見到呢個 POST，咁我又講下啦 // Flow coffee bar // 呢間我成日去，Henry 同 Jackson 份人幾好，坐吧枱真係可以笑足一日。 咖啡方面，佢哋有一個特色就係會定期轉豆單，啲客人就可以試下唔同地方出品，如果當期豆單有 LILO 我建議大家一定要試試！！ 如果你係識沖咖啡，仲可以同佢哋吹下咖啡經，上次我就係係呢度飲舊式河野流。 缺點係成日要排隊，最好12點就去。 #flow #flowcoffee #flowcoffeebar // PRESS THE BUTTON // 記得！記得！記得！ 去呢間想影相記得要問咗咖啡師先！！ 呢間上次試咗佢杯 SMOKE 手沖，陣煙燻味好出，但係又唔會有深烘嘅苦味，將酸感同甜感壓到最低，係煙燻充斥成個口之後，陣甘味慢慢出嚟。 如果鐘意飲深烘豆嘅人，真係要試下。 提返句，呢度冇得坐低飲，只做外賣。 #PRESSTHEBUTTON // Slash by day // Slash by day 同 Slash by night 係一舖兩用，朝早 COFFEE SHOP 放晚係酒吧。 先講 COFFEE SHOP，呢度最特別係虹吸式，上次同朋友嚟，朋友話 Ricky 係香港虹吸比賽冠軍。 飲過佢兩次佢杯虹吸式，真係唔差，因為虹吸式處理得唔好，香味同咖啡味會因為熱力流失晒，係落粉之後識唔識好好攪拌係一個技術嚟。 如果對虹吸式有興趣，強烈推荐。 Slash by night 由於限聚令暫時唔開，不過佢有個好特別嘅做法，就係只可以叫 SET，SET A 2 杯酒，SET B 3 杯酒，SET AB 都有小食。 RICKY 話呢個做法可以令大家唔會飲醉之餘，仲可以慢慢試真杯酒。不過佢本人建議大家叫 SET B，真係好多客反映 SET A 唔夠，但係又冇得後加。 #Slashbyday 其他嗰啲我試完再 UPDATE 大家！ neard.com/feeds/132803 #coffee #咖啡 #珈琲 #香港遊 #本地遊 #chill #lifestyle #深水埗 #大南街