假日約咗友人到銅鑼灣呢間 The Musicbox Grill House & Bar，店內裝修圍繞住音樂，門口位置有個DJ 捽碟區，夠哂特別，店內仲有其他畫像及擺設，店內播放住音樂，真係好有氣氛 睇完餐牌後，係 Brunch Menu揀咗兩份餐，套餐嘅餐湯係香味濃郁嘅 [ 龍蝦忌廉湯 ] 配香脆蒜蓉多士，忌廉湯夠香滑 前菜就叫咗份賣相好吸引，擺成花形圖案，陣陣香濃香蒜牛油香味嘅 [ 香蒜牛油煮蜆 $188 ] 蜆肉份量好多，蜆肉肉質鮮甜，連友人都食到停唔到口，食完真係飽飽地，伴碟有4塊香脆蒜蓉多士 次次都食意大利飯/粉，今次就叫份唔同嘅Brunch，揀咗 [ 黑松露意大利雲吞 $138 ] 雲吞好大塊，份量適中，最like就係濃濃郁郁嘅黑松露及蘑菇汁，每塊都掛汁，雲吞質感較柔軟，中間嘅內餡軟軟，配搭黑松露醬汁真係好夾 用慢煮方式再烤焗呢隻 [ 68°C 慢煮黃油雞 (半隻) $168 ] 切開後雞油流出，雞皮烤得焦香，肉質嫩滑多汁，食落夠哂惹味；而擺盤有烤過嘅香甜粟米、薯仔、蘑菇及車厘茄 必叫甜品就揀咗 [ 三重朱古力軟滑蛋糕 $98 ] 一層層濃濃郁郁嘅朱古力，口感香滑，伴碟有士多啤梨及藍莓，朱古力迷唔可以錯過 跟餐飲叫咗杯 [ Hot Coffee ] 及 [Hot Chocolate ] The Musicbox Grill House & Bar 銅鑼灣駱克道459-461號The L. Square8樓 #TheMusicboxGrillHouseBar #銅鑼灣美食 #Brunch #lunch #龍蝦忌廉湯 #黑松露 #意大利雲吞 #foodie