同朋友去灣仔行街，係灣仔見到有間專食串燒嘅日式居酒屋店。店內裝修特別，環境舒適，樓上仲有雅座 炎熱嘅天氣，首先嗌咗兩杯飲品先，清涼透心嘅 [ 青檸梳打 $38 ] 及 友人愛飲嘅 [ Asahi 啤酒 $30 ] 爽呀；再叫咗碟送酒一流嘅 [ 雞泡魚乾 $88 ] 咬落鮮甜好味，再點埋啲沙律醬一齊食，真係一流；燒 [ 菠蘿 $28 ] 係開胃小食之一，燒菠蘿燒得焦香，味道酸甜 食串燒為主嘅店舖，當然要叫咗幾款唔同嘅串燒一齊食，先嚟就係 [ 香脆雞軟骨串 (2串) $38 ] 細細粒，口感咬落脆卜卜，兩串真係唔夠食；[ 香脆雞腎串 (2串) $36 ] 味道正，粒粒都好有咬口 [ 日本大蔥雞柳串 $28 ] 友人勁愛日本大蔥，食到讚口不絕，雞柳肉質嫩滑；[ 虎皮青椒 $20 ] 味道真係超辣，青椒外層燒得香脆； [ 秋葵 $18 ] 一串有4小支，無渣又好味，口感爽脆，味道微甜，健康好味；[ 芫荽豆腐皮 $22 ] 好大塊豆腐皮包住入面嘅肉碎同芫荽，口感特別，夠哂入味 一串有3舊嘅 [ 煙肉荔枝卷 $38 ] 脆卜卜嘅煙肉，包住甜到入心嘅荔枝，味道甜甜；[ 汁燒豚肉韭菜卷 $28 ] 一串有3舊，汁燒豚肉夠入味，韭菜爽口；大大隻 [ 燒虎蝦 $48 ] 蝦肉鮮甜彈牙，食一隻真係唔夠喉 勁大兜嘅 [ 香辣肉碎焗蛙蛙菜 $68 ] 超多肉碎舖哂係面，菜汁嘅水份好多，所以一啲都唔會乾，如果有碗飯，可以撈埋飯食；呢個 [ 麻辣川香肉碎茄子皇 $58 ] 肉碎及香蔥滿滿咁舖係茄子上，茄子肉好多，口感軟綿綿，又香又麻辣，真係辣得惹味 燒到外層金黃色嘅 [ 芝士年糕 $28 ] 特別之處係外層薄脆，內裡煙煙韌韌 (出面未食過咁好味)，熱辣辣好好味，好味到一人食兩舊；熱辣辣嘅 [ 鮮燒流浮山生蠔 (2隻起) $38 ] 滿滿嘅蒜蓉舖哂係生蠔面，味道鮮甜好味真係超正 木火堂 灣仔聖佛蘭士街12號地舖 #木火堂 #日本料理 #居酒屋 #串燒 #Asahi #灣仔美食 #香港美食 #相機食先 #hkfood #foodblogger #foodie #foodies #hkfoodies #hkfoodieblogger #hkfoodshare #foodporn #instafood #instalike #hkig #hkfoodporn #852hk #foodblog #bloggers #hkbloggers #bloggerlife #influenspace