明天就係情人節了 等我介紹一個好簡單嘅海鮮西餐俾大家 叫做“海龍王海鮮意大利粉”和“周打蜆湯” 之前我同仔仔、老公食得津津有味 好足料有龍蝦肉、蟹肉、蜆肉的意大利粉 周打蜆湯仲有鮮甜蜆肉味😋 之前我生日,我同老公去食千元高級西餐 好懷念那個大蜆的白湯 於是今次自己用罐頭煮,同樣好味 因為加入我街市買20元個的大白蜆和龍蝦 殼弄湯,份外鮮甜! 講起個意大利粉,我真係好混亂, 外形似意大利飯,但係話意大利“粉” 質感係意大利飯嘅特大版,要煮好耐(35分鐘)先淋 意大利粉材料有: 史雲生雞湯一盒、急凍嘅冰鮮龍蝦、罐頭蟹肉($108)、新鮮墨魚滑搓成波波、紫洋蔥粒、甘筍片和芥菜頭切片、芥菜頭做裝飾 周打蜆湯材料: 新鮮5個大白蜆、金寶湯的周打蜆罐頭湯 🥣首先要準備湯和意大利飯嘅湯底: 先用鹽水浸大蜆,令佢吐沙,然後加入熱水放入大蜆,佢一開殼即取出殼和肉出來。倒入水和雞湯,然後放入大蜆殼、龍蝦頭和爪,大火已滾,即較小火,煲到湯底轉色,記得要預備一大窩湯嚟整意大利飯和湯,然後加入新鮮的墨魚波、龍蝦身和龍蝦鉗(佢本身已熟不要過熟),一熟即撈起。 🍚海龍王海鮮意大利粉 用油和菇粉炒熟紫洋蔥粒、甘筍片和芥菜頭切片,另外放起。預備一個鍋加入意大利粉和熱水,間中用木匙攪拌不要讓他黏底,之後可以慢慢加入蜆和龍蝦殼雞湯和紫洋蔥粒,讓意大利粉吸取每一啖的海鮮濃湯,這個意大利粉不蓋煲蓋又要不斷攪和加湯,足足要我企喺廚房35分鐘😆。 記住要試味,覺得個飯就嚟淋嘅時候,才加入一半罐頭蟹肉、大蜆肉、墨魚丸、甘筍片和芥菜片,略攪勻然後上碟,再把大龍蝦放進中央就行了😋,用了已灼芥菜頭部做裝飾。 🍲周打蜆湯 把剩下的蜆和龍蝦殼雞湯(不要殼了),倒入金寶湯的周打蜆罐頭湯,攪拌後,再加入之前已熟的幾隻大蜆肉,就飲得了。 #情人節 #情人節大餐 #食譜 #簡單西餐 #意大利飯 #意大利粉 #食好D #西餐 #西湯 #蟹 #蟹肉 #食好西 #濃湯 #海鮮湯 #大蜆 #龍蝦 #墨魚滑 #周打蜆湯 #金寶湯 #家的味道 #家庭主婦 #香港媽媽 #cooking #easycook #foodblogger #hkblogger #hkinfluencer
![](https://attachment-storage.neard.com/5f6ab80bea234b7835eb984db8884c52.jpg)
![](https://attachment-storage.neard.com/496eba1e662cbd757a6e071c21899247.jpg)
![](https://attachment-storage.neard.com/54e3c4c2e92fb52b64bfadbf4eb654c1.jpg)
![](https://attachment-storage.neard.com/600cb7b78cdb386ff5a36ed67c0e3e88.jpg)
![](https://attachment-storage.neard.com/046351ca99e19eb66ab63747fb3024d4.jpg)
![](https://attachment-storage.neard.com/2bebeb2595ef999695bf2e05bb856e17.jpg)
![](https://attachment-storage.neard.com/8be897bfe9b91e5f675ce00a9955a325.jpg)
![](https://attachment-storage.neard.com/4c6b9f18b1b50e6a41d217ab9e09b55f.jpg)
![](https://attachment-storage.neard.com/4f44dd85f4f7156a0b4a5ad4e75db489.jpg)
![](https://attachment-storage.neard.com/44190572d9383444a961da9e7a2fc1d4.jpg)
![](https://attachment-storage.neard.com/f565dc77ebd7fdf6bd8db7b1296122d0.jpg)
![](https://attachment-storage.neard.com/411b4d81926a273a71248b7f13300d2e.jpg)