#香香食好西 新界牛出城之銅鑼灣高價品嘗不腥不潺不溶彈牙花膠專門店🧏🏻‍♀️ ⚜️ 入座首要當然係開茶，是日心水係香片。 其一喜愛佢嘅清香，其次係見餐牌上寫有美容養顏清腸之效，正好配合返本日養顏養身嘅主題。 水晶花膠凍 $128 以花膠入饌，晶凝通透，從外就能見到內層滿滿嘅花膠，口感如桂花糕般爽滑彈牙。 單吃能品嘗到花膠原有嘅鮮味，鮮美獨特而又不腥。 旁邊有同樣製成絲狀凝膠嘅喼汁，便於調節份量，酸而不濃嘅調味增令鮮甜進一步提升。 🍖美味牛肝菌牛肋骨 $288 牛肋骨擺碟精美，起得乾淨俐落嘅主骨放於一邊，充滿原汁原味。 醬汁濃厚鮮甜，略帶微酸，惹味不膩；肉質鬆軟入味，依附於肉間嘅脂肪軟嫩黏滑，配上爽口嘅牛肝菌，簡單嘅食材帶出豐富滋味。 #食在銅鑼灣 #麒藝館

#香香食好西 #是日晚餐 灣仔區屹立十幾年抵食 #雅苑 #鋸扒 🍽 估佢唔到$68有兩大塊手掌大小✋🏻 同一般茶記扒餐一樣有燒汁雞、黑椒牛同洋蔥豬選擇，醬汁預設咗，點餐後5分鐘jarjar聲上枱～係久違嘅茶記鐵板風味。 肉質鮮嫩，唔乾身，無咩筋，唔係落鬆肉粉口感，厚薄適中，以價錢嚟講性價比高👍🏻 薯條係粗薯，口感香脆，略油，不過要好食就唔好諗健康啦🤣 包餐飲，+$15有羅宋湯，味道係蕃茄天然酸味，唔係茄膏假甜，挑剔位係肉味同黑椒香略嫌欠奉～ 姐姐幾好吹，食到陣人情味🤪 #食在銅鑼灣 #食在灣仔 #雅苑餐廳

#香香食好西 #nearD好西 #食在銅鑼灣 #GreyhoundCafe Greyhound係我嘅長年食堂，平日多數去開中環，室內外参半，而銅鑼灣分店就偏向隱密啲，無咁開揚。 餐廳經營泰菜，又混雜些許他國風味。 近排晚市推出咗海鮮menu，前菜小食主菜甜品餐飲一條龍，飽肚之餘又唔會太滯。 🥗香煎帶子沙律 配蜜糖黑醋汁 $158 沙律菜份量不大，但海鮮都算足料； 四隻柑仔大小嘅帶子煎得微焦，口感爽彈飽滿，醋汁酸中帶甜，提味開胃。 炸魚配青芒果沙律 $158 炸魚乾身香口，入口近似港式燻魚，魚油早已滲出，雖然以油炸方式烹製但完全食唔出； 青芒果偏少，調味則用上甜醋、指天椒增添辣香，但嫌醋酸蓋過木瓜清新嘅原味。 🥙 啖啖蟹肉黃咖哩虎蝦配印度薄餅 $228 虎蝦六隻、蟹肉就兩湯匙⋯⋯🤪 黃咖哩濃郁香甜，非常惹味，送飯送麵送咩皆宜，碟頭好大，每個位都’不‘到蟹肉絲，真正啖啖蟹肉。 薄餅鬆香軟韌，蘸上咖哩更加香口，兩者搭配絕對係prefect match。 🍜 和牛金麵 $158 原來係蛋麵配咖哩湯底。 呢道菜嘅黃咖哩相對更濃稠，掛於軟硬適中嘅麵條上，每啖都食到原料獨有嘅香味。 和牛塊相當足料，食到底先知有十幾粒，不過口感略韌，同日本和牛口感差距甚遠。 ☕️ 泰式咖啡 $42 有驚喜，苦甜比例七三，味道有少少似華田，又唔會太甜膩。 🍨 椰子奶昔 $58 面頭有片片椰肉，入口creamy、椰香重，嗜甜人士必點～ 🍰 泰式奶茶千層蛋糕 $78 怕你唔夠解饞，隨蛋糕仲伴上奶茶醬😚 麵皮纖薄均一，層次豐富，奶油甜度適中，反 而奶茶味唔突出，要配醬食先食得出，有啲言過其實。

光榮冰室真係好過份 層蛋咁厚加埋凍飲先$50😡 #黃店 #黃色經濟圈 #是日晚餐 #光榮冰室 #銅鑼灣黃店 #食在銅鑼灣 #neard好西 #疫轉人生 #留家抗疫

WEDNESDAY MAMADAY~ 一直人氣高企嘅餐廳 裝修好特別 係玩味十足嘅美式風格😍 食物都係唔錯的🙆🏻‍♀️🙆🏻‍♀️ #黃店 #黃色經濟圈 #銅鑼灣黃店 #食在銅鑼灣 #銅鑼灣美食 #nearD好西 #Mamaday

#香香食好西 #nearD好西 #食在銅鑼灣 自從加入OL行列，每逢週五都習慣推卻一切交際，獨身一人飽餐一頓，犒賞呢星期嘅努力，同時享受真正屬於自己嘅時光。 雖然唔係真正OMAKASE格調，更似一般民營壽司店。 但食物質素絕對對得上價錢，晚市幾舊水去邊搵🤷‍♀️ 極上壽司拼盤 $250 先由淡味魚類食起，左口魚經火灸後逼出魚脂，入口即化，豐盈嘅油脂充斥整個口腔，絕對係今餐嘅MVP。 滿滿海膽比飯更多，非常足料，味道鮮甜不苦。 深海池魚味淡肉厚，口感獨特，爽脆中又有幾分柔嫩，令人一試難忘。 三文魚籽圓潤汁多，一咬開，內裡嘅汁液傾瀉而出，甘甜鮮美，絲毫不腥。 蔥同吞拿魚腩絕對係天作之合。 先讚揚師傅刀工，剁得極之細膩，令魚肉更嫩滑，亦令魚香擴散得更佳更濃厚👍🏻 📍 雲壽司 (聯成商業中心) (銅鑼灣) 銅鑼灣謝斐道506-508號聯成商業中心地下B號舖

#香香食好西 #食在銅鑼灣 #nearD好西 蠔癮又起，居然有間有生蠔任食嘅放題，拿拿聲book個位食餐勁🥴 +$118就可以升級任食海膽帶子同法國生蠔，法國蠔雖然體型偏瘦削，但海水味夠濃，唔洗加調味料都夠味。 個人更愛海膽帶子，爽甜嘅帶子開半，笑口中夾住軟滑鮮甜嘅海膽，忍唔住一口氣食咗幾粒🤤 難得呢個價位食到無苦味嘅海膽👍🏻 壽司選擇多不勝數，軍艦壽司卷物手卷幾乎想像到嘅配搭都有，剩係花之戀都有五款😲 好似呢款龍蝦沙律花之戀，面頭以龍蝦仔拌沙律醬代替往常嘅蟹籽，真係食到一隻隻嘅龍蝦仔🍤 呢間係中泰日fusion，飛天通菜、炒淮山、翠肉瓜牛柳粒，炒野夠火候，係略嫌油同濃味咗啲啲。 冷盤必點嘅拌海蜇同麻辣牛脷，前者甜辣口，非常爽身彈牙；後者稔軟香口，兩碟都相當惹味。 📍 瀛豐放題料理專門店 (銅鑼灣) 銅鑼灣駱克道491-499號京都廣場10樓

#香香食好西 #食在銅鑼灣 #nearD好西 蠔癮又起，居然有間有生蠔任食嘅放題，拿拿聲book個位食餐勁🥴 +$118就可以升級任食海膽帶子同法國生蠔，法國蠔雖然體型偏瘦削，但海水味夠濃，唔洗加調味料都夠味。 個人更愛海膽帶子，爽甜嘅帶子開半，笑口中夾住軟滑鮮甜嘅海膽，忍唔住一口氣食咗幾粒🤤 難得呢個價位食到無苦味嘅海膽👍🏻 壽司選擇多不勝數，軍艦壽司卷物手卷幾乎想像到嘅配搭都有，剩係花之戀都有五款😲 好似呢款龍蝦沙律花之戀，面頭以龍蝦仔拌沙律醬代替往常嘅蟹籽，真係食到一隻隻嘅龍蝦仔🍤 呢間係中泰日fusion，飛天通菜、炒淮山、翠肉瓜牛柳粒，炒野夠火候，係略嫌油同濃味咗啲啲。 冷盤必點嘅拌海蜇同麻辣牛脷，前者甜辣口，非常爽身彈牙；後者稔軟香口，兩碟都相當惹味。 📍 瀛豐放題料理專門店 (銅鑼灣) 銅鑼灣駱克道491-499號京都廣場10樓