今日大喜日子。。。2024年第一日😎下午打完🏸，享受爆汗，追擊對手，對抗性運動，wow。。so good 😈 返到屋企梗係要係netflix搵套戲 chill 吓, 連睇兩套戲，年頭睇齣驚悚片🫣由張鈞甯、阮經天主演嘅「查無此心」，台灣片，比想像中好睇，劇情ok,一個變態連環殺手，大開殺界，節奏明快，只係尾段，女探員一個人單拖押解瘋子殺手就唔made sense,又唔打得，又唔call help,以為自己係Terminator😏 另一套叫「家有吸血鬼」，中伏😡浪費我人生時間😏好在覺得唔對路，就倍速睇。。。哈哈😁😁

台場係今日既目的地，去到食杯海鹽雪糕定一定神先🧐 行百貨公司唔係我杯茶，高達係我追蹤目標🤩終於同佢同框，唔知今晚會唔會變身🙀 台場海濱公園幾好行，風景又正，閒日去旅行超爽，人少少，無人同你爭位照相🤭食嘢又無人同你爭位，噢。。。唔通我玩自閉🤔 午餐食海鮮3種丼とイカメン，味道一般，都係食燒肉正🤤晚餐都想食燒肉，不過我已經開始爆瘡😭 買咗波衫啦📣波衫MI J，條褲冇日本版焗住要買M IC😆着咗佢打波會唔會天下無敵手？

好啦，到旅程尾聲，嚟到日本點會唔浸溫泉♨️ 走咗去鶯谷萩之湯，網路評語不俗，價錢又實際，可能天氣熱，感受唔到溫暖，只係覺得入邊有啲焗，有個按摩噴泉口令肌肉很放鬆，正😄 環境乾淨及光猛，又可出室外池浸浸🤩🤩🤩 今次網路無老點😏 去Seibu買啲好嘢食🤓自製sashimi lunch🤤 幾日無睇Netflix ，今晚整套 <星期三>，睇吓睇吓幾過癮，女主角毒舌，講嘢寸寸貢😏 套片引起我注意，coz IG Reels，有段跳舞片好hit👍👍👍世界各地人士跟住跳，瘋傳👏👏👏