旺角鬧市中有間用咗白色、木系裝修為主嘅車仔麵店,環境舒適,有打卡牆位置影相,我哋4人一張枱坐卡位。嘢食多款選擇,樣樣都想食 下午茶時間嚟到,就叫咗兩份套餐。即叫即炸[厚多士 $28],有成寸幾咁厚身,夾住香滑花生醬,再配牛油及楓糖漿一齊食;另外就係[生炸雞脾 $47],超香脆,入口多汁,雞脾成隻碟咁大,非常惹味 定食分為6格 / 9格,因為咩都想食就叫咗個[6格定食 $72]6格都有唔同嘢食,每款都好吸引,有6款配料包括有:入口軟淋淋嘅豬軟骨、入哂味嘅醉雞中翼、爽口蘿蔔、蠔皇花菇、流心嘅糖心蛋、鮮甜嘅花膠湯,另外 +$3 轉稻庭烏冬 仲叫咗大大碗好好味嘅[車仔麵]湯底就揀咗香濃鮮甜嘅雞湯;麵底就稻庭烏冬,烏冬真喺好彈牙;而餸方面,必叫原件花膠,勁大塊又厚身,咬落爽口彈牙、吸哂湯底嘅爽脆豬皮、彈牙秘製魷魚、豬大腸、超流心嘅糖心蛋及仿長腳蟹棒 再叫咗2款小食[炸蓮藕墨魚餅 $29]一碟有3塊,墨魚餅炸到外香內軟嘅口感,仲有蓮藕粒在內;另一款就係[醉雞中翼 (5隻) $44]花雕嘅香味完全滲透到入切半嘅醉雞內,雞肉嫩滑,雞皮彈牙,花雕味唔會落得太多 以上套餐跟餐配飲品,揀咗佢哋自家調製嘅冷泡茶[凍頂烏龍]、[白桃烏龍]、[玫瑰花果茶 ],另外叫杯香滑熱[朱古力] 祥利車仔麵 旺角西洋菜南街198號 #ejcartnoodle #祥利車仔麵 #車仔麵 #香港美食 #旺角美食 #旺角 #日系餐廳 #打卡位 #打卡 #港式料理 #朋友聚會 #齊腳 #hkfood #foodblogger #foodie #香港美食 #相機食先 #foodies #hkfoodies #hkfoodieblogger #hkfoodshare #bloggers #hkbloggers #influenspace #bloggerlife

Related Feeds

夜媽媽收工肚仔餓,又好想掃街食嘢,朋友帶我去大圍食佢中學時期成日都去食嘅店舖,人來人往,多人圍住食店,仲有人排隊等買添。友人話佢哋嘅秘製辣汁超正,唔食辣嘅都一定要試。睇完有咩樣想食,就即同店員落單,兩個人每款都叫啲,都叫咗好多樣 必食 [ 串燒豬頸肉 2串 ] 及 [ 串燒魷魚串 ] 即叫即燒,味粉仲有好幾款比你揀,我哋就揀咗咖哩粉及孜然粉,好香燒烤味,邊邊位燒得好香脆,食落肉質嫩滑又多汁;魷魚口感煙韌有咬口,夠哂入味,兩樣都係咁好味 叫咗碗大碗嘅 [ 油渣麵 ] ,湯同麵分開放好,攞到返屋企湯底仲係熱辣辣。份量好多嘅豬油渣炸得好香脆,食落唔油膩,清湯湯底,再加埋辣菜莆一齊食,又辣又惹味 再叫咗碗兩溝,大大碗,勁足料嘅 [ 魚肉翅 ] 勁多條粗粗嘅魚肉,食落口感彈牙,每一啖都食到冬菇及木耳,翅底濃稠適中,落埋醋一齊食就更正 仲叫多碗 [ 韭菜豬紅豬腸 ] ,份量好多嘅韭菜,新鮮嫩綠、豬腸份量多,洗得乾淨,肥瘦均勻,口感爽脆,加埋豬紅更滿足 熱辣辣又炸得香脆嘅 [ 炸大腸 ] 食兩串真係唔夠喉,炸得香脆又唔會太乾,食之前要唧埋甜醬及芥末,就更加惹味。[ 牛柏葉 ] 口感爽爽脆脆、[ 水魷 ] 及 [ 墨魚 ] 彈牙口感 超抵食嘅 [ 煎釀三寶 ] ,每款都好吸引,除咗常見嘅紅腸、魚蛋、勁大塊雲吞、茄子、青椒,仲有原隻虎皮青椒、西蘭花、冬菇,辣餃子,每款都大大件,新鮮炸起,熱辣辣好好味,釀埋魚肉,令口感食落更彈牙及 juicy 燒賣魚蛋簡直係絕配,有魚味嘅 [ 燒賣 ] 食落煙韌,爽口彈牙,配埋秘製辣汁更美味;食落有淡淡陳皮味嘅 [ 陳皮魚蛋 ] 細細粒,口感彈牙 大圍小食 大圍富嘉花園22號地舖 #taiwaisnacks #大圍小食 #大圍美食 #大圍 #掃街 #香港小食 #外賣 #街頭小食 #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #foodies #hkfoodies #foodblog #hkfoodieblogger #hkfoodshare #foodporn #instafood

今晚想簡簡單單煮一餐海鮮餐食,所以去咗潮。煮 Trendy Cook Foodie 行一轉,價錢好平又多款選擇,今次買咗二百蚊就有3餸1湯1甜品,係咪好抵呢 越南鳳尾蝦球 茄汁煮鳳尾蝦球🦐每隻都大大粒,蝦肉肉質爽口彈牙,咬落仲好爽脆 挪威三文魚扒 香煎三文魚扒🐟肉質鮮甜好味,仲要好抵食,$58就有2塊,仲要大大塊 (留番一塊下次煮先) 智利藍青口 青口份量多🦪肥美又鮮甜,食落唔會有腥味,仲有淡淡海水味 野菌忌廉濃湯 野菌湯🍄香滑濃郁,仲好creamy,一包已經夠2個人飲 日式忌廉泡芙 一盒12粒,雪到凍冰冰食係最正嘅😋 店員態度好好,你搵唔到嘅食材問下佢哋,佢哋即時幫你搵得到;店舖環境舒適,乾淨又衞生;下次再嚟買食材先 @潮。煮 Trendy Cook Foodie(精選食材專門店) 門市:觀塘開源道60號 駱駝漆大廈三座6樓L1室 聯絡電話:98718813 Online Shop: trendycookfoodie.store FB PAGE: facebook.com/trendycookfoodie FB Group: facebook.com/groups/trendycookfoodie IG: instagram.com/trendycookfoodie?igshid=sasbzq35ee3c #潮煮 #TrendyCookFoodie #觀塘 #多款選擇 #foodblogger #foodie #foodies #hkfoodies #happyhappy #bloggerlife #yummyfood #分享生活點滴 #是日晚餐

原來長沙灣都有間好味又抵食嘅居酒屋,今日同朋友一齊去食,店內裝修日式風格,好多不同日式布置及清酒樽擺設;再睇埋好多款日式美食嘅餐牌,真係吸引我嘅眼球 首先叫番個小食先【燒鱈魚干 $48】焗得夠香脆好味,仲可以點沙律醬一齊食;帶有辛辣味嘅【明太子雞翼 (2隻) $58】外皮香脆,肉質嫩滑,明太子做夾心,正 串燒係即叫即燒嘅【醬油燒年糕 (2件) $48】咬落去熱辣辣,內裡煙煙韌韌,真係必食之選;再嚟2串燒得好香嘅【鹽燒雞脾菇 $38】口感熱辣辣 去居酒屋食晚餐,當然要嗌埋壽司,就揀咗【三文魚壽司 (2件) $38】鮮甜厚切美味;【海膽壽司 (1件) $38】新鮮海膽,味道一流;【帶子壽司 (2件) $58】鮮甜肥美;【芝士蟹柳火灸壽司 $38】燒溶咗嘅芝士舖上蟹柳;【玉子壽司 (2件) $28】甜甜厚身玉子,蛋香嫩滑;頂層有大量蟹籽嘅【加州反卷 $68】口感夠哂豐富,好味夠飽 今晚晚餐,兩個人都係食咗五百蚊到,款式選擇多又抵食,滿足又飽肚 味道樂居酒屋 (元州街) 長沙灣元州街498號青華閣地下C舖

平靚正之生活日常用品/食品/餐廳

平靚正生活日常用品 上網就買到 Happy share Facebook 及IG 不定期有Giveaway 歡迎Follow, please🥰 FB:facebook.com/sukipeiyy IG:instagram.com/sukisukiy

平靚正之生活日常用品/食品/餐廳

Dordor

726 Followers

98 Followings

926 feeds

Dordor

瘋女人

14 Followers

0 Followings

150 feeds

瘋女人

KK

36 Followers

310 Followings

0 feeds

KK

琳濯Suki

3583 Followers

7 Followings

774 feeds

琳濯Suki

elijah

0 Followers

18 Followings

0 feeds

elijah

China

Hong Kong

New Territories

Hong Kong Island

Kwai Tsing District

Kwai Tsing District

Wan Chai District

Wan Chai District

Causeway Bay

Central District

Ha Kwai Chung

Caroline Hill

Chung Mei Lo Uk Tsuen

Hennessy Road

Tsing Yi Road

South China Sea Islands (disputed)

Causeway Bay Station

永倫800餐廳