剛來，想認識新朋友

到埗啦⋯⋯呢度超大風，吹到頭髮也亂了🥴 搭既廉航無令我失望，咁既價錢ok la，不過，嗰啲YouTube扒講話有麵包送，點解我冇嘅😢只得一支水 在網上做左visit Japan手續，入境快好多 誤打誤撞就到左池袋，第一餐諗住食一蘭拉麵， 點知搵唔到（未試過咁失敗，聽日一定要搵出嚟😤）實在太肚餓啦，求其搵一間食住先🤤 聽日要去歪歪專門店買波衫波褲，日本買嘅波衫波褲會唔會打波都勁啲呢？🤔 食完拉麵套餐都未滿足，買咗一堆零食，慢慢enjoy Valentino day🤭 

一早起身，梗係食早餐，酒店唔包，no problem，自己揾食，仲爽🤪日本醒神早餐，忘不了的uncle 麥當勞😋🤭薯餅幾好食，夠熱又脆，香港好多時都冧晒😵 貓頭鷹係池袋吉祥物，周街都係，係咁意影番張，曾到此一遊👐 一人燒肉餐，一人的浪漫🤩😋 網上介紹，A5和牛，食燒肉隊啤🍺爽!價錢ok,香港食仲貴😲 有smoke area ，正正👏少咗喺街聞到二手煙😒 終於俾我搵到一蘭拉麵🤩搵到我就唔食，吹咩😏

台場係今日既目的地，去到食杯海鹽雪糕定一定神先🧐 行百貨公司唔係我杯茶，高達係我追蹤目標🤩終於同佢同框，唔知今晚會唔會變身🙀 台場海濱公園幾好行，風景又正，閒日去旅行超爽，人少少，無人同你爭位照相🤭食嘢又無人同你爭位，噢。。。唔通我玩自閉🤔 午餐食海鮮3種丼とイカメン，味道一般，都係食燒肉正🤤晚餐都想食燒肉，不過我已經開始爆瘡😭 買咗波衫啦📣波衫MI J，條褲冇日本版焗住要買M IC😆着咗佢打波會唔會天下無敵手？

今日去咗邊樹呀？？？ 今日去咗築地睇吓有咩好嘢食，人頭湧湧已經唔想食，兼且都唔平，坐定定食就差唔多，一隻長腳蟹腳成5000円，幾百蚊丫，我做乜要企喺度食？ （巴之閉，你唔食，大把人唔理辛苦係咁排隊等買，龍尾仲唔知係邊度😅） 我都係求其食幾樣自己鍾意嘅，再行咗兩個鐘就走😃 許多係香港人，我以為返咗香港，係日本人嚟香港開檔添🤭 係築地最得著係買咗一盒士多啤梨，價錢唔貴大大粒，又香又甜，賺哂😍 座大廈嘅外牆成部手機咁幾趣致，唔知可唔可以借比我打番香港🤔

今日躝咗去上野及涉谷，上野恩賜公園幾正，星期六多人，好在夠大，期間見到一個行為藝術表演者，真係好佩服佢，太陽又曬，企住唔郁幾難頂，唔知呢啲係咪叫為藝術犧牲？ 我自問就唔得，企一陣都腳軟，年紀大，機器壞🤫 又見一位busking,打搞擊樂，WOW,so nice 👏I love it😘非常治癒🫶 去到涉谷，睇咗blogger介紹去影人潮多到無論嘅相，仲要俾錢走到上觀景台影，聽講話係每分鐘人潮最多的路過者，見到咁多人好似蟻咁頭有啲痛😵‍💫 晚上食餐勁，又和牛又隊啤🤩飲飽食醉，為咗街上啲人安全，我要飛返酒店🤪 返酒店前路過family Mart見到啲蛋糕好正😋 好想食呀，但我今晚太飽只可以買Yogurt及沙律菜😆

有無搞錯丫，去到先知摺咗，網上資料不可盡信丫😤日本武士帶點神秘，我好奇，諗住今次正啦，網上資料顯示新宿有間武士博物館，就去探索一下，去到先知收左皮😢咁我點算丫，揾咩睇丫😓落莫的心大爆發😒腦筋一轉隨腳行啦‍🏃‍♀️🏃🏃‍♂️ 竟然發現新宿有小肥羊，嘿嘿。。。總有一間係左近，又發現一幢曲線型大廈，玩味十足🤭 行吓行吓。。。竟然比我由新宿行到去原宿的明治神宮。。。🏃‍♀️🏃🏃‍♂️好在無露宿🤫 綠樹成蔭⋯⋯心情舒暢，不期然除鞋攤抖。。。呢吓動作連漫畫英雄都叫正呀🤭🤭🤭 回程梗係搭車啦，終於比我影到車頭相🤪 PS:街頭舞者勁跳得👍帶啲歡樂比路人甲(me🤫)

自由行神器👉Google map & Google translate 👍 有呢兩個apps，出外國旅行就簡單得多，Google map精準度比數年前更準確，google map超正，教你上邊卡出閘快，唔會盪失路，除非你連字都唔識😨 幾年前去大阪，Google map未咁流行，係車站迷路😭朋友懂日語可惜係路痴🤭 查路程都可以精準帶你去到目的地👍 現在的日本年輕人也畧懂英語，亦可用google translate 同佢哋溝通，主要係我唔識日文呀🫣

好啦，到旅程尾聲，嚟到日本點會唔浸溫泉♨️ 走咗去鶯谷萩之湯，網路評語不俗，價錢又實際，可能天氣熱，感受唔到溫暖，只係覺得入邊有啲焗，有個按摩噴泉口令肌肉很放鬆，正😄 環境乾淨及光猛，又可出室外池浸浸🤩🤩🤩 今次網路無老點😏 去Seibu買啲好嘢食🤓自製sashimi lunch🤤 幾日無睇Netflix ，今晚整套 <星期三>，睇吓睇吓幾過癮，女主角毒舌，講嘢寸寸貢😏 套片引起我注意，coz IG Reels，有段跳舞片好hit👍👍👍世界各地人士跟住跳，瘋傳👏👏👏

good morning