#香香食好西龍門一番新店進駐屯門，少數一人一茶嘅上海菜💁🏻‍♀️💁🏻‍♀️ ...

#香香食好西龍門一番新店進駐屯門，少數一人一茶嘅上海菜💁🏻‍♀️💁🏻‍♀️ ⚜️ ✅小茶壺一次沖一杯，維持茶温又能確保茶味濃郁。胎菊清香解膩，人蔘烏龍濃郁但略嫌甘味不足。 🍆涼拌茄子塔 $48 茄子料理通常用大量油去煮，呢道涼拌茄子以水煮加簡單醬油調味，口感稔軟而不失爽嫩。 🐥宮保雞丁 $72 以腰果、雞粒爆香，爽脆香口，作為解饞小菜最適合不過。加上大量辣油拌炒，增添些微香辣，入口更惹味但整體偏油膩。 🐐古法燒烤羊腩 $158 冬日暖身小菜✨表面燒得薄身香脆，同腩肉鮮明嘅油嫩口感形成強烈對比。蘸上芥末、薄荷醬、叉燒醬各有風味，芥末辛辣香口，薄荷醬清香甘甜，叉燒醬鹹香十足。同樣起到提味作用，又平衡返肉類嘅油膩感👍🏻 #食在屯門 #龍門一番

#香香試伏 #防疫期無啖好食之 #是日午餐質素對唔上價錢醬汁配唔到食材😖 🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️ 午餐偏愛西餐，感覺食物比茶記輕盈無咁飽滯。 Lunch set 有沙律意粉扒餐選擇，$158-258包餐湯，餐飲要另嗌，價位偏高。是日為蕃茄忌廉湯，口感厚身稠密，茄膏味好重，無鮮茄嘅清新，味道偏酸。黑麥包鬆軟，灑上松露茸，入口帶松露香，頗為驚喜，可惜鹽加得太多，整體偏鹹，淹沒咗原本嘅麥香。鯰魚扒有兩塊，魚皮煎得香脆，但偏乾略腥；旁邊橙色醬汁近似美式燒烤醬，幾惹味，但同魚肉唔算太夾；另一種醬汁估計加咗羅勒，無咩味。沙律墊喺魚身下，菜吸收魚油後更稔身香口，醬汁反而同蔬菜更相配；水波蛋鹽落手太重，蛋白好鹹，勝在火喉恰到好處，蛋黃嘅流心爆汁口感扳回不少分數。咖啡豆果香偏重，入口偏酸，無烘焙香，唔啱我口味。環境尚算舒適，但呢個價錢對應呢個質素，應該無第三次。 🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️ #食在九龍城 #cafeceres

#香香食好西 #nearD好西 HaagenDazs又出咗新嘢😳😳 呢次個哈密瓜雪糕味fresh得嚟唔會死甜，仲有啖啖果肉，幾有咬口，無伏🤫

#香香食好西 #防疫期無啖好食之 #是日午餐 #酸菜魚 🍲 落雨濕濕濕氣重，最啱食酸辣袪濕💁🏻‍♀️ size分咗大中細，分別係$50、$80、$110，比市價平唔少，本來擔心會唔會俾得好少，但無諗過嗌細都幾足料👍🏻 一打開表面鋪滿魚片，至少有十幾片，大小同塊salami差唔多；魚肉滑嫩，夾起略嫌易爛，無筋性，有些微細刺但可以咬碎。底下只有大豆芽、酸菜、青瓜片三種配料，令湯底帶充分鹹酸，湯水呈米白色，口感厚滑，但魚味唔夠濃郁；嗌咗最重嘅大辣，用嘅係黃色嘅小辣椒，都係食唔到有辣味🥺🥺 #食在元朗 #nearD好西 #雲來 #新北江

Related Feeds

香香食好西🥂

香香 Catherine

NL

吳浩麟

Anthony Moneymaker

Sea

China

Hong Kong

New Territories

Tai Po District

To Kwa Peng

Wan Tsai