#香香食好西 #防疫期無啖好食之 #是日午餐原隻燒春雞盛惠$58🍗 話說天水圍新北江有間漢堡佬，主打美式漢堡，由於即叫即製，落單後要等25分鐘，一直未有機會試味～呢日借探訪朋友機會，順便送雞上門開心share🥴 ⚜️ 原隻香草燒春雞 $58 餐牌上寫700-800g，但重量同實物比想像中細隻，目測約600g。估計為加快製作時間，春雞先經油炸再烤焗，好處係可以逼出雞油，雞皮薄而酥香；壞處係過燶，口感偏乾身，無油汁，唔會有一咬落去好肥美嘅感覺，特別係雞全翼位置chur乾哂。以香草同鹽簡單醃製，連近骨頭位置都入味，肉質結實，口味略重，空口食會過鹹，配soft drink就啱啱好。 #食在元朗 #neard好西 #漢堡佬 #雞

Related Feeds

#香香食好西 #防疫期無啖好食之 #中上環區難得用心嘅酒吧set lunch😋 加上職員親切有禮嘅態度，忍唔住要寫返個好評推介吓～ ⚜️ 🐟煎海紅鮪魚柳 $118 充滿瑞典風味，外皮酥香薄脆，魚肉偏乾但唔散，配上加咗百香果嘅牛油汁，比一般坊間食到嘅清新香甜，有煥然一新嘅感覺🤩 伴碟以不添加糖嘅紫薯泥代替馬鈴薯，更健康有營。午餐包餐湯沙律二擇其一，另加一杯茶啡，以同區嚟講相當貼地抵食；雞胸沙律唔記得影，羅馬生菜伴沙律醋，加一片薄雞胸，輕盈開胃。 🍗水牛城雞翼用咗雞髀肉位，啖啖肉，又唔洗‘倫’骨，唔怕失儀態～味道係正宗水牛城風味，充滿tabasco嘅辣香，濃郁惹味，送酒一流👍🏻 #食在中環 #canteen #nearD好西

又到weekend，宵禁仍然無阻酒鬼嘅chill mood🤪 今次同大家分享吓唔同酒精嘅卡路里，你地又估唔估到最低卡係邊種酒呢？ #香香食好西 #酒 #識食都要識減

#香香食好西 #防疫期無啖好食 #宵夜之 #聖安娜比利時朱古力紅桑子脆脆 #蛋糕 🍰 外層塗上厚薄適中嘅 #朱古力醬，可可味好香，入口軟滑，用上55%朱古力，苦甜平衡；中間夾有紅桑子軟心，增添酸味，中和甜味，食到尾都唔覺漏；餅底用咗脆片，估計即日製作，無受潮，仍然保持到脆口；平時最怕朱古力蛋糕太甜太膩，但呢個苦>甜，加上無cream無mousse，唔會有‘確’喉感，唔錯😛 連鎖餅店用料入貨平加上量產，半磅庄都係$148，幾抵食，夠三五知己圍內share👨‍👨‍👧‍👦 #neard好西