#香香試伏 #防疫期無啖好食 之 #是日午餐 質素對唔上價錢 醬汁配唔到食材😖 🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️ 午餐偏愛西餐，感覺食物比茶記輕盈無咁飽滯。 Lunch set 有沙律意粉扒餐選擇，$158-258包餐湯，餐飲要另嗌，價位偏高。 是日為蕃茄忌廉湯，口感厚身稠密，茄膏味好重，無鮮茄嘅清新，味道偏酸。 黑麥包鬆軟，灑上松露茸，入口帶松露香，頗為驚喜，可惜鹽加得太多，整體偏鹹，淹沒咗原本嘅麥香。 鯰魚扒有兩塊，魚皮煎得香脆，但偏乾略腥； 旁邊橙色醬汁近似美式燒烤醬，幾惹味，但同魚肉唔算太夾； 另一種醬汁估計加咗羅勒，無咩味。 沙律墊喺魚身下，菜吸收魚油後更稔身香口，醬汁反而同蔬菜更相配； 水波蛋鹽落手太重，蛋白好鹹，勝在火喉恰到好處，蛋黃嘅流心爆汁口感扳回不少分數。 咖啡豆果香偏重，入口偏酸，無烘焙香，唔啱我口味。 環境尚算舒適，但呢個價錢對應呢個質素，應該無第三次。 🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️ #食在九龍城 #cafeceres

#香香食好西 #nearD好西 HaagenDazs又出咗新嘢😳😳 呢次個哈密瓜雪糕 味fresh得嚟唔會死甜，仲有啖啖果肉，幾有咬口，無伏🤫