天丫天丫，你係咪唔中意我丫？我聽日放假，你好似喊到出唔到聲，周圍都濕立立，搞到我心情跌落谷底，狂食朱古力都上唔番😱（專家話食朱古力會有開心感覺，不過，依家我想打人先有開心感覺😤），天氣差到咁。。。男女男😡

對冰球事件有say，播錯國歌係一件事，對球員付出攞牌隻字不提真令人傷感😢2月發生的事，發酵咁耐，大家有眼睇，誰是誰非？ 我自認係半個運動員🫣好了解運動員心情，付出咁多汗水及練習時間，搏哂命咁打比賽，如果入唔到港隊嗰啲，自己又興趣大，更加要貼錢學波，係羽毛球界比比皆是 當冰球隊出戰打出獎牌，無論有幾多隊參加決賽，都係付出努力一路打上去㗎💪唔明啲坐係office嘅高官話，咁少隊參加，攞牌不是太難，真係難聽過粗口😡 PS:剛睇新聞，港協暨奧委會終於表態肯定球員嘅表現，但態度就不情不願😒唔知點解，見到嗰位港協男士就想扯佢兩巴🤫

今午約了舊同事去豚豚食堂lunch,係新蒲崗Mikiki,坐得幾舒服，野食ok la,可以一試，我就食得好開心啦😻😻😻可能太耐無見，一見傾唔停，發揮我吹水友的本色🤭🤭🤭 晚安，今晚好攰，因打了一場好激嘅羽毛球game , happy Easter😃😄😃😄

恭喜港隊女子冰球隊奪金，吐口污氣👏繼續努力💪領隊關婉儀辛苦你了🤝感謝🙏

今日熱到short咗，喺球場歡度一個快樂嘅下午，唔使喺街熱辣辣，有冷氣嘆🤩返到屋企沖過靚涼，食冰凍涼粉，睇netflix 既靈異神探，刺激吓心臟，爽皮😼你哋唔恨得咁多🤭 今日消費券到手，諗吓買咩刺激經濟先🤔

今日中午去咗德寶花園，因開咗榕記燒鵝，試吓，但係好失望，啲燒鵝肥到好得人驚，超級多脂肪，嚇到我食咗幾件之後冇食，下裝要$158，貴呀，好在有消費券🤭飲啤酒順一順條氣🍻 反而嗰碟菠蘿雞粒炒飯，好好味，鹹蛋包住啲飯好正丫👍粒粒飯香🤤🤤🤤 個friend話啲小炒仲正，唔算貴，幾十蚊一碟，下次要試吓😋😋😋

放工前網上訂飛睇戲😎，免費飛，買咗A*A保險，內裡有個運動project,join後做到佢要求，每個月有兩張免費電影飛送，哈哈，又比我每個月都拎到，多到送啲比朋友睇🤩 去到戲院，先知只有我一人買票😒開場後都冇第二個人入場，真正的包場⋯⋯成間戲院得我一個人，初初入去嗰時都有啲驚恐😖唔知睇睇吓會唔會有靈異出現🫣但係入戲後就唔記得咗嚕🤭 套戲幾過癮及好笑，黑色幽默，吸血鬼尼古拉伯爵嘅奴才變節，對白搞笑，定係我容易笑🤔 血漿多到似噴泉咁噴出嚟💦 Nicholas Hoult (尼古拉斯侯特)做得幾討好，同佢個部Warm bodies有得揮，一樣咁搞鬼👏

今日做緊嘢時，忽然發現唔見咗手上嘅Apple watch🙀嗰陣時有啲心慌，諗緊係邊度唔見呢😿我好中意隻表㗎，用電話追蹤就應該仲係公司喎⋯⋯正當我揾咗一輪都揾唔到，係度惆悵咁諗住放棄， 一位女同事話會唔會跌落啲貨到。。。我猶豫去唔去倉揾😹女同事堅持話搵吓冇壞啫。。。 立馬開箱。。。哈哈。。。真係跌咗入客人啲貨到，嗰陣時好開心，失而復得嘅感覺實在太幸福了🥳係咁攬住個女同事話好多謝佢嘅幫忙，身邊有好同事係一種福氣😻 放工後即刻換過條錶帶，之前嗰款係運動型錶帶冇咁穩陣，而家呢款雖然老土啲，但係應該好實淨🤩

是日off,做完正經嘢後搵場戲睇吓（我無乜時侯做正經嘢，唔正經嘅就時時做🤭）咦。。睇星爵正喎，1，2集都睇咗，對白好好笑，第三集口啤都唔錯。。。即訂飛。。。有免費飛都要補差價😒原來套戲150mins…. 睇完，爽片🤭，對白同前兩集一樣咁好笑， 1，2，3集睇晒🤩呢集有兩個彩蛋，唔好咁快離座🤫 呢集主要講火箭浣熊嘅過去悲傷事及遭到至高進化打傷，臨死亡邊緣，睇到心都酸😓最後星爵及一班好友救番，好warm😍 睇完戲太夜，買波仔飯頂肚加上一支冰凍啤酒（HoeGarrden），好滿足咁渡過happy holiday😜 Good night😴😴😴