觀塘工廈真係有好多唔同嘅隱世餐廳，今次同朋友就去咗駱駝漆大廈三座，入到餐廳就好似去咗日本咁，餐廳嘅裝修好有心思，好靚。午市定食仲做緊8折優惠，真係好抵 睇咗午市定食餐牌，揀咗份【壽司定食 $138】呢款定食，有6件壽司，其中一款壽司係廚師限定嘅壽司 (每日都唔同)，壽司六點包括：間八魚、帶子、油甘魚、甜蝦、池魚及廚師發辦：魷魚，每件壽司都新鮮肥美；另外仲配埋一碗鮮甜好味嘅【碎蔥吞拿魚茸飯】加埋豉油及 wasabi落去，撈埋一齊食真係正到不得了 另一份就揀咗【滑蛋吉列豬柳定食 $98】有2件大大塊嘅吉列豬柳，肉質好嫩滑，配滑蛋真係好夾，滑蛋撈飯一流，飯較軟腍 兩份定食附沙律前菜 (一份係和風醬汁，另一份係kyuubi沙律醬)、 又香又滑嘅茶碗蒸、蜆肉味噌湯及甜品：朱古力杯裝雪糕 另外追加咗份小食【明太子雞翼(兩件) $18】熱辣辣嘅明太子雞翼，炸到外脆內軟，入面仲塞滿明太子，辣辣地好味道 餐飲就跟餐【黑糖姜茶 +$5】飲完胃部暖粒粒，冬天飲就最啱；另一杯就係【咸柑橘梳打 +$10】 呢個環境又舒服，一路傾計一路食就最啱，定食大份又抵食，食到我地攬個個肚走 餐廳宜家仲做埋特價外賣便當 $38起；另外指定便當第二個仲有半價優惠；仲有二人外賣套餐 $449，可以揀鍋物配料、壽司、刺身添，真係好抵食 掌壽司 觀塘開源道60號駱駝漆大廈3座5樓U室 #掌壽司 #tenohirasushi #刺身 #壽司 #壽司定食 #魚生 #日本菜 #日本料理 #定食 #午市定食 #廚師發辦 #sushi #Japanesefood #lunchset #工廈小店 #觀塘美食 #駱駝漆大廈3座 #hkfood #foodblogger #foodie #foodies #hkfoodies #hkfoodieblogger #happyhappy #bloggers #hkbloggers #influenspace #bloggerlife #yummyfood