素湯推介

Feeds

首先多謝群主奶奶開咗呢個 "素人素食" 群組, 我自己間中都煲素湯, 希望同大家推介下素湯食譜啦 😊 ［廚房娘素湯 1 - 祛濕蘋果素湯 (四人份)］預備時間：1.5小時材料: 1) 蘋果2個 2) 西芹半斤 3) 洋蔥1個 4) 番茄2個 5) 白背木耳2朵 6) 無花果2枚做法： 1) 將材料洗淨，白背木耳室溫水浸半日。 2) 蘋果去皮切芯、西芹切段、洋蔥剝皮切塊、蕃茄切塊。 3) 將所有材料以約2000毫升水用大火煲滾，然後以細火再煲45分鐘。 4) 加鹽調味，即可。煲完湯記住食哂所有材料呀！ #素食 #vegan #素菜 #nearD好西 #TGIF #素湯推介

［廚房娘素湯 2 - 合掌瓜栗子素湯 (四人份)］預備時間：1.5小時材料： 1) 合掌瓜 2個 2) 栗子約12粒 3) 紅蘿蔔 2條 4) 粟米 2條 5) 蜜棗2粒做法： 1) 合掌瓜及紅蘿蔔去皮，切小塊；粟子去衣、去鬚，切件，洗淨。 2) 栗子浸熱水去衣，洗淨；蜜棗泡水，瀝乾。 3) 將所有材料以約2,000毫升水用大火煲滾，然後以細火再煲45分鐘，熄火，焗約30分鐘。 4) 加鹽調味，即可。栗子去衣小秘訣： 1) 先用刀係栗子殼上面鎅十字。 2) 煲滾水放入栗子滾10分鐘撈起。 3) 撈起栗子沖凍水1分鐘。 3) 然後盡快去殼去衣。 #素食 #vegan #素菜 #nearD好西 #TGIF #素湯推介

［廚房娘素湯 3 - 紅菜頭紅蘿蔔粟米淮山杞子素湯 (四人份)］紅菜頭係女人補血恩物，它含有強效的染色體「Beta花青素」，含有豐富的抗氧化物，補肝膽之餘，被認定為抗癌能手，有研究指出這個營養素能有效減低發炎及保護心臟。材料： 1) 紅菜頭 2個 2) 紅蘿蔔 1條 3) 粟米 2條 4) 杞子適量 5) 乾淮山片5-6片（或鮮淮山1條）做法： 1) 將所有材料去皮、洗淨及切塊 2) 將所有材料 (除粟米) 以約2,000毫升水用大火煲滾，然後以細火煲1小時，加入粟米再煲半小時。 3) 加鹽調味，即可。紅菜頭處理小秘訣：紅菜頭刨皮時候要小心，由於紅菜頭汁帶鹼性，所以雙手在處理過程中沾上的紅色汁液不易洗去，建議刨皮前先帶手套處理。 #素食 #vegan #素菜 #nearD好西 #素湯推介

栗子腰果煲牛蒡 [2人份] 預備時間：2.5小時材料：腰果 2 両栗子半磅馬蹄半磅新鮮淮山 1條甘筍 2 個牛蒡 2 條粟米 2 條陳皮 1 個做法：做法： 1. 陳皮用清水浸軟，刮瓤；腰果用熱水汆2分鐘 2. 將栗子烚約十分鐘，剝殼，然後用濕布包着栗子，容易剝皮 3. 牛蒡和淮山分別去皮，切段。牛蒡和淮山未用時放入鹽水，避免氧化變黑 4. 甘筍去皮切件；粟米切件 5. 馬蹄切去頭尾，放入鹽水，避免氧化變黑 6. 將所有材料以約2,000毫升水用大火煲滾15分鐘，然後以細火再煲1.5小時。 #素食 #vegan #素菜 #neard好西 #素湯推介 #秋天 #湯水 #廿四節氣

初秋健脾養生湯蓮子百合淮山湯(二人份量) 1.鮮淮山 1條 2.蓮子(去芯) 20克 3.鮮百合20克 4. 鹽少許 5. 水滾後慢火煲40分鐘即可 #素食 #vegan #素菜 #素湯推介 source: Watsons

Day 8_ 煮食日記最愛的蕃茄薯仔湯，加咗木耳俾媽咪食🤭 #neard好西 #奶奶好煮意 #分享生活點滴 #好煮意 #煮食日記 #日記 #健康日記 #湯 #素食 #素湯推介

Day 9_ 煮食日記每次煮出嚟都唔同樣既麻辣豆腐，炒到無哂汁既生菜😛 #neard好西 #奶奶好煮意 #分享生活點滴 #好煮意 #煮食日記 #日記 #健康日記 #湯 #素食 #素湯推介

Groups

素人素食

奶奶我中意食下素，大家一齊嚟分享下素食啦!

素人素食

Profiles

奶奶

19 Followers

2 Followings

222 feeds

廚房娘

1 Followers

5 Followings

19 feeds