#香香食好西 #防疫期無啖好食之元朗區大大份雞飯🤪 相信元朗人好多都去過 #過橋麵檔，最出名唔係麵，而係佢地嘅鹹雞/霸王雞/巴辣雞，總之係雞！基本上個個嚟到都係叫雞飯。雖然價錢唔平，但雞份量足料，唔會得幾件，而且生熟啱啱好，又滑又嫩。 ⚜️ 巴辣雞配上海麵 $57 呢度嘅辣屬於香辣，香而不麻，相當惹味開胃，蒜味唔重，食完唔口臭🤭雞件肉嫩，唔多肥膏，冰冰涼，天時暑熱食落好開胃唔飽滯。上海麵有彈性，口感滑溜，記得一定要問靚女攞碟辣椒醬，同出面嘅辣油係兩回事，加咗足料辣椒同豆瓣醬之類？好香，越食越起勁😍😍 朋友話呢度嘅霸王雞同菜飯都好出色，下次再試～ #食在元朗 #雞 #neard好西 #是日午餐

Related Feeds

#香香食好西 #防疫期無啖好食之 #是日午餐 #酸菜魚 🍲 落雨濕濕濕氣重，最啱食酸辣袪濕💁🏻‍♀️ size分咗大中細，分別係$50、$80、$110，比市價平唔少，本來擔心會唔會俾得好少，但無諗過嗌細都幾足料👍🏻 一打開表面鋪滿魚片，至少有十幾片，大小同塊salami差唔多；魚肉滑嫩，夾起略嫌易爛，無筋性，有些微細刺但可以咬碎。底下只有大豆芽、酸菜、青瓜片三種配料，令湯底帶充分鹹酸，湯水呈米白色，口感厚滑，但魚味唔夠濃郁；嗌咗最重嘅大辣，用嘅係黃色嘅小辣椒，都係食唔到有辣味🥺🥺 #食在元朗 #nearD好西 #雲來 #新北江