#香香食好西 #是日晚餐 灣仔區屹立十幾年抵食 #雅苑 #鋸扒 🍽 估佢唔到$68有兩大塊手掌大小✋🏻 同一般茶記扒餐一樣有燒汁雞、黑椒牛同洋蔥豬選擇，醬汁預設咗，點餐後5分鐘jarjar聲上枱～係久違嘅茶記鐵板風味。 肉質鮮嫩，唔乾身，無咩筋，唔係落鬆肉粉口感，厚薄適中，以價錢嚟講性價比高👍🏻 薯條係粗薯，口感香脆，略油，不過要好食就唔好諗健康啦🤣 包餐飲，+$15有羅宋湯，味道係蕃茄天然酸味，唔係茄膏假甜，挑剔位係肉味同黑椒香略嫌欠奉～ 姐姐幾好吹，食到陣人情味🤪 #食在銅鑼灣 #食在灣仔 #雅苑餐廳

#香香食好西 #nearD好西 #食在灣仔 香港扒房多如星宿，但精於一味嘅少之又少。 La Moo Moo係朋友介紹下得知，開初只供應招牌USDA 1855 Prime 黑安格斯肉眼扒套餐，沙律、餐包、free flow fries都精心安排好，保證客人感飽足而回。 雖然後期加添sandwich、burger等選擇，但嚟嘅顧客大多都仍鍾於舊愛、獨點一味。 欣賞套餐中所有食物都以清淡為主，可以品嚐到食材嘅天然鮮味，餐桌旁放置上調味料，可自行斟酌調味。 Garden Fresh Romaine Salad 🥗 羅馬生菜切成一口大小，方便食用； 一咬已感受到餐牌上描述嘅“garden fresh”，爽甜多汁，不需多餘調味已夠清甜。 Home-made Bread Roll 🥯 麵包口感鬆軟，內側預先烘至金黃香脆； 配上餐廳特製嘅肉桂牛油，肉桂香隨微溫散發，分不清源於小麥定牛油，只嚐到淡淡甜香。 店員服務周到，會留意桌上食物是否享用完畢，每收走一樣先再奉上下道菜餚。 La Moo Moo’s signature steak ($298)🥩 8oz肉眼相當有份量，脂肪筋膜略多，肉質實而不韌。表面焦脆，灑上鹽巴煎香，略嫌蓋過肉香。 餐廳另外提供洋蔥汁、黑椒汁以及紅椒汁，個人推薦紅椒汁，蕃茄嘅酸甜濃郁，又夾雜住輕嘅Tabasco香辣味； 但牛扒本身嘅調味已經好足夠，建議用以薯條蘸配，比茄汁搭配更佳。 Order嘅blue rare無overcook，口感未至於鬆軟但足夠鮮嫩，無雪藏或鬆肉粉味。 薯條亦有驚喜，雖比較幼身，但識落真係有薯味，而且非常香脆，攤涼後口感依舊。 以環境、服務、食物質素而言值得一試。 📍La Moo Moo' s Steak and Fries (灣仔) 灣仔軒尼詩道239號18樓