♥️請𝚏𝚘𝚕𝚕𝚘𝚠個人𝙸𝙶 : @150cmevita / @hkfoodievita 𝙵𝚊𝚌𝚎𝚋𝚘𝚘𝚔 𝙿𝚊𝚐𝚎：150cmlittlegirl ———————————— 最近上網搵吓有咩新餐廳開，搵到呢間西餐廳，店內有室外座位，近排天氣開始轉涼，夜晚坐出面都幾好feel，不過最好預先book位，而今次我係坐裡面🙈。 #美國西冷牛扒配紅酒燒汁配薯菜 $61 8.5/10 ————————————— 午餐附送忌廉龍蝦湯或羅宋湯，不過前者咁啱賣晒～個湯嘅材料都幾豐富，啖啖都食到番茄同菜🥰塊包都好香脆，食落卜卜聲🍞 講返個扒，表面煎得非常香脆，無血水得嚟又完全唔韌，非常香口軟腍😍薯條都炸得爽脆，條條都長過手指🍟 #香煎豚西冷拼北海道檸檬鹽烤雞配意粉 $63 7.8/10 ————————————— 呢款兩塊肉都非常好味，烤雞肉質鮮嫩多汁，完全唔嚡口🐔不過豬扒就煎得有啲乾，搞到癡癡哋牙🤧不過最需要改善嘅係意粉，雖然軟硬度適中，但係就算撈汁都只食到白烚味（即係無味）😢。 題外話： 我眼大睇過龍，完全睇唔到熱朱古力要加$9......早知唔加啦🥲不過呢杯朱古力面頭有奶泡同朱古力粉，賣相都幾靚🍫☕️🍫☕️🍫☕️ 💭WM Cafe & Bar 💭荃灣海之戀商場3樓3094號舖 #荃灣美食 #香港美食指南 #美食推薦 #香港美食 #西餐 #牛扒