今日同媽媽去食餃子🥟，呢間店舖有素餃子選擇，真係啱哂素食🥬人士，等佢地有多一個選擇。呢到嘅餃子真係好多唔同款式，仲有粉麵及小食 呢到嘅餃子🥟有 灼餃子、煎餃子，如果係食素餃子要灼餃嘅就無湯得餃子，如果揀湯餃子，就會跟狀元九鼎湯，真係都有好多款選擇 枱上仲有酸蘿蔔、辣椒🌶，食番幾粒酸酸蘿蔔，夠哂開胃，醃得好正好爽好入味 媽媽就揀咗兩款餃子 野生松茸素餃🥟 煎餃 7隻 $55 媽媽話勁好味，勁足料，粒粒松茸，鮮甜好味；因為係素餃，無豬肉在內，食到香濃松茸味，原汁原味，正 大滿貫素餃🥟 灼餃 7隻 $53 皮薄餡靚，皮薄到睇到哂裡面啲餡料，裡面夾住菇菌類🍄、菜苖🌱、瓜類等；成隻餃子滿滿餡料，勁足料有咬口 而我就揀咗 元貝豬肉餃🥟 煎餃 7隻 $48 一咬開會見到啖啖元貝絲，好香元貝味，夾埋金菇芹菜，好足料 日本龍鳳蛋🥚 2隻 $32 蛋上面放上黑白松露醬，又香又鮮甜，流心蛋仲好滑又好味 野味酸辣雲耳🌶 $25 酸酸辣辣又香又脆口，有紫洋蔥，份量都多架 熱蜂蜜檸檬薏米水🍋 杯裝 $20 x2 飲番杯暖粒粒嘅蜂蜜檸檬薏米水，暖胃得嚟又滋潤喉嚨，又唔甜，真係好好飲，粒粒薏米軟綿綿 我差唔多食完先發現😂媽媽食咗14隻餃子 + 一杯薏米水，之後媽媽話：14隻好多咩🤣🤣🤣 餃掂手工餃子雲吞專門店 西環士美非路12號文光閣地下C號舖 #餃掂 #餃子 #dumpling #素餃 #灼餃 #湯餃 #Vegetarian #foodblogger #hkfoodies #分享生活點滴 #香港本地遊 #neard好西
:background_color(white)/https://avatar-storage.neard.com/profile.40313.1637112971706.png)
:background_color(white)/https://avatar-storage.neard.com/fc5b56953c250428f87856616774b4ad.jpeg)
:background_color(white)/https://avatar-storage.neard.com/a3d5c4f3897e51b073d3b1d08ab78f78.jpeg)