聖誕節就到啦，聖誕節當然要去食聖誕大餐啦，今晚就同朋友去 Dazzling Cafe 食咗個【聖誕節雙人套餐 $548】 首先嚟咗個【和風蘆荀雨衣甘藍沙拉】新鮮開胃沙律有清甜蘆荀、加埋爽脆Kale、新鮮軟淋嘅牛油果，配埋少少酸嘅和風醬汁，健康好味 再嚟就係【開胃菜組合】三款小食：香煎帶子配芒果莎莎 ~ 大大粒帶子較厚身，兩邊煎到金黃色，鮮甜爽口，配芒果莎莎酸甜開胃；蜂蜜芥末雞翼 ~ 外層香脆，肉質嫩滑，最正係個蜂蜜芥末醬；Dazzling 鹽酥雞 ~ 食落有酥香，肉質夠嫩滑 主食就嗌咗【明太子義大利麵 (單點 $98)】超多紫菜撈埋意粉一齊食，醬汁真係夠哂香濃，明太子咬落卜卜脆，鹹香味十足，每食一口都有明太子醬汁，意粉咬落口感彈牙，夠哂creamy，好味到無得剩；【義式牛乾菌香菇義大利麵 (單點 $98)】香濃牛乾菌味，香菇份量仲好多，意粉口感一流，每口食落好creamy 飲品好有聖誕氣氛，賣相已經好吸引【香抹聖誕樹】抹茶香蕉嘅奶昔，真係香滑好味，上面仲有忌廉及彩糖，仲有聖誕老人帽朱古力；另外呢杯係【野莓荔枝沙冰】飲一口涼透心，香濃果香味，微微荔枝味，甜度剛好 最後嚟嘅係甜品，呢個好靚好有聖誕氣氛，一定要打卡影相，必食推介【聖誕繽紛二重奏 - 蜜糖吐司】影完相記得食咗個香滑雲呢拿雪糕先(因為好快溶)，聖誕樹側邊有個士多啤梨聖誕老人及火爐，最正係聖誕樹，聖誕樹係用抹茶吐司及抹茶醬做成，咬落好香脆；樹幹就係用4舊舖滿哂Oreo餅乾碎而做成，咬落鬆脆 DAZZLING CAFE (TST - The One) 尖沙咀彌敦道100號The ONE 3樓22號舖 #dazzlingcafe #cafe #雙人套餐 #聖誕大餐 #套餐 #聖誕美食 #聖誕 #xmas #christmas #聖誕節 #聖誕節2021 #聖誕活動 #dazzlingcaféhk #TheOne #TST #尖沙咀 #hkfood #foodblogger #foodie #foodies #hkfoodies #hkfoodieblogger #happyhappy #bloggers #hkbloggers #influenspace #bloggerlife #yummyfood