#香香食好西 #防疫期無啖好食 #宵夜 之 #聖安娜 比利時 朱古力紅桑子脆脆 #蛋糕 🍰 外層塗上厚薄適中嘅 #朱古力 醬，可可味好香，入口軟滑，用上55%朱古力，苦甜平衡； 中間夾有紅桑子軟心，增添酸味，中和甜味，食到尾都唔覺漏； 餅底用咗脆片，估計即日製作，無受潮，仍然保持到脆口； 平時最怕朱古力蛋糕太甜太膩，但呢個苦>甜，加上無cream無mousse，唔會有‘確’喉感，唔錯😛 連鎖餅店用料入貨平加上量產，半磅庄都係$148，幾抵食，夠三五知己圍內share👨‍👨‍👧‍👦 #neard好西

#香香食好西 #防疫期無啖好食 之 #是日午餐 #酸菜魚 🍲 落雨濕濕濕氣重，最啱食酸辣袪濕💁🏻‍♀️ size分咗大中細，分別係$50、$80、$110，比市價平唔少，本來擔心會唔會俾得好少，但無諗過嗌細都幾足料👍🏻 一打開表面鋪滿魚片，至少有十幾片，大小同塊salami差唔多； 魚肉滑嫩，夾起略嫌易爛，無筋性，有些微細刺但可以咬碎。 底下只有大豆芽、酸菜、青瓜片三種配料，令湯底帶充分鹹酸，湯水呈米白色，口感厚滑，但魚味唔夠濃郁； 嗌咗最重嘅大辣，用嘅係黃色嘅小辣椒，都係食唔到有辣味🥺🥺 #食在元朗 #nearD好西 #雲來 #新北江