#香香食好西 小妹孤陋寡聞，淨係見過方便裝，親眼目睹先知原來實體店都開埋🌝決定一試，睇吓人地煮嘅係咪香啲好味啲～ ⚜️ 滷牛筋 $42 外觀晶凝剔透，如想像般稔軟彈滑，口感充滿膠質，滷水汁偏甜不濃鹹，正合我口味。 豆乳香香雞 $52 鹽酥雞配上腐乳醬，有助袪除炸物油膩感； 外層炸得薄而鬆脆，調味啱啱好，無豪大大咁鹹，入口雞味更突出，選用雞柳部位，瘦而結實有口感。 西紅柿雞蛋拌關廟麵 $52 第一次試蕃茄蛋撈麵，無諗過又幾開胃； 但蕃茄蛋同其他台灣菜一樣偏甜，食落有啲膩，蕃茄多啲會更有口感。 ✅餐廳支援人手或電子下單，喺近期疫情下保持距離更令人安心堂食。 ✳️關廟麵質感粗厚，略硬同帶粉感。 ✳️黑糖鮮奶茶茶底淡，勝在黑糖夠香搭救。 #食在荃灣 #老媽拌麵

#香香食好西 嗜辣癮起，無奈封關原因無得北上，見呢間川菜店名打正「麻辣」旗號，食辣pro當然要試試佢😋 ⚜️ 🐮京蔥牛肉 $88 推薦🌟 鑊氣夠，辣中帶甜，又帶些許麻香，好惹味； 牛肉大塊新鮮，入口充滿鮮牛肉獨有嘅羶香，配合爽脆又索晒肉汁嘅京蔥，呢個組合可以送幾碗飯。 干煸四季豆 $78 難得四季豆依然保持到翠綠爽嫩，唔似坊間有啲炒得又霉又老身。 肉末伴菜莆先經油炸，食起嚟更香口。 🐔辣子雞 $98 賣相夠大堆頭，辣椒超多，未食先聞到辣味； 加入炸過嘅薑片伴炒，口感特別，似牛蒡但又有薑嘅辛辣。 先炸香再翻兜，令雞件香口又保留到油汁，美中不足係size偏細件同調味少鹹。 ✅小菜價錢合理，辣度有小/中/大辣可選擇，比較人性化。 ✅店家自調辣椒醬，味道香辣而帶椒香，又有xo醬嘅鮮味。 ✅上菜速度幾快，所有菜餚即叫即製，上枱仍然充滿獲氣。 👉🏻小辣為普通人都可接受嘅水平，自問食得辣嘅人可以揀大辣。 #食在荃灣 #麻辣風雲

#香香食好西 一直以來齋菜喺我腦海裡只局限於甜酸咖喱齋叉燒齋鵝芋頭魚等食物，近年大趨健康素食文化，素菜亦推陳出新增添咗唔少新式料理。 以粉紅為主色嘅空間充滿少女心，驟眼睇以為係主打英式下午茶嘅cafe，但實則係一間提供多國料理嘅素食餐廳。 到達餐廳時已係下午3點鐘，仍有午餐套餐供應，價錢由$58至$88不等，包有冷熱餐飲，加$10可轉full set配前菜及餐湯。 ⚜️ 印度椰子花生雪耳湯（套餐+$10） 加入椰子、粟米、紅蘿蔔取替肉類，煲出嚟嘅湯水既清甜又無油膩感； 加上花生、紅腰豆、黃豆、南北杏、眉豆多種豆類，口感豐富又高纖健康👍🏻👍🏻👍🏻 🥗西瓜哈密瓜藜麥黑醋沙律 中湯搭沙律呢個搭配感覺有啲奇特🌝同瓜果配黑醋沙律一樣，兩者好似唔多關事咁。 但同時食用，微酸嘅黑醋反而突顯咗哈蜜瓜嘅香甜。 🌯牛油果蕃茄未來牛肉墨西哥卷餅配紅菜頭蘋果藜麥沙律及香脆薯角 $88 估唔到素菜都有我最愛嘅wrap，餅皮烘成金黄，外脆內軟韌，入口帶微弱清草香。 餡料豐富飽滿，一咬即時品嚐到牛油果同素芝士嘅軟滑細膩、蕃茄嘅稔軟酸甜、唐生菜嘅爽脆清新，加上幾可亂真嘅未來肉，素食都可以食出100%牛肉漢堡啲口感🤤 是日第二兜沙律🥗 個人口味比較鍾意呢款，沙律菜靠紅菜頭同蘋果嘅原味達致酸甜平衡，原汁原味感覺特別健康。 價錢定位以荃灣區而言偏高，但外食族鮮少有機會食菜，難得午餐能夠食得有營健康，俾貴少少都值得。 #食在荃灣 #天悠蔬食

#香香食好西 #nearD好西 無諗過香港有性價比咁高嘅居酒屋，相信疫情解封前佢會係我解饞醫思鄉病嘅頭號選擇🙈🙈🙈 ⚜️ 推薦🌟 🧀芝士玉子燒 $78 質感濕潤鮮嫩，貼近到日本加咗高湯嘅口感，但正因想營造呢種口感，所以夾起嚟比較易散； 裡面芝心滿滿，每啖同時食到蛋奶香，滿足度100%😍😍😍 🍤秋葵海膽天婦羅 $88 兩樣食材同樣軟糯嘅質感相配，炸得鬆脆不油； 店員教將白蘿蔔蓉加入天婦羅汁食用，好有驚喜，蘿蔔嘅辛辣感令醬汁更惹味消滯。 🍅燒煙肉車厘茄串（1本） $18 外層薄片煙肉難得唔鹹，烤得非常香脆，包裹新鮮多汁嘅車厘茄，一咬落去鮮嫩爆汁，充斥整個口腔。 🍢酸汁香蔥牛肉串（2本） $68 牛肉肉質鬆軟，調味恰到好處，酸酸甜甜，無平常伴酒菜咁濃味，反而食得到肉自帶嘅原汁原味。 上頭鋪上滿滿蘿蔔蓉同蔥花，帶些微辛辣感，令牛肉更香口，同時起到解膩嘅作用。 🐥汁燒雞肉串（2本） $38 皮脆肉嫩，塗上香甜嘅照燒汁特別惹味，最重要食起嚟無油膩感，相信燒製過程中逼走咗啲雞油，好清爽🤤 - 🥗胡麻蕃茄豆腐沙律 $58 都係平時食開嘅味道，蕃茄新鮮多汁，佐以嫩豆腐同胡麻醬，作為前菜輕盈又健康。 🍱極上壽司定食 配手打烏冬 $118 份量非常豐富，正常食量女仔可以一份兩人share食； 茶碗蒸帶濃郁鰹魚風味，令蛋液更鮮美。 🍣壽司肉多過飯，刺身可以完全蓋過飯團；其中海膽壽司特別出色，味道鮮甜，唔苦👍🏻 ✅穿過敞門猶如置身異國，橫樑高掛嘅旗幟、牆身剪報、每日鮮食推介嘅水牌，帶有濃厚風土味。 ✅仿效和席形式，每張櫈上都有個軟熟嘅蒲團，坐落好舒服。 #食在荃灣 #花居酒屋

#香香食好西 HeSheEat一向主張食物款式多、價格相宜又無用餐時間限制，係唔少人心目中可以舒舒服坐低飲杯嘢嘅消遣好去處。 特別係綠楊坊地下分店，以粉紅色為主色充滿少女心🥰🥰 ⚜️ 🦴單骨蜜糖芥末雞翼 $55 雞翼預先剪成單骨，容易食用； 經油炸成香脆，口感略乾，勝在表層淋上惹味香甜嘅蜜糖芥末，增添風味同時減輕熱氣感。 🍤蒜香辣椒蕃茄大蝦配蒜蓉包 $58 蕃茄醬中充滿大茄粒，口感佳，茄味更濃厚；加入蒜粒令整體蒜香提升。 四隻大蝦配四塊蒜蓉包，麵包片非常鬆脆👍🏻👍🏻 🐥牛油香草燒春雞 配日式薯仔沙律 $118 燒春雞原隻奉上，份量充足。 雞皮灑上香草燒至金黃，口味清淡，更能品嘗到雞肉嘅原味😋肉質鮮嫩不肥，無咩脂肪，夠哂健康； 伴碟醬汁味道有啲似蒸海鮮嘅蒜蓉醬油，甜甜地。 🍔三重芝士大蘑菇黑松露牛肉漢堡 配田園沙律 $95 牛肉漢堡厚身紮實，食出瘦牛肉口感，無混其他材料，肉味突出； 加入足料芝士，用上車打芝士，鹹香十足，反而未覺有黑松露味。 紫薯鮮奶latte $38 紫薯香奶香兩者並重，入口滑順，同鮮忌廉攪勻變得厚重，反而變咗milkshake嘅質感😳 一杯嘢飲兩種口感，幾有趣。 #食在荃灣 #HeSheEat

#香香食好西 ✅每人可揀一款茶包，濃淡紅白青茶隨個人口味。 ✅胎菊味道清香淡口，雖然菊花香無想像中濃烈，但清而不澀嘅特性幾適合食油膩食物同炎夏飲用。 🍱午市客飯套餐 - 四川雞柳炒年糕 $68 包兩款前菜，翠肉瓜爽脆帶麻油香，木耳爽口醒胃。 上海年糕比較黏口痴牙，未必迎合到港人口味； 夠色水，豉椒味偏淡，略嫌唔夠鑊氣，雖然加咗辣椒但味道唔出，唔夠濃香惹味。 🍐甘荀蘋果雪梨茶（跟餐） 雪梨茶味道，應該加咗糖去煲，味道偏甜。 🌯芝士粟米肉鬆卷餅（跟餐+$20） 鹹甜兼備、沙律醬落足料夠香口，但搵唔到芝士，外皮煎得偏油，建議蘸點伴碟芥末沙律醬平衡返。 🍖川汁醬燒熏蹄 $62 上海菜必吃，豬蹄切成薄片平均，晶凝Q彈，膠質豐腴煙韌； 加入四川特色，以陳醋調味，酸酸甜甜，越食越開胃。 🍲蓮藕雪梨栗子燉雲吞雞湯 $138 雲吞另上，唔怕喺湯裡面浸得太耐，糊哂散哂； 雲吞皮薄餡足，肉餡菜肉比例四六，味道淡口，唔會搶過湯水風頭。 雞湯落咗半隻鮮雞，鮮雞皮肉分明，無多餘脂肪； 經長時間熬煮，精華全部融入湯水中，油香豐足，雞肉鮮嫩、一夾離骨。 雞湯入口清甜，雪梨同粟米嘅原味道突出，唔係街外味精湯，感覺每一口都係滋潤。湯料豐富，除雞外仲落咗瘦肉、雞腳，多咗不同肉類吊味，難怪個湯咁甜👍🏻👍🏻👍🏻 #食在荃灣 #龍門一番上海紫砂燉湯

#香香食好西 #nearD好西 自從去過一次老媽拌麵堂食，先知方便麵都可以食得講究。 朋友勁疑惑點解出街都要食頹麵🤣🤪但其實人地煮嘅味道同加埋餸食完全係兩回事。 ⚜️ 百香國寶茶 $33 南非博士茶底，無咖啡因，味道近似綠茶般清香； 混和百香果與及鳳梨汁，增添些許酸甜，令整杯飲料更清新消暑。 滷牛腱 $42 滷水汁一如以往醬油味濃而不鹹，筋腱厚切大片，咬落厚身帶韌勁。 炸雞扒 $46 夠大件，以台灣地道鹽酥方法炸香、逼出油脂，皮薄金黃，入口不油但又肉嫩肥美。 清湯半筋半肉牛肉麵 $78 均有川味或清燉兩款選擇，有辣有唔辣。 清湯非常清甜，相信加咗牛骨去熬，同調味粉溝出嚟嘅味道完全不同； 牛腱配清湯比滷水更能食到原身嘅肉香，牛筋嫩滑Q彈，兩者同樣出色。 地獄麻辣牛肉拌麵 $72 份量十足，牛柳片有六七大片，溏心蛋好嫩、有蛋香，加分🤪 醬料加咗辣椒同豆瓣醬，辣中帶麻，辣度大概同譚仔小辣差唔多，味道偏鹹。 粗麵煮得恰到好處，柔韌有勁，用作拌麵口感更佳。 #食在荃灣 #老媽拌麵

成日心思思想食呢間人氣高企黃店🙈 超正麻酸辣米線😍 酥炸鯪魚、清湯豬潤牛肉銀針粉、吉列豬扒同蝦膠豆卜樣樣都咁正😍 #老闆娘雲南米線 #香車街街市 #黃色經濟圈 #黃店 #nearD好西 #荃灣黃店 #荃灣 #食在荃灣

有牛肉飯食啦😋😋😋😋 #荃灣 #路德圍 #牛肉飯 #加藤屋 #食在荃灣 #荃灣美食

可以坐係bar枱望出面 感覺冇咁近其他人仲安心食 黃金蟹肉意大利粉同凱薩新鮮沙律配煙三文魚都好正😍 果然係明不虛傳既人氣西餐👍🏻👍🏻 不過係幾日前食，依家已經冇了😭 #黃店 #黃色經濟圈 #食在荃灣 #荃灣美食 #nearD好西 #荃灣黃店