返左幾日工，今日off，爽皮🤩 天氣好好，惠康呢期甜筒優惠，56.9/2盒，平到無朋友，一陣去掃貨，噢。。會唔會又肥番😱 最近AI chatGPT 好hit,平時我同Siri有互動，佢啲答案幾過癮，得啖笑，真心想AI智能機械人快啲面世，當然價錢要平到我買得起或租得起，機械人和活人互動或生活已係大勢所趨。。。最好就係唔止陪我傾計咁簡單，仲要識洗吓廁所，煮吓飯。。咁就perfect🤩當然不能智能叛變🤔 呢幾日兩間電視台都介紹東京遊，又美食又shopping,令到我又想再出發🤓回想係東京食拉麵丫，士多啤梨丫，剌身丫就回味無窮🤤不過，返工無耐又請假，驚俾人摌😒

今日走唔切俾阿head捉住叫ot，儍啦，搵夠就走人，ot 咁傷身，唔好預我🤭work life balance 係我生活態度🤟 返到屋企，抖一陣，就要去體館enjoy my happy hour🏸今日手氣不佳發揮唔好😹星期三仲有一場，係邊度跌就係邊度起番身😤 回家途中，見到蛋黃🤩美景當前，不容錯過🫶

是日off,梗係出去透吓氣啦，太掛住東京既一蘭拉麵🤤就走左去香港銅鑼灣一蘭拉麵解思🤭食味差啲啲，比起東京，麵有啲過軟，或者下次叫硬身啲😅總結香港無咁好食，湯有味精，食後口渴，係日本食完唔會口喝，香港較貴，唔值😤 食完走過隔離睇花展，比想像中靚😍，收穫幾豐富，影到心頭好😁諗住閒日去無咁多人，都係人群一窩蜂📸。。。拍攝時都要左閃右避🙀 今晚仲要出去打🏸， 做乜鬼放假都咁忙㗎😹

今日達標啦🤭飲番杯白酒relax 🥂cheers 🙃

今日做植牙手術，噢。。去前心驚驚。。怕痛嘛，點知打完麻醉，放鬆心情好快放咗金屬物件入牙床，走得。。😅咪住。。。拎消炎藥同止痛藥丫。。🤭仲有約時間覆診拆線及做後續手術🤫 俾牙醫激親，打麻醉嗰陣時打咗下顎，打完兩針之後我就問點解我係整上顎植牙，你打下顎？佢話：吓，乜你唔係做下顎咩，吹脹🤣等我捱多兩針麻醉🤬所以，睇醫生都要保持清醒😤 今日有個fd話跟我學嘢，乜話，我有咩教到人丫。。㧓哂頭😅佢話想好似我咁享受人生，懂生活，哈哈，我只係探索自己的跑道，做自己咋 上年年尾英國遊之日與夜，旅遊擴闊視野，正👍

今日off，嗱嗱聲去睇戲，想睇好耐，口碑又ok,點知買飛見到sitting plan..O咀😮得我一個🫣，可能套戲做咗一段時間 入場後，我嗰行加埋我六個人，後座兩個人，成間戲院八個人🤭 自認成日掂住電子產品，對於女主既網絡搜尋都知佢做緊乜，但係有啲bug就係操作「忘記密碼」，當事人都會收到通知，戲內係無呢個情況出現，眼見女主係咁走入人哋既郵箱睇嘢，無人之境，當事人都無反應🤔戲內都係用緊大眾都用嘅google and Fb ，套戲劇情轉折，估佢唔到，結局幾合理👍 擒晚去咗fd屋企品酒，支白酒㗳落幾正，醇🤩落到喉嚨前會feel到葡萄味，好香😍拎住酒杯同fd 吹水。。。滿足到一個點🙃🙃🙃

今晚睇東張西望，講嗰位買27份保險又唔睇保單，一個正常人有需要買咁多保單咩？齋信agent ，仲係張表格簽名又唔知内容係乜🤣點解有啲咁既人係世上？唔呃佢唔知搵邊個嚟呃😹 agent 仲帶佢去做保險融資，呢類計劃核對好多資料，點解咁多程序都唔懷疑自己有冇咁既需要？依家醒咗就追討，機會微又要同保險公司打持久戰，唉😮‍💨 錢多就做吓善事。。。例如：派啲比我🤫