意粉

打卡

吃貨

nearD好西

香港美食

美食推薦

黃店

西餐

相機食先

甜品

hkfoodie

Feeds

與蠔有約 // 唔知有幾多朋友仔鐘意食生蠔?👦🏻👧🏻與朋友們都係蠔友,之前有試過去台灣食手掌咁大隻嘅生蠔自助餐,諗番起真係好正😳 飛唔到去台灣,突然蠔癮起就搵下有冇啲咩餐廳可以食蠔、飲番杯、傾吓傾嘅呢,點知就俾👦🏻搵到呢間餐廳🤤 今次真係叫左好多嘢食,分別有熊本霜降西冷、黑松露雜菌意大利飯、黃金炸豆腐、烤焗海鮮拼盤、牛油蒜香意粉、香草焗比目魚、酥炸鱈魚扒、炸美國薯條,叫左兩種生蠔—精選生蠔、中碼生蠔,配上一枝白酒MT OLYPUMS SAUVIGNON BLANC同一枝紅酒INTRIGO NEGRO AMARO,真係食到好飽🙈 講少少👦🏻👧🏻都覺得特別吸引嘅食物啦,黃金炸豆腐係必叫嘅item,外皮香脆內裡柔軟,一舊接一舊;烤焗海鮮拼盤可以滿足有選擇困難症嘅朋友仔,一個拼盤有齊龍蝦、帆立貝、大蝦、螺,焗完都食得出佢好新鮮;最推薦當然係生蠔,買酒飲就可以用優惠價$50叫一打精選生蠔/半打中碼生蠔,真係好抵食,而且都好食,夠新鮮,唔好以為精選生蠔會hea,完全無,都係蠔味夠,海水味都好夠,有朋友見到個日出嘅限時動態第二日都約左朋友去食🤤 評分:8 / 10 Season Oyster & Wine Bar 銅鑼灣信德街14號地舖 —————————————— #seasoniyster #西餐廳 #酒吧 #意大利飯 #意粉 #蠔 #oyster #risotto #pasta #wine #food #hkfood #foodie #hkfoodie #foodblogger #hkfoodblogger #hungrywinga #hungrywinga西餐篇 #hungrywinga酒吧篇 #hungrywinga銅鑼灣篇 #銅鑼灣 #causewaybay #好西 #美食地圖 #香港美食 #銅鑼灣美食 #香港美食 #香港好西推介 #食好西 #香港好去處

意大利辣麵🤣 #食乜麵 #意粉 #意大利麵

大家最鍾意食咩口味既意粉🍝呢?我自己就最鍾意食呢個做法超簡單既橄欖油蒜香風味🤤做法簡單,而且意粉炒起黎特別惹味,配搭海鮮一流😋 詳細做法請參考ig:heacafe既cooking video啦🤗 #自家製 #nearD好西 #好煮意 #美食 #分享生活點滴 #yummy #意粉 #WFH #是日午餐 #2020回顧

🥂商廈中綠洲Cafe🍽 #悲傷小姐愛西餐 #悲傷小姐出沒葵興 ——————————————— 呢間Cafe位於商廈,主力提供各款西式輕食同主食🫔除咗有唔同口味嘅意式咖啡同花茶外,更特有冷泡咖啡同咖啡梳打☕️ 💗全日早餐($68) 牛角包烘至酥脆,帶牛油香🥐;香腸煎至微焦,肉質結實彈牙,有濃郁香草味🌱;煙肉肥瘦適中,帶陣陣煙燻香🥓;炒蛋口感滑溜,蛋香味濃🍳;雜菌食落爽口🍄新鮮爽脆嘅沙律菜配上蕃茄片同青瓜,以酸甜嘅黑醋調味,感覺清新開胃🥗 💗南瓜雞肉意大利飯 ($73) 意大利飯粒軟硬適中,醬汁由鮮甜南瓜蓉同香滑忌廉製成🎃口感都算Creamy。雞肉粒份量好足料,有預先煎過,食落嫩滑帶焦香🐔 💗煙三文魚配黑松露炒蛋多士($68) 炒蛋生熟度控制好,微微定形又保留到蛋汁,不過黑松露味唔夠突出好淡🍳;煙三文魚肉質柔軟呈橙紅色,咸鮮得嚟完全唔腥🐟。可以配埋烘至香脆嘅多士一齊食🍞 💗巴斯克芝士蛋糕($25) 蛋糕微焦嘅外層略嫌少少乾,不過內裡質感輕盈,忌廉芝士幼滑濃郁,鹹甜中取得平衡🧀 💗Honey Early Grey Latte(+$7) 伯爵茶茶味濃郁幽香🫖配上香滑嘅鮮奶泡,以蜜糖代替砂糖,甜味自然更有風味🍯 💗Milk Chocolate (+$7) 朱古力奶味道濃郁,微苦唔會太甜🍫質感純厚幼滑,上面有薄薄一層忌廉奶泡同可可粉🥛 味道指數:😋😋😋😋 扺食指數:💲💲💲💲 環境指數:😍😍😍 💰人均消費:$51- $100 📍Oasis Coffee & Meal 葵涌葵昌路51號九龍貿易中心2樓B2   #hkfoodie #香港美食 #美食推薦 #吃貨 #打卡 #相機食先 #人氣 #巴斯克乳酪蛋糕 #伯爵茶 #意粉 #甜品 #咖啡 #西餐 #早餐 #三文治 #意大利飯 #near好西

🥂超Chill多國菜酒吧🍽 ———————————————————— 呢間餐廳提供頂級葡萄酒同美味嘅南方意大利美食🍾座位以Bar枱為主,設有開放式廚房,超有氣氛夠哂Relax🤤 💗Starter Of The Day 主角係圓球Burrata Cheese,外層柔軟煙韌嘅Mozzarella包住半液體嘅芝士同忌廉,食落奶味濃郁🥛配上新鮮翠綠嘅沙律,以酸甜嘅黑醋調味,感覺清新🥗 💗Roast Beef Topped Japanese Rice ($150) 薄切燒牛肉份量都算慷慨,顏色粉嫩但唔係血淋淋個隻,食落嫩腍又重牛味🐃日本珍珠米濕潤度啱啱好,飯粒煙韌,可惜唔夠熱🍚配上特製嘅蘋果生薑汁,味道溫和帶微微果香,唔會搶過肉味外,又可以減輕膩滯感🍎加上流心蛋黃,令整體更滑身。 💗Truffle Tagliolini ($190)  意大利幼麵係自家製,口感順滑較腍🍝以濃稠忌廉汁煮製,有多片鮮刨黑松露。但味道好淡,黑松露又唔突出,底下剩番好多油🙁 💗Tiramisu ($88) 蛋糕浸過Expresso同冧酒☕️口感軟熟濕潤,食落咖啡同酒香比例平衡,兩者非常濃郁🥃馬斯卡彭芝士質感好似忌廉咁豐厚Creamy,非常細膩🧀頂層再灑上香濃嘅可可粉 💗Panna Cotta ($88) 奶凍入口幼滑即溶,帶淡淡奶香,甜而不膩,面頭灑上少量肉桂粉🍮搭配經紅酒浸煮過嘅香梨🍐、新鮮士多啤梨🍓同藍莓,酸甜開胃。 味道指數:😋😋😋😋😋 扺食指數:💲💲💲 環境指數:😍😍😍😍 💰人均消費:$101-$200 📍Acquasala  中環蘇豪伊利近街13號地下及閣樓 #hkfoodie #香港美食 #美食推薦 #吃貨 #黃店 #相機食先 #酒吧 #甜品 #意大利菜 #西餐 #上環美食 #黑松露 #中環美食 #紀念日 #意粉 #丼 #nearD好西

🥂優質意式Cafe🍽 —————————————————————- 呢間餐廳以自家製汁醬,更罕有以雞湯魚湯牛湯煮製食品,用心製作每道菜式💛星期一至四晚餐訂座有85折,五至日就88折,晚市外賣自取都有88折㗎🤩 💗紫椰菜薯蓉湯 紫椰菜營養價值極高,薯蓉令整體更濃稠綿密,將忌廉攪匀一齊飲,口感順滑冇渣,味道自然香甜🥔 配上烘至脆卜卜嘅蒜蓉包,非常重牛油同蒜蓉味🍞 💗拿破崙寬條面伴孜然羊架($108) 闊條麵口感爽滑彈牙🍝每條都掛住酸甜嘅蕃茄醬🥫配上三色椒絲,味道清爽開胃。羊架都算大隻,表面煎至微焦,旁邊嘅脂肪位油香四溢。內𥚃色澤粉嫩,肉質軟嫩多汁,惹味嘅孜然香亦冇蓋過羊羶香🐑 💗軟殼蟹·南瓜蟹肉意大利飯($108) 意大利飯粒軟硬適中,食落煙韌唔會過份黏口🇮🇹食落有淡淡南瓜香🎃中間夾雜大量鮮甜嘅蟹肉,口感濃厚Creamy。原隻軟殼蟹炸得酥脆香口,口感厚肉多蟹膏,鮮味甘香🦀唯一可改善係整體調味可以再濃d。 💗牛奶布甸 奶凍軟硬適中,口感嫩滑得嚟帶少少彈性,奶香濃厚🍮 💗綠茶雪糕 雪糕甜度適中,綠茶味突出,帶微微茶葉香,最後有茶澀嘅回甘🍵 💗港式奶茶 茶底濃厚幼滑,茶味香醇,同時又有充足嘅奶香🥛 💗西柚紅茶 紅茶香醇而不澀,散發出陣陣水果香,西柚味酸甜自然🍹 味道指數:😋😋😋😋😋 扺食指數:💲💲💲💲💲 環境指數:😍😍😍😍 💰人均消費:$101- $200 📍La Vigne  大角咀大全街6號地舖 #hkfoodie #香港美食 #美食推薦 #吃貨 #打卡 #黃店 #相機食先 #抵食 #大角咀美食 #西餐 #意大利菜 #紀念日 #意粉 #甜品 #情侶好去處 #neard好西

🥂性價比一流親民西餐🍽 ————————————————————— 呢間餐廳搜羅世界各地嘅優質食材,支持本土小型食品生產商,推廣手工食品文化🇭🇰 💗田園沙律 新鮮翠綠沙律菜除咗火箭菜外,仲有小菠菜🥬再加咗紫洋蔥、車厘茄、粟米同藜麥,營養價值高🥗 💗是日餐湯 呢到嘅粟米湯係將粟米直接打蓉,味道係幾清甜🌽不過飲落好多渣唔夠順滑,都係鐘意落忌廉一齊煮個款多d🤔 香草餐包微暖軟熟,可以搽牛油一齊食🍞 💗美國牛肩肉($138/ 8OZ) 牛扒外表煎至焦香鎖緊肉汁,內裡色澤粉嫩,完美掌握5成熟🐃肉質介乎係結實同嫩滑之間,脂肪較少而且冇筋。點埋海鹽食牛味更突出,帶微微炭燒香🥩 配菜有焗薯角外🥔,仲有蒜蓉炒西蘭花、脆肉瓜同豆角🥦 💗加拿大豬鞍架($138) 厚切豬鞍架煎焗到啱啱熟透,每個位置都唔覺韌🐷旁邊少量嘅脂肪部分帶豬油香,肉質軟滑多汁。可以夾住紅酒洋蔥一齊食,酸甜又解膩🧅,亦可點埋自家製燒汁 💗焦糖燉蛋(+$20) 底層嘅燉蛋嫩滑冰涷,甜度適中重蛋香,表面即燒嘅焦糖脆片簡直係靈魂🍮 💗朱古力心太軟(+$45) 朱古力味幾濃🍫外層蛋糕唔會焗得太實,切開都算流心,不過太甜😦 💗鮮果冰茶 紅茶底完全唔澀,配上新鮮酸甜嘅西柚,味道清新自然,果香十足🍹 味道指數:😋😋😋 扺食指數:💲💲💲💲 環境指數:😍😍😍 💰人均消費:$101- $200 📍Food Garden ETC  荔枝角長義街9號D2 Place一期3樓303-304號舖 #hkfoodie #香港美食 #美食推薦 #吃貨 #打卡 #黃店 #相機食先 #薄餅 #抵食 #漢堡包 #西餐 #意粉 #荔枝角美食 #甜品 #牛扒 #心太軟 #紀念日 #情侶好去處 #neard好西

🥂不「籽」是咖啡店咁簡單🍽 ——————————————— 餐廳有著「種籽」嘅意思,因為老闆熱愛咖啡☕️希望將從巴西、埃塞俄比亞、印尼等地選取嘅咖啡豆帶俾每一位客人,而且主打多款日式輕食🍱 💗龍蝦湯配牛油果大蝦稻庭烏冬 ($128) 扁身烏冬口感煙韌,掛湯效果唔錯🍜加入自家烹製嘅龍蝦湯,湯頭鮮甜味濃🦞配料包括有4隻阿根廷嘅爽口彈牙大蝦🦐;牛油果片未夠熟唔太軟滑,配落熱湯唔太夾🥑;夾雜少量鮮美嘅蟹肉;加埋清新嘅沙律菜同紫菜絲🥗 💗味增蟹醬蟹籽蟹肉扁意粉($128) 意粉軟硬適中,每條扁麵都掛住濃郁且不膩嘅忌廉汁🍝上面放滿甘香嘅味噌蟹膏醬、脆卜卜嘅蟹籽同鮮甜嘅手拆蟹肉,蟹味極突出🦀再灑上紫菜同木魚碎增加和風口味🇯🇵 💗海鹽焦糖雞翼($68) 單骨雞翼食落特別方便,外表炸得香脆,內𥚃肉質仲係嫩滑多汁🐥甜蜜嘅焦糖醬帶小小海鹽嘅鹹香🧂 💗Matcha Latte($45) 抹茶清香唔澀,不過奶底太薄,味道偏淡🍵 💗Chocolate ($37) 朱古力味唔算特別濃郁純厚,飲落都夠順滑🍫 味道指數:😋😋😋😋😋 扺食指數:💲💲💲💲 環境指數:😍😍😍😍😍 💰人均消費:$101-200 📍不籽是咖啡Not Just Coffee 油麻地彌敦道450號文豪閣地下D號舖 #hkfoodie #打卡 #香港美食 #美食推薦 #吃貨 #相機食先 #咖啡店 #咖啡 #意粉 #食好西 #牛油果 #甜品 #黃店 #油麻地美食 #烏冬 #蟹 #nearD好西

🥂樓上輕鬆寫意的小時光🍽 #悲傷小姐愛西餐 #悲傷小姐出沒旺角 ——————————————— 天陰下雨濕濕,同三五知己食完野再想hea多陣先走,不防考慮呢間以梳化位設計嘅Cafe,一邊嘆🍵一邊食🍰,仲有大量旅行指南書睇同Board Game玩🃏 💗千島夏威夷Pizza ($188/10吋) 薄餅嘅厚度介乎於薄批同厚批之間,批邊焗得夠脆身,中間鬆軟🍕千島醬多咗少少,食落有d滯,好彩有大量菠蘿嘅酸甜中和番🍍火腿絲份量比較少🥓面層舖上滿滿嘅芝士,芝士味好重好香。 💗自家制手打牛肉漢堡包($98) 麵包烤至外層香脆,入面軟熟,好有彈性🍔牛肉漢堡扒做得厚身,食落牛味濃郁,口感嫩滑,但未算有好多肉汁,某d位有少少乾🐮配上被熱力迫到半溶嘅芝士同醬汁,特別香口惹味🧀再加上清新嘅火箭菜🥬、蕃茄🍅同煎香嘅紫洋蔥🧅,中和油膩感。 粗薯皇炸到外面金黃焦脆,裡內係綿密飽滿嘅薯蓉,好有薯仔味,點埋茄汁仲夠味🥔 💗越式炸蟹餅($42) 蟹餅外層炸得鬆脆唔油膩,內𥚃其實就係魚蛋加咗蟹柳絲做,無論口感同味道都好似龍蝦丸,肉質彈牙有咬口。點埋泰式辣醬,酸酸甜甜夠醒胃🦀 💗巨峰提子Q果梳打($45) 有氣嘅巨峰提子汁味道絕對唔似藥水,亦唔會假,不過再濃d會更突出🍇椰果份量足夠,咬落甜甜地又煙韌🍹 💗朱古力沙漠($52) 將朱古力奶昔做成沙冰🍫飲落冰涼幼滑,可惜朱古力味好淡,但勝在唔太甜,仲有朱古力醬同一條威化餅做裝飾🥛 味道指數:😋😋😋 扺食指數:💲💲💲 環境指數:😍😍😍 💰人均消費:$51-100 📍部屋咖啡室Homemadecafe  旺角登打士街43H號登打士廣場12樓 #hkfoodie #香港美食 #美食推薦 #吃貨 #打卡 #相機食先 #西餐 #薄餅 #甜品 #食好西 #旺角美食 #意粉 #輕食 #下午菜 #咖啡 #漢堡包 #neard好西

🥂樓上休閒茶飲Cafe🍽 ——————————————— 呢間餐廳除咗主打台灣特色手搖飲品,仲提供多樣化輕食🇹🇼環境舒適寬敞,裝潢新穎,設有打卡位,吸引唔少人慕名而來🦋 💗牛油龍蝦汁燴海鮮意大利飯($88) 意大利飯粒軟硬適中,食落唔會過份黏口🇮🇹龍蝦汁濃郁鮮美🦞海鮮包括有鮮蝦、青口同蜆肉,仲有少量車厘茄🍅、翠肉瓜粒🥒同洋蔥🧅作配料 💗白酒煮蜆配意粉($98) 意粉質感乾身而且偏硬🍝加入蒜片同辣椒炒成,食落微辛惹味🌶蜆肉都算大粒,食落鮮甜冇沙,重白酒味🐚 💗髒髒黑糖珍珠鮮奶($44) 珍珠微暖煙韌,但黑糖味唔夠突出。採用明治特濃鮮奶,口感順滑,奶味濃郁🧋灑上香純微苦嘅可可份,整體甜度啱啱好🍫 💗四季春芝士奶蓋($39) 採用台灣四季春,入口溫和,味道甘醇🫖加上綿密濃稠嘅芝士奶蓋,鹹香滋味🧀 味道指數:😋😋😋 扺食指數:💲💲💲 環境指數:😍😍😍😍 💰人均消費:$101-200 📍茶聊Tearapy 旺角砵蘭街189號1樓 #hkfoodie #香港美食 #美食推薦 #吃貨 #打卡 #相機食先 #西餐 #意大利飯 #甜品 #食好西 #旺角美食 #意粉 #輕食 #下午菜 #黑糖珍珠鮮奶 #奶蓋 #nearD好西

Groups

千奇百趣 6uo

千奇百趣 6uo

香港飲食好地方

香港飲食好地方

宜家食緊乜🍔

宜家食緊乜🍔

食食食

食食食

最強飲食情報

最強飲食情報

葵青有愛☺️☺️

葵青區同新界其他區唔同,唔係新界理民府分區走出來。1985年之前,葵涌同青衣都係歸荃灣區,之不過因為荃灣新市鎮發展,遠超一區之力,就響1985年4月1號將葵涌同青衣拆出來,另立葵涌及青衣區,同時亦選出相應嘅區議會。到咗1988年,就簡短啲,改叫葵青區。而立法會選舉係新界西!

葵青有愛☺️☺️

Profiles

一山不能藏胖虎

13 Followers

6 Followings

70 feeds

一山不能藏胖虎

音樂情人

96 Followers

0 Followings

309 feeds

音樂情人

Zoe P

點解人要返工咁辛苦!🌚

120 Followers

0 Followings

396 feeds

Zoe P

heacafe

太鍾意食嘢🐽食到咩都想自己整🤣 最愛日本料理同甜品🥰 希望同大家分享係屋企自家製美食既樂趣💖

13 Followers

0 Followings

30 feeds

heacafe

hungry.winga

90後👦🏻👧🏻 |foodie.traveller 大概是我們都需要吃喝玩樂🤪 但願我們分享的你們都喜歡🥰 . 🥞Openrice LV. 4️⃣🍮 🥂歡迎試食/合作/邀請

3 Followers

0 Followings

2 feeds

hungry.winga

Charlotte Yiu

https://instagram.com/miss_sorrow_foodie?igshid=8ycmc10wvp7b

469 Followers

2 Followings

58 feeds

Charlotte Yiu

尼古拉斯

37 Followers

85 Followings

8 feeds

尼古拉斯