美食推薦

打卡

吃貨

neard好西

香港美食

黃店

食好西

西餐

相機食先

尖沙咀美食

hkfoodie

Feeds

🥂唔同時段有唔同優惠嘅點心🍽 ——————————————— 呢間小茶館選用上等食材,為食客提供實惠嘅一盅兩件。茶錢每位$5,勝在全日免收加一☕️平日午市嘅蒸點、腸粉、粥飯、甜點等都有9️⃣折 💗金箔鮮蝦餃($32) 晶瑩剔透嘅餃皮夠薄而且口感煙韌,內餡嘅蝦肉粒同蝦膠非常飽滿,食落爽口彈牙而且鮮甜🦐 💗露荀鮑魚鳳眼餃($34) 整體餡料同蝦餃係一樣,只係多咗爽脆嘅露荀。面頭放咗隻迷你鮑魚仔,食落彈牙煙韌,帶蠔油汁嘅咸鮮🦪 💗珍菌濃湯鮮竹卷($28) 腐皮卷包住滿滿嘅唐芹、豬肉碎同紅蘿蔔,再浸係清淡嘅上湯中,味道唔重味精,仲放上幾條本菇係面🍄 💗金瓜蒜香蒸排骨($28) 半肥瘦嘅排骨肉質非常柔軟,食落冇鬆肉粉味,吸收哂蒜蓉香🧄底下仲墊咗軟綿嘅南瓜,但未夠香甜。 💗肉鬆炸両腸粉($27) 腸粉皮夠薄夠滑,入面包住嘅油炸鬼好新鮮,超級香脆,面頭再灑上鹹香嘅肉鬆,淋埋甜豉油食就最夾🥢 💗金腿蓉鹹水角($22) 糯米外皮口感香脆煙韌,不過炸得偏油膩。餡料部份較空心,得少量豬肉碎、韮菜同金華火腿碎,食落鹹鹹甜甜咁都幾惹味嘅🥠 💗流沙黑芝麻煎堆($22) 迷你煎堆沾上白芝麻炸至金黃香脆,糯米粉團軟糯,黑芝麻餡料濃郁到起哂沙,不過就唔算好流心🧆 💗香芋地瓜丸($22) 迷你地瓜球炸到外層脆卜卜,食落頗煙韌,但完全冇蕃薯味。𥚃面包住綿密嘅芋泥,但唔算香甜🍠 味道指數:😋😋 扺食指數:💲💲💲💲 環境指數:😍😍 💰人均消費:$51- $100 📍正點心  美孚美孚新邨恆柏街6號地下N29A號舖 #hkfoodie #香港美食 #美食推薦 #吃貨 #打卡 #相機食先 #抵食 #中菜 #港式點心 #食好西 #美孚美食 #蝦餃 #港式飲茶 #飲茶 #點心 #neard好西

🥂街坊價地道餐室🍽 ——————————————— 呢間茶記堅持製作不含味精,煮出食物最原始鮮味。特別以蕃茄湯底作主題,湯足料新鮮即製🍅另外自家炮製嘅瑞士雞脾同雞翼更係必吃之選👍🏼 💗招牌瑞士雞髀($28) 瑞士汁係師傅秘製,用上頭抽部分,醬香馥郁,香甜不膩👨🏻‍🍳雞髀大隻厚肉,上色度十足,內𥚃充分吸滿濃郁嘅醬汁。食落有雞味,最值得讚係冇雪味,肉質都算軟嫩唔乾身🍗 💗西多士($25) 外層炸至金黃熱辣辣,只係未夠脆,唔會油淋淋。內層厚身軟熟🍞中間夾住粗粒花生醬,所以特別香同有口感🥜最頂層有片好快溶嘅牛油,再淋上甜絲絲嘅糖漿真係絕配🧈 💗炸韮菜餃子($35/8隻) 將餃子炸到金黃脆口,餃皮厚薄適中,餡料脹卜卜🥟爽口嘅韮菜同豬肉碎既比例啱啱好,唔會淨係得肥肉。咬落菜汁特別鮮香,而且唔會太乾身🥬 💗焗芝士西蘭花($38) 預先汆熟西蘭花,莖部脆嫩唔會過硬,亦唔會有臭青味🥦淋滿濃稠嘅粟米忌廉汁,再放上惹味嘅芝士焗至微焦🧀如果芝士份量多d會更好,而且底部出水情況較嚴重,食食下個醬會變到好稀。 💗香煎蓮藕餅雞扒飯($49) 香草雞扒煎至雞皮香脆,皮下脂肪少,肉質嫩滑而且冇雪味🐥蓮藕餅炸得好香口,厚身結實嘅豬肉夾集住爽身粗粒嘅蓮藕,不過蓮藕份量太少,口感似食肉餅多d😂配料仲有惹味鹹香嘅蔥油同清新嘅椰菜。 💗華田脆脆($22) 阿華田味幾濃,面頭灑上一層可可脆脆有雙重口感,兩樣加埋唔會過甜,只係d冰溶咗有少少變淡🍫 味道指數:😋😋 扺食指數:💲💲💲💲 環境指數:😍😍😍😍 💰人均消費:Below $50 📍樓下冰室  荃灣荃華街16號荃薈商場地下G45-G54號舖 荃灣路德圍14-18號B舖  鰂魚涌英皇道967號地下 #hkfoodie #香港美食 #美食推薦 #吃貨 #打卡 #相機食先 #雞翼 #西多士 #茶記 #食好西 #荃灣美食 #鰂魚涌美食 #輕食 #下午茶 #餃子 #茶餐廳 #neard好西

🥂正宗法式Crepe專門店🍽 ——————————————— 呢間餐廳採用新鮮入口原材料,提供多款甜鹹可麗餅🥞仲有小食同沙律、反傳統嘅酥皮薄餅、意粉同飯類☕️ 💗芒雪千層($88) 酥脆嘅拿破崙先雪藏至少24個鐘,再烘焗大約1個鐘以上🧈以自家製芒果Gelato作夾層,味道偏酸冰涼🥭面層擠上綿滑嘅忌廉,伴碟仲有鮮芒果果肉、紅桑子同蛋白餅脆脆🍒 💗紅茶匯聚($88) 班戟漿由加拿大直接進口,餅皮厚薄啱啱好,食落軟熟煙韌,蛋味香濃。以幼滑嘅紅茶吉士作餡料,啖啖清幽嘅茶香🫖搭配朱古力脆脆同焦糖醬,口感大增🍫伴食焦糖Gelato,入口帶微苦酒香🍨 💗士多啤梨意式雪糕奶昔($58) 以低脂低卡嘅新鮮士多啤梨Gelato🍓加入3.6 北海道牛奶製成嘅奶昔,味道香甜自然,大量忌廉令質感更順滑🥛 💗芒果意式雪糕奶昔($58) 以新鮮芒果Gelato製成嘅奶昔奶香味十足🍦飲落酸甜適中,芒果味真實,質感細膩🥭 味道指數:😋😋😋 扺食指數:💲💲💲 環境指數:😍😍😍😍 💰人均消費:$101- $200 📍Crêpe Delicious 旺角太子道西193號MOKO新世紀廣場3樓345號舖 灣仔皇后大道東200號利東街地下G26及F26A號舖 #hkfoodie #打卡 #香港美食 #美食推薦 #吃貨 #相機食先 #奶昔 #甜品 #可麗餅 #食好西 #下午茶 #西餐 #旺角美食 #灣仔美食 #班戟 #芒果 #士多啤梨 #neard好西

今晚約咗朋友嚟呢到食飯,呢個地方大約開咗15年,有得玩有得食;如果同埋成班朋友嚟仲正,一邊玩 board games,一邊食野一邊吹水,真係好正 呢間餐廳嘅🧑🏻老闆超nice又好傾,仲非常搞笑;最勁係佢一個人打理成間店舖,由落單>入廚房整美食>到出菜,都係一個人做哂,勁👍🏻👍🏻👍🏻 記得呀,嚟呢到食飯一定要 WhatsApp 或 打電話☎️嚟訂位 我同呢位朋友👭🏻次次食飯都食得勁多野,今次都唔例外,今餐大部分都係朋友揀🤭,兩個女人嘅食量又好似真係大咗啲🤭呢到嘅食物份量都好大份 芝士薯條 $62 必食頭盤小食😋芝士薯條,超濃郁芝士醬加入黑椒粒,熱辣辣嘅粗薯條,超好食 卡邦尼碎煙肉三文魚 配天使麵 $119 老闆推介👨🏻‍🍳卡邦尼意粉汁夠creamy;大大塊三文魚,份量唔少架;因為無碎煙肉,所以加入嫩滑豚肉粒;天使麵麵質剛好,唔會太淋 香腸拼盤 $94 三款不同嘅腸類 mix埋一齊,皮脆內軟,有香草豬肉、辣肉腸及牛仔腸,呢個份量真係勁大份(最啱係三五知己一齊食) 墨魚卷拼芝心丸 $61 外脆內軟嘅爽口🦑墨魚卷;熱辣辣嘅流心🧀芝士丸,又香又好味 火龍果 + 士多啤梨汁 (雪糕+$8) 跟餐+$18 果汁係用新鮮水果打出嚟,紅火龍果 + 士多啤梨🍓呢個組合我鍾意😋後加雪糕球🍦(雲呢拿味) 熱情果茉莉花茶 $54 (可添飲3次) 加入茉莉花嘅花茶聞落已經好香,加入熱情果,飲落甜甜地,清新好飲;同老闆講要加水,老闆話除咗加水仲要加入熱情先得🤭(真係笑咗🤣) @Anymomentcafe 地址📍旺角登打士街36號恆威商業中心9樓 訂座電話 ☎️ 61306631 #下午茶 #遊戲 #好好吃 #桌上遊戲 #到會服務 #BoardgameCafe #包場 #樓上Café #mkcafe #Boardgamehk #Partyset #桌遊 #派對 #美食推薦 #吃好西 #Anymomentcafe #旺角cafe #樓上cafe #cafe #三五知己 #boardgames #旺角美食 #是日晚餐 #foodblogger #foodies  #hkfoodieblogger #happyhappy💛💟 #hkbloggers #bloggerlife #hkfoodies

🥂「鬼佬涼茶」x 「鬼馬料理」 🍽 ——————————————— 呢間餐廳早前宣布結業,搬遷新舖後裝修成懷舊港式唐樓,手繪龍鳳玻璃牆🐉另外增設午市套餐同咖啡等飲品,夜晚營造番酒吧風格,仲有本地釀製嘅手工啤酒🍻 💗法式焦糖女兒紅獅頭鵝肝燉蛋配牛油多士($108) 鵝肝慕絲幼滑綿密,醇厚甘香,入口即化🦆之後帶陣陣女兒紅味,酒香有助減低油膩感🥃表面嘅焦糖脆增添甜味,以莓果點綴,再搽上香脆嘅多士同餅乾一齊食🥖 💗24小時慢煮伊比利亞叉燒·配煎日本太陽蛋·紅洋蔥漬·香噴噴香蔥豬油撈飯($178) 選用厚切半肥瘦叉燒,肉質軟嫩彈牙,肉味香濃外帶蜜汁甜味🐖豬油撈飯食落香滑偏濕潤,微酸嘅洋蔥漬同巨型芽菜中和整體油膩感🧅將半熟太陽蛋嘅蛋黃撈埋入飯更滋味🍳 💗香煎澳洲和牛臉頰配沙爹金菇·櫻花蝦煎腸粉($182) 牛臉頰肉先經燉煮後再煎香,肉質軟腍,加上豐富膠質,只係邊位偏硬同乾🐃 腸粉煎至外層焦脆,內𥚃軟滑,米香味特出。沙嗲汁濃郁惹味,加埋爽口嘅金菇菜🥘 味道指數:😋😋😋😋 扺食指數:💲💲💲 環境指數:😍😍😍😍 💰人均消費:$101- $200 📍何蘭正 Ho Lan Jeng 中環雲咸街29號東方有色大廈2樓 #hkfoodie #香港美食 #美食推薦 #吃貨 #打卡 #相機食先 #酒吧 #啤酒 #鵝肝 #食好西 #中環美食 #叉燒 #和牛 #腸粉 #蘭桂芳 #西餐 #nearD好西

🥂貼地價台式燒肉放題🍽 ——————————————— 呢間餐廳嘅台灣總廚結合秘傳做法同原住民風味,嚴選高質嫩肉,炮製各種經典台灣夜市小吃、手調飲品同特式醬汁🇹🇼主打4️⃣款燒肉套餐,午市最貴個款都係$358,任食81款食物😱 👍🏼頭🔟位最值得添食 🥩澳洲M5和牛:肉質幼嫩細滑,油脂分佈平均,肉味濃厚,油脂齒頰留香 🐃SRF極黑霜降牛肉眼:極黑牛係日本和牛同美國頂級黑安格斯黑牛嘅混合品種,肉質較紮實,油花細緻 🐂袐制牛肋條:肉質有嚼勁,經甜醬油醃過特別入味 🤎烤金錢肚:口感爽脆完全唔韌,帶滷水汁香 ❄️原味厚切雪花豬:豬頸肉口感爽滑有彈性,帶微微焦油香 🐖原住民鹽燒肉:半肥瘦嘅五花肉燒過後迫出油份變得焦脆,沾上特調蒜醋有助解膩 🦐爽彈虎蝦:肉質結實爽彈,蝦鮮味濃 🐚烤帆立貝:帶子肉鮮甜柔軟,帶陣陣牛油香 🐔懷念鹽酥雞:炸至表面香脆,雞肉嫩滑多汁,灑上五香粉夠哂惹味 🍠梅山酥炸薯:炸至金黃酥脆,蕃薯肉綿密飽滿,自然香甜,灑上話梅粉添加鹹香 味道指數:😋😋😋😋 扺食指數:💲💲💲💲 環境指數:😍😍😍😍 💰人均消費:$201- $400 📍安平燒肉Aping Grill 旺角彌敦道593-601號創興廣場9樓 荃灣眾安街55號大鴻輝(荃灣)中心17樓全層 #hkfoodie #香港美食 #美食推薦 #吃貨 #打卡 #相機食先 #放題 #和牛 #食好西 #旺角美食 #烤肉 #荃灣美食 #任食 #燒肉 #台灣菜 #鹽酥雞 #nearD好西

🥂台灣都有湯圓❓🍽 ——————————————— 呢間餐廳由台灣人阿元開創,主打正宗滷肉飯、台式早餐同便當等。今年特意同台灣湯圓廠商推出特製湯圓🍡 💗芋頭金沙湯圓($49/1盒8顆) 芋頭糯米皮口感軟糯,但唔夠煙韌🍠內𥚃包住台中在地深耕嘅芋頭蓉同鹹蛋黃,鹹甜配搭得宜,味道有d似潮州月餅🤣特別煮咗個椰奶湯底特顯芋頭嘅清香🥛 味道指數:😋😋 扺食指數:💲💲 📍阿元來了 西環堅尼地城北街31號地舖 觀塘鴻圖道28號地下後座 西環西營盤第三街73號地舖 #hkfoodie #香港美食 #美食推薦 #吃貨 #相機食先 #元宵 #甜品 #食好西 #米芝蓮 #觀塘美食 #鹹蛋黃 #湯圓 #糖水 #芋頭 #黃店 #台灣菜 #neard好西

🥂品嚐香港情懷老味道🍽 ——————————————— 呢間餐廳以80年代大牌檔為主題🥢以舊式香港霓虹燈招牌、鐵閘、酒樓喜宴金龍等作裝飾,專食懷舊本土菜🇭🇰 💗黑松露厚蝦多士($28/件) 多士炸得金黃香脆,食落唔肥膩🥪舖上爽口彈牙嘅蝦肉同香濃嘅黑松露醬🦐點埋黑松露沙律醬,香氣十足💎 💗優惠孖寶($198) 🐔招牌瑤柱走地雞(半隻):半隻雞份量十足,雞皮爽彈,皮下脂肪較多,雞肉涷食肉質依然嫩滑,味道清淡。面頭放滿瑤柱、炸蒜同蔥絲,有泰式酸辣汁🌶同蔥油🥣兩款沾醬 🐚豉椒炒蟶子皇(2隻):蟶子都算幾大隻,食落爽脆鮮甜,唔會有沙。加入豆豉、三色椒🫑同洋蔥🧅一齊炒,醬汁香濃惹味 💗馬拉盞時蔬炒牛肉($98) 通菜新鮮爽脆,色澤翠綠唔啞色,炒得唔油膩🥬牛肉軟滑唔韌,有牛味而唔係鬆肉粉味🐃馬拉盞調味唔會過鹹同過辣 味道指數:😋😋😋😋 扺食指數:💲💲💲💲 環境指數:😍😍😍😍 💰人均消費:$101- $200 📍女人街食飯公司Ladies Street Sik Fan Co. 旺角通菜街1A-1L威達商業大廈1樓B室 #hkfoodie #抵食 #香港美食 #美食推薦 #吃貨 #打卡 #相機食先 #懷舊 #啤酒 #打冷 #食好西 #旺角美食 #海鮮 #黃店 #粵菜 #中菜 #大牌檔 #neard好西

🥂有格調地中海風味西餐🍽 ——————————————— 呢間餐廳主打新鮮海產同自家製乾式熟成牛扒料理🐃以名牌 Josper 炭烤爐高溫快速炭燒🔥今次試咗佢地$1388嘅Sharing Menu for Two👩‍❤️‍💋‍👨 💗Crab And Lobster Bisque 龍蝦湯極之濃郁鮮甜,蟹肉絲非常足料🦀不過質地唔係忌廉湯個種濃厚Creamy,比較似中式嘅湯羹🦞 💗Tuna Steak 半熟吞拿魚肉質較結實,油脂較少,食味清淡,略嫌有魚腥🐟配上芒果莎莎,偏酸嘅芒果同蕃茄粒增加開胃感🥭 💗Oyster 蠔肉入口軟嫩充滿蠔汁,帶微微海水味🦪加入芝士同菠菜烤至焦香,味道更香口🧀 💗Foie Gras 鵝肝加入砵酒焦糖醬煎香,邊位變得焦脆,食落既有鵝肝嘅甘香,又有醬汁嘅香甜🦆配上溫泉蛋,令口感更滑溜🥚 💗Seasonal Clams 大蜆肉質飽滿冇沙🐚用上香茅同薑整成忌廉汁,泰式風味更突顯蜆肉嘅鮮甜,層次更豐富🇹🇭 💗Whole Lobster 龍蝦肉質鮮嫩彈牙,配上鮮甜嘅龍蝦膏,龍蝦鉗肉亦非常肥美🦞加入芝士焗完依然有肉汁,更添一份焦香。底下墊有清新嘅沙律菜同煙韌嘅古斯米🥗 💗45-Day Dry Aged Greater Omaha Striploin 採用頂級安格斯前腰脊肉,經熟成後肉質較結實有嚼勁,但依然鬆軟冇筋。煎至5成熟,內裡色澤呈嫩紅,鎖住所有肉汁,牛味濃厚帶咸香嘅煙燻味🥩點少量海鹽同生蒜醬突顯香醇嘅肉味。配菜特別以四川方式炒雜菌,帶花椒嘅香辣🌶 💗Chocolate Lava Cake 即焗心太軟外層焗至微脆,切開有大量朱古力漿流心,味道濃郁,甜而不膩🍫 💗Yuzu Lemon Tart 撻皮香脆富牛油香,中間係清新嘅柚子檸檬雪葩,味道酸甜自然🍋 味道指數:😋😋😋😋 扺食指數:💲💲💲 環境指數:😍😍😍😍 💰人均消費:$401- $800 📍hEat  灣仔皇后大道東202號QRE Plaza 23樓 #hkfoodie #香港美食 #美食推薦 #吃貨 #打卡 #相機食先 #蠔 #情侶好去處 #鵝肝 #食好西 #灣仔美食 #西餐 #龍蝦 #紀念日 #牛扒 #熟成肉 #nearD好西

🥂高質精緻Omakase🍽 #悲傷小姐愛日餐 #悲傷小姐出沒尖沙咀 ——————————————— 呢間餐廳全名係「寿司を食って、蕎麦で〆る。日本酒もある、長い名前のレストラン。」,意思係「食完壽司後以蕎麥麵作結,還有日本酒提供,店名很長的餐廳。」🇯🇵多款食材由日本直送,加入創意料理方式。今次試咗最新菜單<献立>,$1480盡享🔟道菜式。 💗鯛魚酒盗最中餅 香脆嘅最中餅放入醃漬半年嘅魚腸同幼滑嘅忌廉芝士,味道咸香滿溢,非常開胃🧀 💗刺身~貝 岩手縣米崎蠔雪白飽滿,食落新鮮爽滑,完全唔腥🦪 💗刺身~魚 九州真錭:肉質爽彈,魚味清淡,加入少量脆卜卜嘅烏魚子🐟 千葉縣金目調:肉質爽口,輕輕火炙魚皮迫出油份更香口🐠 飛魚:肉質結實有咬口,魚味適中🦈 💗鮑魚茶漬飯配香海苔 以茶味香濃嘅靜岡抹茶打成泡泡置於櫻花蝦飯面🍵加入爽嫩嘅南非鮮鮑片、鹿兒島海苔同芝麻,再淋上清甜嘅鰹魚湯🫖另配陣陣柚子香嘅自家製醃漬白蘿蔔,感覺清爽 💗時令壽司 四貫 愛知縣象拔蚌壽司:口感爽脆鮮嫩,味道鮮甜🐚 愛知縣蜜柑鯖魚壽司:肉質軟熟,魚味突出。由於以蜜柑飼料餵飼,帶超微果香🍊 蒜頭醬漬火炙右口魚邊: 食落入口溶化,帶脂厚油香🔥 大拖羅壽司:肉質肥美細膩,油脂香四溢🍣 💗究極海膽 放上一整行北海道浜中海膽,色澤鮮艷,質感軟滑綿密,味道甘甜🟠 💗豪快~和牛粒 熊本A4和牛粒油脂分佈均勻,肉質粉嫩鬆化,肉味香濃🐂配上廣島蠔乾、忌廉芝士同最中餅🍘口感非常豐富。沾醬分別有山椒汁同加入沙甸魚磨成嘅黃芥末 💗藏味噌漬龍蝦配龍蝦蛋黃醬 龍蝦肉質厚身爽牙,以藏味噌醃製,再點上甘香嘅龍蝦膏蛋黃醬🦞另配菠蘿乾同沙甸魚乾,底下嘅水耕菜沙律中和整體極濃郁嘅味道🥗 💗十割蕎麥麵 京都蕎麥麵100%以蕎麥粉製造,口感特別煙韌有嚼勁🥢蕎麥汁以魚仔乾、蟹仔乾同蝦仔乾熬製,可加入wasabi、蔥花同青檸汁一齊食,味道清爽鮮香🧊 💗是日甘味 甜品名為夜空,上層係松竹梅白壁藏「澪」氣泡清酒🍶下層加入蝶豆花同金箔。寒天口感Q彈,入口陣陣酒香同檸檬香,味道清新酸甜🍋 味道指數:😋😋😋😋😋 扺食指數:💲💲💲💲 環境指數:😍😍😍😍😍 💰人均消費:Above $800 📍SuSoShu  尖沙咀亞士厘道17-19號1樓 #hkfoodie #omakase #香港美食 #美食推薦 #吃貨 #相機食先 #日本菜 #壽司 #刺身 #食好西 #廚師發辦 #和牛 #拖羅 #尖沙咀美食 #海膽 #蕎麥麵 #龍蝦 #nearD好西

香港飲食好地方

香港飲食好地方

宜家食緊乜🍔

宜家食緊乜🍔

食食食

食食食

最強飲食情報

最強飲食情報

平靚正之生活日常用品/食品/餐廳

平靚正生活日常用品 上網就買到 Happy share Facebook 及IG 不定期有Giveaway 歡迎Follow, please🥰 FB:facebook.com/sukipeiyy IG:instagram.com/sukisukiy

平靚正之生活日常用品/食品/餐廳

DL

喜歡吃,喜歡交朋友🥳

38 Followers

1 Followings

219 feeds

DL

慢遊邊境

Hello

531 Followers

24 Followings

204 feeds

慢遊邊境

SukiSuki

最鍾意周圍去食美食,再分享比大家😊 IG:https://instagram.com/sukisukiy , FB:https://www.facebook.com/sukipeiyy/

1766 Followers

5 Followings

444 feeds

SukiSuki

Charlotte Yiu

https://instagram.com/miss_sorrow_foodie?igshid=8ycmc10wvp7b

469 Followers

2 Followings

58 feeds

Charlotte Yiu

尼古拉斯

36 Followers

85 Followings

8 feeds

尼古拉斯