今日躝咗去上野及涉谷，上野恩賜公園幾正，星期六多人，好在夠大，期間見到一個行為藝術表演者，真係好佩服佢，太陽又曬，企住唔郁幾難頂，唔知呢啲係咪叫為藝術犧牲？我自問就唔得，企一陣都腳軟，年紀大，機器壞🤫 又見一位busking,打搞擊樂，WOW,so nice 👏I love it😘非常治癒🫶 去到涉谷，睇咗blogger介紹去影人潮多到無論嘅相，仲要俾錢走到上觀景台影，聽講話係每分鐘人潮最多的路過者，見到咁多人好似蟻咁頭有啲痛😵‍💫 晚上食餐勁，又和牛又隊啤🤩飲飽食醉，為咗街上啲人安全，我要飛返酒店🤪 返酒店前路過family Mart見到啲蛋糕好正😋 好想食呀，但我今晚太飽只可以買Yogurt及沙律菜😆

Related Feeds

開始第二次全本聖經由頭到尾重閱，第二次睇比第一次感受深啲，認知又多咗啲，主都知我係一個懵懵地嘅人，欠缺天資。。。會比多啲時間我嘅🙇‍♀️

今日大喜日子。。。2024年第一日😎下午打完🏸，享受爆汗，追擊對手，對抗性運動，wow。。so good 😈 返到屋企梗係要係netflix搵套戲 chill 吓, 連睇兩套戲，年頭睇齣驚悚片🫣由張鈞甯、阮經天主演嘅「查無此心」，台灣片，比想像中好睇，劇情ok,一個變態連環殺手，大開殺界，節奏明快，只係尾段，女探員一個人單拖押解瘋子殺手就唔made sense,又唔打得，又唔call help,以為自己係Terminator😏 另一套叫「家有吸血鬼」，中伏😡浪費我人生時間😏好在覺得唔對路，就倍速睇。。。哈哈😁😁

終於跌入youtube懷抱，電視無嘢睇🤣Netflix比我睇哂😱youtube自由選擇多，睇戲，聽歌任君選擇，唔俾錢，出廣告嬲爆😤比錢後離線及背景播放，呢吓幾正😍 好笑既係你喺youtube app版申請個人用，$108@月，喺網頁版申請78@月，我梗係英明消費者啦🤫仲可以八達通過數，至憎用信用卡😒