擒晚睇咗👇正👍爽👏質素可以上大戲院，Netflixe久唔久有套自拍勁片，都唔係全部伏😏 小小爆雷🤫女主對A I有戒心，因小時發生意外，但科技一日千里，始終接受及面對，點樣共存不被傷害，靠人類化解當中矛盾😎套路明顯，（今次我叻咗少少🥱估中😼）

今日好忙丫，上晝去游水，今季第一次🤪初時唔夠氣，游多一陣，適應後，覺得好好feel🏊‍♀️不過，太多人，公共泳池暑假有教班。。。下次咩時間去會少人呢？ 下午植牙覆診，牙醫又想同我打麻醉，我話拆螺絲都要打麻醉？上次打麻醉痛到痴線，只係上番粒螺絲咋，上螺絲都要打麻醉已存疑，佢聽到我詐形，拎住支針扮打麻醉。。。真係吹漲。。😡 都唔知佢係咪有鋪打麻醉針癮，收我$18000，又甩螺絲又粗手粗腳。。。下次返祖國整。。😒

台灣李洋/王齊麟奧運2024男雙再奪金牌，衛冕成功🏅，勁👍，賽事好剌激，打三局先分出勝負，超好睇😻

奧運2024女單四強準決賽，西班牙馬琳打到10比6突然受傷，帶護膝勉強打多兩分，都係捱唔住，跪地爆喊，佢已贏一局，正在10分領先，真係戥佢可惜😿睇到我都眼濕濕😹點解對佢咁殘忍😢

朋友係咩？朋友係你有事，佢走埋嚟。。。聽你呻。。。你喊😭。。安慰你。。😇 今午聚會後，有事向教友查詢，之後談及一些內心問題🤫被親人誤解😂職場上的委屈🤣靈異事件😨統統如江河下瀉般盡吐心中情😅 wow…有朋友撐係一件幸福事，希望所有朋友需要幫助時，有天使👼出現身旁慰解😻

🫵能做到多少？ 現今世上，紛爭四起。。。缺乏👇 願世界和平，人人友愛🫶🫶🫶

今日挑起條根入咗深圳一天遊，由蓮塘出境，今日閒日，所以過關快，疫情後第一次返🤭啲fd已返N咁多次😒次次我話返都有突發事發生，激氣🤣 終於今日可以出擊。。。去到按腳先。。以前硬要收小費，而家竟然癈除小費👏。。超正。。。又可以電子付款，方便！又有警車擺街，超安全，無流泯埋身😅 一人獨遊唔可以食咁多嘢，下次搵fd先大涮牛肉鍋🤤干炒牛河幾好味，有牛肉味，香港嗰啲嗱到冧哂又無牛肉味😤 凍桃膠雪耳糖水好養顏👩‍🦰又唔太甜👍 玩咗大半日，用咗港幣263.83，包括足浴，乾炒牛河，糖水，手信就係半隻切雞，兩盒西瓜霜，半磅牛油曲奇，係咪性價比高呢？🙀🙀好滿足😍😍

嘩！嘩！嘩！重要事嗌三次🤩 今午，朋友約去試新嘢，呢幾日好多KOL介紹係香港第一間即撈海鮮放題，係淘大商場，Donki樓上，我哋早幾日就訂位，到達時仲見到好多人walk-in，打邊爐咁長時間，無訂位我真係唔會等囉。。。🤪 12點到，話咁快就入座。。。晏晝可以食4個鐘。。。係4個鐘丫，只係273蚊，真係平到無朋友😂 我哋要左龍蝦頭湯底，幾香🤤之後速去撈海鮮，飽魚。。。唔細隻㗎，蝦，紥紥跳添，蟹，蜆，活生生係池，你撈幾多都得。。。當然一定要食得哂，仲有可order熟食，又有熟食攤位，雪糕，生果任食，飲品勁多種類包括啤酒。。。總之，一句字：正👍食完仲可吹水。。。4點先走，足鐘😁