#香香食好西 天水圍區高質有服務泰菜推介🤩 ⚜️ 🐖鐵板鹵水無骨豬手 $68 上枱jarjar聲出哂煙，鹵水味濃郁，未見其貌已聞其味😋 豬手切件上碟，大小均稱易食。豬毛袪得乾淨，豬皮煙韌彈滑，肉質稔軟不肥，鹹中帶甜非常入味。 🥗青木瓜絲沙律 $68 以木瓜殼盛上，原汁原味。 木瓜絲粗幼分明均一，新鮮爽甜，配埋香脆嘅花生同辣椒提味，更醒胃。 🥘青咖喱魚柳 $88 偏甜不辣，相信唔好辣嘅朋友都啱食。 咖喱質感濃郁稠密，椰香突出，啱哂用嚟送飯送薄餅，而且夠足料，魚柳茄子各有六七件。 🥞鐵板蠔仔煎餅 $108 有啲似中式蠔餅，但製法偏向半煎炸，入口更保留到蛋香同蛋餅嘅綿密口感，不同於中式嘅酥脆。 蠔仔有一節指頭大小，軟嫩爆汁，不帶腥味，配埋底下爽脆嘅芽菜，口感更豐富。 ✅衛生意識非常值得嘉許，碗碟餐具長時間以gas爐滾住熱水消毒，令客人食得安心又放心。 ✅餐廳定時定候提供特價菜式，亦提供$308二人餐選擇，有湯、主菜、飯麵、炒菜、甜品，相當抵食。 #食在天水圍 #Ttown #亞萊泰 #Aroithai