好耐無同朋友見面，難得相約到食飯，就接埋朋友收工，一齊去食飯，好彩之前book咗位，咪真係有排等，因為全餐廳爆滿人，餐廳環境大，坐得舒服 朋友叫咗一份【鹽味焦糖汁燒腩肉配青蔬果沙律 $218】有6件超厚身又半肥瘦嘅燒腩肉，豬皮燒得又香又脆，食起上嚟脆卜卜，肉質嫩滑爆汁，油份好香，配埋幾片青蔬果沙律，感覺夠Fresh；份量比較多 我就肚仔有啲餓，比呢個意粉吸引咗我【香煎北海道帶子龍蝦汁扁意粉配三文魚子 $198】吸引我之處係3粒煎到金黃色，好香又好大粒嘅帶子，再配埋三文魚子；用香濃龍蝦汁撈埋扁意粉鮮甜美味，扁意粉煮得剛好，咬落彈牙，食埋口感更有層次 當然只叫主食係唔夠，所以叫咗三款小食 【忌廉牛油蒜香雜菌 $48】用小煎pan上菜好特別，香濃忌廉汁好creamy，雜菌切得好細粒，加埋蒜香特別香味；仲有2塊香脆小法包，可以將雜菌舖上小法包一齊食，口感豐富好味 【蒜蓉牛油烤蔬菜 $48】 西蘭花及椰菜花有香濃蒜蓉牛油香味，健康又清新 【黑松露薯條 $48】 厚切薯條，新鮮炸起，份量超多，配埋黑松露粒真係好香口 食咗咁豐富嘅晚餐，當然要叫埋甜品一齊食啦，叫咗個【朱古力布朗尼配法式馬卡龍 $88】最頂係唔太甜嘅朱古力馬卡龍，中間就係香濃嘅朱古力雪糕球，最底就係煙韌棉花糖 + 濃濃郁郁嘅朱古力布朗尼，食完甜品真係甜到入心 兩個人食咗咁多都係七百蚊有找，真係高質素又好味 The Grill Room (堪富利士道) 尖沙咀堪富利士道6-6A號爵寓2樓 #TheGrillRoom #TST #Dinner #西餐 #燒腩肉 #北海道帶子 #馬卡龍 #甜品 #黑松露薯條 #foodblogger #foodie #foodies #hkfoodies #hkfoodieblogger #happyhappy◽️ #bloggers #hkbloggers #influenspace #bloggerlife #yummyfood #是日晚餐