#香香食好西 屯門人有口福啦🤩 雅都商場裝修後變成新淨企理，門口電動樓梯直上就係food court。行到盡頭有幾間堂食餐廳，當中包括呢間壁畫擺設都以泰國象作主題元素既價錢貼地泰菜。 ⚜️ 🍢串燒沙嗲（半打）$88 有雞、豬兩款，肉質鬆軟不柴不乾。 前者飽滿軟嫩，後者結實、有咬口，配上花生味濃郁既沙嗲醬，非常香口。 🥗酸辣鳳爪沙律 $68 份量十足，混入芹菜、洋蔥、蕃茄，灑上泰式魚露酸醋，酸辣兼容，提味醒胃。 鳳爪無骨易食，口感爽脆，令人禁不住吃過不停。 🥠小份小食拼盤 $108 份量足夠二至四人享用，包括串燒、蝦餅、春卷同雞翼各二。 春卷餡料豐富，有切絲木耳、椰菜、紅蘿蔔同馬鈴薯，外皮炸至薄脆，整體入口鬆脆香口，有飽足感。 #食在屯門 #象泰 #屯門泰國菜

咖哩味好濃啊!!!!!好食!!! #食在屯門 #nearD好西

#香香食好西 龍門一番新店進駐屯門，少數一人一茶嘅上海菜💁🏻‍♀️💁🏻‍♀️ ⚜️ ✅小茶壺一次沖一杯，維持茶温又能確保茶味濃郁。胎菊清香解膩，人蔘烏龍濃郁但略嫌甘味不足。 🍆涼拌茄子塔 $48 茄子料理通常用大量油去煮，呢道涼拌茄子以水煮加簡單醬油調味，口感稔軟而不失爽嫩。 🐥宮保雞丁 $72 以腰果、雞粒爆香，爽脆香口，作為解饞小菜最適合不過。 加上大量辣油拌炒，增添些微香辣，入口更惹味但整體偏油膩。 🐐古法燒烤羊腩 $158 冬日暖身小菜✨表面燒得薄身香脆，同腩肉鮮明嘅油嫩口感形成強烈對比。 蘸上芥末、薄荷醬、叉燒醬各有風味，芥末辛辣香口，薄荷醬清香甘甜，叉燒醬鹹香十足。同樣起到提味作用，又平衡返肉類嘅油膩感👍🏻 #食在屯門 #龍門一番

#香香食好西 #nearD好西 #食在屯門 餐廳主打即叫即製梳乎厘，另外亦有幾款簡單三文治、沙律、意粉選擇。 去得coffee shop，當然係為嘆靚啡而嚟。 是日點嘅兩杯咖啡都以cold brew為基底，選用嘅咖啡豆濃淡酸甘適中，口感順喉細滑，容易被大眾接受。 橘香冰搖咖啡 帶柑橘微香，有西西里咖啡嘅清新感，但又唔會令咖啡變酸。 後者提拉米蘇咖啡 更似一道甜點，一半black coffee一半cream，表面灑上可可粉，再以手指餅為點綴。 攪拌後入口豐盈，同Macchiato近似，唔好奶油嘅人可能會覺些少膩。 吞拿魚沙律主要為羽衣甘藍同紫椰菜，拌以經微燻嘅吞拿魚，調味偏淡，略加black pepper辟腥，整體中規中矩。 Tiramisu有驚喜，手指餅充分吸收咗espresso，咖啡味濃郁甘香，又無受潮變淋； 配上無額外加糖嘅mascarpone，鬆化與細滑口感交雜，係一道越食越上癮又唔會過甜嘅「甜點」🥰 壓軸嘉賓soufflé 登場✨ 莓果控見到都開心，顏色繽紛多彩，莓醬甜中帶酸，食起嚟更開胃。 梳乎厘空氣感同鬆餅嘅綿軟參半，有口感，唔會好似食空氣咁，值得一試👍🏻👍🏻 📍 PHI Coffee & Pancake (屯門市廣場) (屯門) 屯門屯順街1號屯門市廣場1期3樓Kiosk 02號舖