#香香食好西 #防疫期無啖好食 之 #中上環 區難得用心嘅酒吧set lunch😋 加上職員親切有禮嘅態度，忍唔住要寫返個好評推介吓～ ⚜️ 🐟煎海紅鮪魚柳 $118 充滿瑞典風味，外皮酥香薄脆，魚肉偏乾但唔散，配上加咗百香果嘅牛油汁，比一般坊間食到嘅清新香甜，有煥然一新嘅感覺🤩 伴碟以不添加糖嘅紫薯泥代替馬鈴薯，更健康有營。 午餐包餐湯沙律二擇其一，另加一杯茶啡，以同區嚟講相當貼地抵食； 雞胸沙律唔記得影，羅馬生菜伴沙律醋，加一片薄雞胸，輕盈開胃。 🍗水牛城雞翼 用咗雞髀肉位，啖啖肉，又唔洗‘倫’骨，唔怕失儀態～味道係正宗水牛城風味，充滿tabasco嘅辣香，濃郁惹味，送酒一流👍🏻 #食在中環 #canteen #nearD好西

#香香食好西 #nearD好西 又到週末，總要俾藉口犒賞一下自己，只要肯行少少路，中環區都可以搵到唔少有水準嘅餐廳嘅。 Miso主打鐵板燒，一入內有條小梯，邊下樓邊可以俯瞰師傅認真烹調嘅過程。餐廳佔地面積不小，即使廚房為開放式，都唔會有局促感同油煙味。 ⚜️ $750 午市二人鐵板燒套餐🥓 🥗蟹籽沙律·青芥末沙律醬 份量十足，猶如小山丘，表面鋪上滿滿蟹籽，入口爆汁充分提鮮； 精萃沙拉醬加咗芥末，香甜之餘帶刺鼻感，令整體更清爽醒胃。 🍣錦繡刺身（六款） 餐牌上無標明，由餐廳即日按貨源決定，保證質素新鮮鮮美。 生魚片如相中肥厚，特愛帶子、吞拿魚同鯛魚； 帶子厚嫩爽口，略帶鮮甜； 中拖與鯛魚帶明顯油香，口感豐腴。 餐廳給予自由用膳嘅時間值得一讚。 每道菜上菜後約十至十五分鐘先再上下一味，一反中環區急促嘅節奏，俾客人真正享受午膳。 🐟銀鱈魚西京燒 外皮香脆，魚皮與魚肉之間夾住適量脂肪，脂香十足，份量剛好，一人一件不至於過膩。 帶子以牛油香煎，同刺身一樣爽彈，味道中規中矩。 🍖鐵板燒肉眼薄燒 本日MVP，薄切肉眼外在焦脆、入口即化，加上包裹住嘅蔥花，辛香又中和肉膩，無諗過味道咁出色🤩 蘸上燒肉汁突出返肉香，更香口惹味。 🍚鐵板燒炒飯 加入蘿蔔、洋蔥、小蝦同蛋炒成，略微結團，偏油，味道一般。 🍧甜品 尾聲可選咖啡或甜品，餐廳所供應嘅雪糕居然係雪葩，香港鮮少有得食😍 冰凍嘅刨冰口感刺激味蕾，同樣甜中帶酸嘅柚子同檸檬口味清涼解暑，為今餐帶嚟圓美尾聲～ #食在中環 #Miso

#香香食好西 #nearD好西 #食在中環 #交易廣場 #SaladStop 每逢星期五就想食好啲，無奈IFC通常full booking、又唔想行到環球、LKF咁遠，鄰近嘅交易廣場其實都有幾間餐廳選擇。 其中有間 #salad 專門店，有配搭好嘅懶人option、亦可以自選材料，我就揀咗呢款seasonal嘅Kung Fu Lovin（$85），帶東南亞特色，感覺香口啲啱夏天食。 以藜麥做base，混合羽衣甘藍、蘑菇、洋蔥、青瓜，醬汁似叉燒汁，鹹甜中又帶少少醋酸，有啲冬陰公味。 豬肉片厚切，肉質好稔身，絲毫不韌，份量幾多，食完好有飽足感👍🏻👍🏻

#nearD好西 #香香食好西 #食在中環 #BrassSpoon Brass Spoon嘅越南粉，港島區相信都無人不曉，話哂都係上過米芝蓮嘅食店。 以同類菜比較，呢碗粉定價絕對唔平，但由早到晚人潮不斷，精萃在於真材實料、用心製作嘅湯底。 無添加味精，加入百斤牛骨長時間燉煮，湯底鮮甜，肉味香濃，清而不油膩。 生熟牛肉河（$86）🍜 河粉充分吸收湯汁，粉條細滑，一嗦一吸，每一啖都嚐到肉鮮。 芽菜、香菜另上，等客人可以自由控制生熟程度。 生熟牛肉各有千秋，前者油花較多，口感較滑；熟牛肉應該係近牛腩部位，肥瘦參半，肉質嫩中帶油香。 餐廳流動性高，無論攞位、上菜，都唔需要點等，正合香港人追求效率嘅生活模式。

#香香食好西 #nearD好西 #食在中環 #〇de▽鯛白湯らーめん 港人對日本嘅熱愛眾所週知，可能係知道有貨有市，近年多咗唔少人氣食店遠渡過江開設分店，唔洗坐飛機都有機會品嚐當地美食。 呢間保留原名嘅麵店 主打鯛魚湯底，以真材實料熬製，味道鮮美，名符其實魚有魚味。 選址於斜坡上，街口已經能見到門外食客人龍。源用日式自助售票機先付後享用嘅形式，等候時間唔算長，流動速度快。 🐟鯛白湯 $138 比清湯熬製時間長，又多加上貝類食材，精華盡滲於湯中，味道更濃厚鮮甜，不同於中式魚湯，絲毫不帶腥味。 選用幼身拉麵，更易滲透吸收，令每條麵條都帶上飽滿湯汁。 顧及到怕魚腥嘅食客，湯底添上洋蔥粒、薑粒、荀片，更多一份辛香。 🐟鯛沾麵 $148 以乾冰容器盛載，上枱更具架勢。麵條與刀削麵相似，闊身帶皺褶位，掛汁力更強，有嚼勁，口感更佳。 沾麵湯底質感杰身，會比較濃味同鹹啲，略嫌蓋過原本嘅魚鮮； 勝在湯中幾多魚肉粒，保留返「魚」嘅特色。

#香香食好西 #nearD好西 #食在中環 是日午餐係我至愛嘅沙律🥗 Build-your-own （$58起） 一盒有五種蔬菜base，另外按protein、sauce、extra addition on top再加，想幾豐富自己話事💁🏻‍♀️ 特別中意烤南瓜夠淋甜，唔係好多salad有✨雞肉餅大塊紮實，啖啖肉好飽肚，食得出係全雞肉製成。 餐廳採用自助點餐機，選擇困難症重症患者表示可以慢慢督機落單無壓力，每個item仲有埋calories參考，啱哂注重健康/健身運動人士🌟 📍饗量 (中環) 中環雲咸街31號地舖

#香香食好西 #nearD好西 #食在中環 士丹利街一帶向來係OL OB搵食勝地，基本上乜菜式餐廳都有，反而速食店欠奉； 疫情關係多咗外賣自取，先發現原來街尾有間 Burger Joys。 典型美式酒吧餐廳嘅裝潢、黑紅相間嘅用色、節奏明快嘅搖滾音樂，係happy hour嘅relax好去處。 是日晚餐為店內NO.1 hot pick嘅 cheese burger🍔 （$109） 麵包比同類餐廳厚身，口感鬆軟充實，同時充滿小麥與牛油香； 100%純牛肉，紮實有肉味，咬落唔會好散，加咗融化好嘅芝士鹹香十足。 欣賞盒裝設計，唔怕食到好邋遢。 +$41可以轉餐，跟一份薯條同啤酒/soft drink。 推介+$11 轉甜蕃薯條，高溫加熱後嘅蕃薯更加香甜，忍唔住食完一條又一條🤤🤤 Chicken nugget （$59）皮薄，唔似肯爺食粉多過食雞； 肉質嫩身，咬落軟熟，真·雞柳質感。 本身已灑上辣椒粉同鹽調味，唔蘸芝士醬都好夠味。 可惜依家6點後只能外賣，炸嘢始終都係即炸即食最出色，等疫情過後一定會再嚟HH🤪