce, 食落帶磨菇香同黃芥辣味 💗金黃炸薯條 用咗真正「牛油」嚟炸,所以冇油耗味。食落香脆且薯味十足🥔薯條偏幼身,面層曬上適量鹽調味 💗焦糖榛子泡芙 泡芙舖上杏仁片焗至脆身,食落偏實心,唔似出面個d空氣感重🥯中間軟滑濃郁嘅榛子醬,仲用原粒嘅榛果仁增加口感,不過焦糖味道偏甜膩🌰 💗檸檬蛋白撻  撻皮焗至香脆,充滿牛油香,厚度適中好似曲奇皮咁🥧檸檬餡料酸度夠🍋微微燒焦面頭個層厚厚嘅蛋白霜,食落香甜又creamy 💗特濃巧克力撻 食落有好濃郁嘅朱古力味,連撻皮都好仔細咁加咗可可粉,中間嘅黑朱古力慕絲軟滑企身🍫表面撒上微苦嘅唂咕粉,甜而不膩,配埋旁邊嘅雜莓同奶油一起吃🫐 💗紅桑子馬卡龍 Macaroon中間夾咗新鮮嘅紅桑子同鮮忌廉,一甜一酸的配搭🍒上面仲有金箔裝飾,不過鬆脆嘅蛋白餅真係偏甜 🥚 味道指數:😋😋😋😋😋 扺食指數:💲💲💲💲 環境指數:😍😍😍😍 💰人均消費:$201-400 📍La Vache!  尖沙咀赫德道12號地下 中環蘇豪卑利街48號地舖 #hkfoodie #香港美食 #美食推薦 #吃貨 #打卡 #相機食先 #黃店 #尖沙咀美食 #中環美食 #西餐 #食好西 #情人節 #牛扒 #薯條 #甜品 #nearD好西 #懲人節

🥂日本京都過江龍吉列牛扒 🍽 ——————————————— 呢間餐廳主打各個部位嘅吉列牛,選用美國同紐澳牛肉🥩跟足總店做法,採用日本技術乾麵包糠,麵粉、雞蛋製作裹漿,牛扒以攝氏 190 高溫快炸60秒,更設燒爐俾大家自行燒至心水熟度🔥另外獨家推出豬扒同海鮮套餐🍤 💗極上和牛M9下肩胛套餐 ($275) 🍱套餐均送上漬物、麥飯、椰菜沙律同味噌湯 🇦🇺M9和牛外表金黃酥脆,內裡保持3成熟嘅鮮嫩熟度。油脂分佈均勻,肉質軟嫩,肉味濃厚,油脂甘香 🧂附有8種蘸料,包括山椒鹽、玫瑰鹽、綠芥末、七味唐辛子、鰹魚和風露、咖哩醬、招牌牛排醬同日式溫泉蛋 💗京都勝牛三味套餐 ($218) 🇺🇸分別有3個部位:翼板屬肩胛,帶少量油花,食落較有嚼勁,牛味特出;厚切菲力屬後腰內肉,肉質偏瘦,口感依然軟腍;薄片醬味牛以菲力配上自家調製醬汁,食落香甜惹味 💗藍柑荔枝味有氣特飲($36) 飲落酸甜清新,加上粒粒荔枝肉🍹 💗白桃蒟蒻冰茶($32) 紅茶底夠濃,帶出清香白桃味,配上Q彈蒟蒻🍑 味道指數:😋😋😋😋😋 扺食指數:💲💲💲 環境指數:😍😍😍😍 💰人均消費:$101- $200 📍京都勝牛Kyoto Katsugyu 銅鑼灣謝斐道535號Tower 535地庫B01號舖 #hkfoodie #香港美食 #美食推薦 #吃貨 #打卡 #相機食先 #和牛 #京都勝牛 #日本料理 #食好西 #銅鑼灣美食 #燒肉 #定食 #日本菜 #牛扒 #吉列牛 #nearD好西

🥂有格調地中海風味西餐🍽 ——————————————— 呢間餐廳主打新鮮海產同自家製乾式熟成牛扒料理🐃以名牌 Josper 炭烤爐高溫快速炭燒🔥今次試咗佢地$1388嘅Sharing Menu for Two👩‍❤️‍💋‍👨 💗Crab And Lobster Bisque 龍蝦湯極之濃郁鮮甜,蟹肉絲非常足料🦀不過質地唔係忌廉湯個種濃厚Creamy,比較似中式嘅湯羹🦞 💗Tuna Steak 半熟吞拿魚肉質較結實,油脂較少,食味清淡,略嫌有魚腥🐟配上芒果莎莎,偏酸嘅芒果同蕃茄粒增加開胃感🥭 💗Oyster 蠔肉入口軟嫩充滿蠔汁,帶微微海水味🦪加入芝士同菠菜烤至焦香,味道更香口🧀 💗Foie Gras 鵝肝加入砵酒焦糖醬煎香,邊位變得焦脆,食落既有鵝肝嘅甘香,又有醬汁嘅香甜🦆配上溫泉蛋,令口感更滑溜🥚 💗Seasonal Clams 大蜆肉質飽滿冇沙🐚用上香茅同薑整成忌廉汁,泰式風味更突顯蜆肉嘅鮮甜,層次更豐富🇹🇭 💗Whole Lobster 龍蝦肉質鮮嫩彈牙,配上鮮甜嘅龍蝦膏,龍蝦鉗肉亦非常肥美🦞加入芝士焗完依然有肉汁,更添一份焦香。底下墊有清新嘅沙律菜同煙韌嘅古斯米🥗 💗45-Day Dry Aged Greater Omaha Striploin 採用頂級安格斯前腰脊肉,經熟成後肉質較結實有嚼勁,但依然鬆軟冇筋。煎至5成熟,內裡色澤呈嫩紅,鎖住所有肉汁,牛味濃厚帶咸香嘅煙燻味🥩點少量海鹽同生蒜醬突顯香醇嘅肉味。配菜特別以四川方式炒雜菌,帶花椒嘅香辣🌶 💗Chocolate Lava Cake 即焗心太軟外層焗至微脆,切開有大量朱古力漿流心,味道濃郁,甜而不膩🍫 💗Yuzu Lemon Tart 撻皮香脆富牛油香,中間係清新嘅柚子檸檬雪葩,味道酸甜自然🍋 味道指數:😋😋😋😋 扺食指數:💲💲💲 環境指數:😍😍😍😍 💰人均消費:$401- $800 📍hEat  灣仔皇后大道東202號QRE Plaza 23樓 #hkfoodie #香港美食 #美食推薦 #吃貨 #打卡 #相機食先 #蠔 #情侶好去處 #鵝肝 #食好西 #灣仔美食 #西餐 #龍蝦 #紀念日 #牛扒 #熟成肉 #nearD好西

食大餐 #燒雞 #多春魚 #牛扒 #nearD好西 #楊枝甘露

沙田吹水台

#沙田 #馬鐵線 #第一城 #石門 一帶街坊,集合!

沙田吹水台

香港飲食好地方

香港飲食好地方

宜家食緊乜🍔

宜家食緊乜🍔

最強飲食情報

最強飲食情報

今晚煮乜送?

今晚煮乜送好? 歡迎各位住家飯達人💁🏻‍♀️

今晚煮乜送?

型男美女健康貼士💪🏻

每天一起健康生活大分享!

型男美女健康貼士💪🏻

尋覓各區美食

Eat all around😋 Taste•Enjoy•Life 歡迎大家投稿😜 只要提供:#Hashtag 地區、地址就可👌🏼 食評就大家喜歡就寫罷😉

尋覓各區美食

削髮維尼

6 Followers

3 Followings

51 feeds

削髮維尼

一山不能藏胖虎

13 Followers

6 Followings

70 feeds

一山不能藏胖虎

東東菜 Nori

貪玩+貪食嘅居港x澳門人🐻🇲🇴🇭🇰 play hard, not work hard🤘😋

232 Followers

0 Followings

245 feeds

東東菜 Nori

布甸

8 Followers

1 Followings

5 feeds

布甸

師奶仔

65 Followers

3 Followings

181 feeds

師奶仔

YOLO Chu

全職媽媽,一女一囝👩🏻👦🏻👧🏻👶🏻

19 Followers

6 Followings

146 feeds

YOLO Chu

仙迪

Ig: kawaiicaw YouTube: 仙迪missy Cindy

1617 Followers

0 Followings

309 feeds

仙迪

沒有焗爐

259 Followers

0 Followings

76 feeds

沒有焗爐

Charlotte Yiu

https://instagram.com/miss_sorrow_foodie?igshid=8ycmc10wvp7b

469 Followers

2 Followings

58 feeds

Charlotte Yiu