#香香食好西 #nearD好西 #食在觀塘 #KitchenBros Lunchtime一個鐘懶得出去食又怕多人，嗌外賣又難預時間，通常都係快快手買個便當。 幸好附近都不乏外賣選擇，呢日就試呢間自助形式嘅fusion lunch box，分冷熱櫃，沙律飯盒甜品湯包都有。 有個後生仔店員長期駐場，好好禮貌，亦好主動同客人介紹。 韓式豬肉蒟蒻麵 $44 飯盒包括沙律、蒟蒻麵、韓式豬肉、泡菜同蘿蔔絲😛 啱哂on diet中嘅OL，夏天食冰涼食物特別消暑開胃。 沙律菜同蒟蒻麵無多餘調味，入口爽脆，拌上帶微辣嘅泡菜醬料已夠味； 豬肉片厚切，但肉質稔身，有咬口同時帶飽足感； 反而蘿蔔絲好老好硬，感覺唔加會好啲。 鮮果杯 $18 有菠蘿哈密瓜奇異果藍莓同提子，酸甜水果各佔一半，味道平均； 但以呢個價錢嚟計就有點不值。